1 Benyamin kaung Aphi , Bekhore , Ze Ro, Abyela mae" gyo" lo: ra" Kisha mang: ra" Benyamin: kaung dayaug na: ra". –2 Yao: mae Sholu ga: mang: ra" yaug gai zo: dayaug na: ai: zoshao wa gyai yaung" lho" ru we' gekai: lai: byu ngaid: . Israel byu qe mae ai: yaug tho' je yang: yaung" lho" ra" byu dayaug re: mana. Yao: wa getau: byu tho' lo, sin mae" au: ze sho' je: myhao:3 ra". – Sholu; yao: pho" Kisha nho: myao: jham byaug; lo" yang: Kisha yang nao daui nhao byu dayaug jhui: yang: myao: cao" qho nae" tau: ye" lo" wa, ga: yao: zo: re4 mho: ra". – Alao" Sholu wa Ephrim: bam mug: we' Shalisha mug: ngae sho' cao" qho qere: mamyao lao" Shalin jo, qo mae" ru Benyamin: jo, qo dadae: geim" mae cao"5 qho qere: mamyao. – Zupha mae joe" lao" Sholu wa lo" gelang: se , ai ru: mangaid: re wa myao: jham mamyao yang: myid myo" ra" tho' ngo tao re je: gaung yug; na nae" ga:6 daui nhao byu re ta" ra". – Ai: yaug wa ce: vomo" mae mang hau: qi" ra" Mo"so: byu dayaug na: . Yao: ta" ra" dao: kheim: alhab' jo dang: lo: ra". Yao: jhao" ye: gelang: . Ngo nhae ye: qho nae" khyo dang yao: ta" kyo"7 re ta" kyo" li" nae" ga: mho: ra". – Ye" re ngo nhae pe" jhaung qhu" ci nae". Ngo tao ci: ra" cinmain" gain va". Mo"so: byu re jhaung qhu" byid: nae" zai daja: ja: lao" maqo" lo: . Ngo tao mae daja: ja: bo shi" i" ga: Sholu yang daui nhao byu re myid'8 ra". – Daui mung su wa ngo mae ngaui shid' ce: bo shi". Ngo tao re khyo ceim" shid' nae" tau: Mo"so: byu re ce byid:9 nae" ga: Sholu re ta" ra". – Genhae" wa Israel qe Mo"so jhao" myid' qu" nae" tau: ye: nae" ga: lao" myao su jhao" ye: gelang: ga: lhaung" mho ko" ra". Lapa ga: lhaung" ta" su re geco' ne, myao su ga: lhaung" ta"10 genhaung. – Gai va" ye: lang: se, ga: Sholu wa daui mung su re ta" mung: Mo"so: byu na: ra" vomo" khyo ye" lo" ko" ra".11 Vo yae bam bug joe" lao" qid khae li" ko" myiqe: zo: qe we' qhug' mung: cetau mae myo, myhung" myao: ra" yaug na:12 i"? ga: myid: ko" re , – Na: ra" , naotao: qhid' mae na: na: . Mye, za: ye: ge, . Myo, myhung" myao: ra" yaug ana" ba ce: vo khyo li" ra". Byu qe myhao: ra" bug gaung13 mae ana" ba xeim: to' poe kaid' ako". – Ai: myo, myhung" myao su sho: zo: nae" tau: bug gaung khyo mado, lo" shi" re naotao: vo khyo mye, qo" joe" myhi ko" ngaid: re wa qhug' genaeva". Yao: majoe" re wa byu qe malhaung" zo: ko". Yao: wa xeim: to' jao: mae xeim: ngaui" mau" lhaung" zaui" ra". Ngaui" bin lao" za: khai qhug' ra" mo, zo" ako". Ai ru: mung: do, lo" ge, . Ana" lo"14 myhi shi: genae" ga: ta" kyo" ako". – Yao: tao vo khug vao mung: yao: tao vao lo" re Samuela wa ai: bug gaung khyo do, lo" na: au: yao: tao