1 Kiyaredyarim: vobyu qe li" mung: Mo"so: bain" re yu: lo" yang: bam mug: mae" Abinadab yham mae vhao" zaui: to" ako". Bain" re zaung" nae" tau: yao: zo: Eliza: re shao kyang" pye' byid' ako". –2 Bain" ai: ru zin na shid' xe myao" sho' Kiyaredyarim: vo mae to" to" ra". Israel byu qe re: Mo"so re myid: beim: kaug'3 ngug; na: ako". – Alao" Samuela wa naonhaung" getau: so ngaid: ra" Bala so , Ashatared' so jham re jao" vha: pye' mung: Mo"so: tau: naonhaung" nhaid' lam: seim" nyhang" mung: Mo"so jhao" nhaid' lam: lam: maug au: am: yang: dam: lo ge, . Ai: Mo"so re za: pa" kug' ko" ngaid: re Philisti byu qe: lo, mae" khyaid' yu nae" ga: Israel4 byu qe re ta" shid' ra". – Israel qe wa ai ru: ga: lao" Bala so , Ashatared' so re vha: pye' mung: apyaid ato: Mo"so re za: pa" kug' ko" ra".5 Ai lao" Samuela wa Israel mo, byu qe re Mizapa mae zhang" qham: ke' ge, . Naon- haung" tau: Mo"so jhao" ngo mho' vhao"6 byid: nae" ga: mho: ke' ra". – Yao: bam re: Mizapa mae ceim" zang" qham mung: qid khae: yu yang: Mo"so: qhid' kheim: mae vhe' gyain" ru , zo zang" ru we' ngon- haung" Mo"so re shaid' bam va" wo" ga: khae: yu: ako". Samuela re: Mizapa vo mae Israel byu qe re tarha" kho' kyo' qhu" ra".7 Israel byu qe Mizapa vomo" mae qham phaung: ra" khyo Philisti byu qe qo" the' gyo: gelao" Philisti zug: qe wa Israel qe jhao" gye khe' to" li" ko" ra". Ai: lau dao: Israel qe the' gyo: gelao" Philisti byu qe re8 gyaug ko" ra". – Ai ru: mung: Israel byu qe wa Samuela jhao" ngonhaung" AsAng Mo"so wa ngonhaung" re Philisti byu qe: lo, mae" khyaid' yu shao: ngonhaung" tau: khyao za: jhaung: mho' byid: la, ga: mho9 ko" ra". – Samuela wa nug' makao: shi" yao nau" re yu mung: Mo"so jhao" gaung geim" ngha" ngaui" byid' ra" xeim: ngaui" byid' ru we' Israel qe: tau: jhaung: mho' byid' ra". Mo"so re: yao" dao: tae" gyo: byid' ra". –10 Samuela phaid' ngaui" xeim: ngaui" byid' ra" au: Philisti byu qe wa Israel jham re gye khe' nae" ga: te' li" lo veko". Mo"so wa ai: ba re Philisti byu qe: adao mug: dam: dam" myhang" ke' mung: yao: bam re khe' pye' byid' ra". Ai ru: mung: Israel byu qe: qhid'11 mae seim" byaug: ako". – Israel byu qe re: Mizapa mae" thug' mung: Philisti byu qe re Bedka vomo" joe" sho' cao" khe' se' ko" ra".12 Ai: au: Samuela wa laug baui yu mung: Mizapa vo we' Shen vo gyo: mae tau: yhe' to: yang: Mo"so: yang ngonhaung" re ana" ba joe" bao" thaug' na: ra" ga: mho zo" ai:13 laug re Ebeneza: ga: mhang" ra". – Ai re" khyo: Philisti byu qe seim" byaug: ru qhug' geyang: thao re Israel qe na: mug: khyo mali" lo: ko". Samuela bang: dabang" geim" Mo"so: lo, mo" yang Philisti byu qe re tam"14 kyo" to: byid' ra". – Philisti byu qe yao: bam sang: yu va" Israel mug: Ejhung: mae" re Gata joe" sho' mae" vo jham re dam: tug' byid' ako". Vomang: jham re re: Philisti byu qe: lo, mae" Israel qe dam: qo" lhaid' yu ko" ra". Israel we' Amori' byu qe re: gye15 maboe" lo: yaug yo: lo" ra". – Samuela wa yao" bang: dabang" geim" Israel qe re16 ug: gam: ra". – Bethela', Giligala , Mizapa vomo" jham re zin qug: cao" su" kam: mung: ai: akhug mae" Israel qe: mau" re17 cao" ta" sho' byid' ra". – Dam: lo lao" yao" yham jo; ra" Rama khyo lo: joe" joe" kaid' ra". Ai: vo mae re: Israel qe: mau" re ta" sho' byid: yang: Mo"so: tau: ngaui" phain re kaid' to" ra".