we' qhug' ra".15 Ana" Sholu joe" nae" qhid' ba: ne, re za: Mo"so: yang Samuela re ne, mo" ba ce: yo, re Benyamin: mug: mae" byu dayaug16 nao jhao" Ngo nhao: ke' nae". – Nao wa ai: yaug re Nga" byu Israel qe: jhaung zug: kaid' nae" tau: xau gyain: byid: yang: tang: byid: ca" nae". Yao: wa Nga" byu qe re Philisti byu qe: lo, mae" khyaid' yu ca" nae". Ngo wa yao: bam: hug' yao thoe Nga" no: khye' mae the' gyo: mung: yao: bam re Ngo qu" gam va" ga: Samuela re17 myhao" byid' ava". – Samuela wa Sholu re myao lao" Mo"so wa Ngo ta" ra" yaug re qu" wa, ce yaug wa Nga" byu qe re ug;18 gam: li" nae" ga: mho: ra". – Ai: au: re yao: Sholu wa Samuela na: ra" kham: dung: khyo te' joe" li" mung: myao yaug: yham khai: mae ngaid: , ceim" shid' gela, ga: li"19 ta" ra". – Samuela wa , ngo wa myao: ra" yaug ngaid: . Nga" qhid' kheim: bug gaung khyo do, lo" wa,. Ana" ba ngo we' daga" zo: ca" nae". Ne, mo" ba dam: nhao: ke' nae". Ni" aung khug mae bo: gu: alhab'20 re re: ngo pheim: qhu" nae". – Ana" yo, byaug: lo" ra" myao: re da myid lo: . The' myao veko". Israel byu qe wa pe" re o ngaui: na ko"? Nao we' ni" akaung qe re bo: o ngaui: mangaid: i"? ga: Sholu re mho:21 ra". – Alao" Sholu wa ngo wa Israel amyu" mae ngai: thao" voma , Benyamin: kaung ngaid: mangaid: i"? nga" akaung wa Benya- min: kaung mae ngai: thao" yaug mangaid: i"? pe" mung: nao ngo re ceru: ta" ra" ga: mho: ra".22 Ai mae" Samuela wa Sholu we' yao" daui mung su re khai mung: kug qe, khyo vhao" yu yang: khai: zhang" to" byu sam xe zo: mae" gyag; thao" ra" zaung jao:23 mae zhaung: ra". – Poe ug re re: khai: yu mung: nao re gethaung: sain kaid' to: wa, ein: jaung nhao: to" gae bam re yu: lo se,24 ga: mho: ra". – Poe ug pho" wa paung sho: we' ai: mae bo: ra" zo: nam yu: lo mung: Sholu qhid' kheim: mae to" to" ra". Samu- ela wa nao re byid' ra" ai wa gethaung: sain jaung: to" ru ngaid: zo: wa, . Ngo byu qe re khai va" ein: gu: mae" ni" qhid' mae" jaung: to: va" ru ngaid: ga: mho: ra". Ai mung: ai: ba Sholu wa Samuela we'daga" zo: shaug' ra".25 Yao: bam bug gaung mae" gyo" lo mung: vo khug vao lo" yang: Samuela we' Sholu tao wa yham dao mae jho" mang" na:26 ako". – Thao: ne, no' re" to" mung: myo, myao: lo: au: Samuela wa to" se, nao re ngo seim" nhao: ke' nae" ga: mung: Sholu re yham dao khyo khai: yu: ra". Alao" Sholu to" lo mung: Sholu we' Samuela shid' yaug27 thug' lo" ako". – Vo yae joe" lao" Samu- ela wa ni" daui mung su re qhid' khyo su" kaung: nae" tau: ta" wa, ga: Sholu re ta" ra". Daui mung su re: qhid' khyo su" kaung" ra". Samuela wa dazab thang shi: . Ngo nao re Mo"so: amyin" dao: zhao: kyo: nae" ga: mho: ra".