1 Sam ba lai thao Davi we' yao" byu qe Zikalag vomo" joe" lo" ko" re Amaled' byu qe qid bang: mug: we' Zikalag re li" se' gemung: Zikalag vo re phyo' yu yang:2 myi: ngha" pye' co' veko". – Vo mae na: ra" myiqe: aqi: angai dayaug re: mase'3 lo: sham" jhui" lo" byaug veko". – Ai ru: mung: Davi we' yao" byu qe wa vomo" lo" joe" lao" vo re myi: ngha" mung: myi: zo: jham re sham" lo" va" ru lo" the' myao:4 ako". – Alao" Davi we' yao" byu qe wa zag: hug' ngug geyang: qam: gain sho' ngug ko"5 ra". – Davi myi: shid' yaug Yezerela vobyu Ahinom: we' Nabala myi: Karamela vobyu6 Abigela jham re: bo: lo" va". – Davi wa qam: shain qam: mo" gyo" ru we' nhag' ngai: na: ra". Byu qe wa khag' re: khag' yao" myi: zo: qe: mathao nhag' kaug' gemung: Davi re laug baui: yang pye' se' nae" ga: ta" ako". Davi kam" wa AsAng Mo"so mae qam: yu lam khug yang: na: ra".7 Davi wa Ahimaled' yao: zo: khin jaung Abyata re kuyhoe" qhang ngo jhao" yu: lo re: ga: mho: ra". Abyata re: ai: kuyhoe"8 bau: qhang re Davi jhao" yu: lo" ra". – Davi Mo"so jhao" ngo ai: gye mo" thaui: re cao" khe' nae" i"?. Cao" khe' re myhi nae" i"? ga: myid' ke' re , Mo"so wa cao" khe' wa, . Cao" myhi mung: zai yo alhab' dang dang dam: qo" yu nae" ga: yao: re tau" mho:9 ra". – Alao" Davi wa yao: we' yao: mae bo: ra" byu khyaug' yo ye" lo" mung: Beso qid zo: gyaung: joe" lao" da myo" ai: qid yae tau10 thang: gyo" na ko" ra". – Davi we' byu byid yo cao" khe' mung: byu shid' yo wa saung" myaung" byaug yang: Beso qid gyaung: matho' gau" de; mathao thang: na co' ako".11 Jao: dae tau Egutu byu dayaug we' jho" qhug' mung: Davi jhao" jhui" lo yang: cinmain" byid: zho" ako". Ai: yaug re: zo:12 mung: qid re re: jhaug' ako". – Pho' ham" shi: dapye: , sabyi: shi: shid' pau: re: byid' ako". Ai: yaug re: zo: mung: qam: dam: byang" lo: ra". Sam ba lam: lam: mazo:13 mashaug' lo: moe, phau" ava". – Davi wa nao khoyaug we' tin" ra". Kho tau mae" li" ru ga: myid' re ngo wa Amaled' byu jhao" jeim kaid' ra" Egutu zoshao ngaid: . Lai: lo va" sam ba: gu: mae no yang: nga"14 asang shepye' to: co' ru ngaid: . – Kheriti mang: qid bang: dau , Yuda mang: we' Kaleb' mang: o: dau re yese' mung: Zika-15 lag re myi: ngha" co' va" ga: ta" ra". – Davi wa ai: gyemo" thaui: na: khyo , khyo qo" shid' nae" i"? ga: myid' re yao: wa nao ngo re mase' pye'. Nga" asang: lo, khyo re: maqhaug' pye' nae" khyo: Mo"so mae kheim: ke' wa, . Ai ru: lao" kam" ai: gye mo" thaui: na: khyo , khyo shid' nae" ga: mho: we' dakhyo: Davi re: nhang: kheim: ke' ra".16 Ai: zoshao khyo shid' mung: Davi bam joe" ye" ra" au: ai bam wa Philisti mang: we' Yuda mang: mae" sham" yu: lo: ra" jo, nho" zai jham: mathao: yang zo: shaug' , go" pyo: mung: jao: dae dadae: geim" mae17 to, na: bam ko" ra". – Davi re: sao qhid' ye" ra" myi mae" thao: myi joe" sho' yao: bam re se' lo" ko" ru mung: ma dae myao: zaung: ra" zolau: byid yo qo" phao: loe; lo" ko" mae" jain" yang: dayaug lao" madang18 se' tam" pye' ra". – Amaled' qe sham" tai: lo" ra" alhab' re Davi dam: qo" yu mung: yao: myi: shid' yaug re re: dam: qo" khyaid'19 yu: ra". – Byu aqi: angai , myiqe: yaug gai zo: qe we' zai atug atid , lhaid' yu: lo" ra" zai alhab' gu: mae" dalam: madang acao jab20 Davi dam: qo" khe' sang: yu: ra". – Davi re: keim" jhui" lo: ra" yao , nung: jham: gu: mae" qhid' au: mae su" na: gu: re yu mung: ce wa Davi sang: qo" lhaid' yu: jo, nho" ngaid: ga: ta" ra".21 Myaung: yang: Davi thao matho' cao" , Beso qid gyaung: mae na: thang: gyo" co' byu shid' yo na: khyo Davi joe" mung: yao: bam re: Davi we' yao: mae bocao" lo: byu qere tug: yu nae" ga: thug' lo ko" ra". Davi re: yao: bam we' te' za: ngaid lao" yao: bam22 re bang" se" ra". – Davi we' bocao" ye" lo" ra" mo, mae" azhaug' amhe' byu vhang: qe wa ce bam wa ngonhaung" we' mabo: cao" ra" mathao ngonhaung" qo" ra" jo, nho" gu: mae" yao: bam: zo: myi: jham mae" getau zai yo yao: bam re mabyid: . Yham sang: zo: myi: qe re jhui" yu mung: lo" vegeshao:23 ga: ta" ako". – Davi kam" wa nga" mao: nhaung: qe ngonhaung" re gam mung: nyhao: re gye kaid' lo" ko" mo, thaui: qe re ngonhaung" lo, tau qhaug' byid' ra" Mo"so: nhag' myain" yu: jo, nho" re ai: khyo:24 magai: kaid'. – Naonhaung" ta" khyo: khag' ba: gyo: byid: nae". Gye se' ye: yaug qo" ru: , zai lhaug' yang: na: thang: gyo" mo, re: qo" shao: . Shid' phung" geim" daqi"25 dakhyo: gai: qo" ra" ga: dao: kho' ra". – Ai: ba mae" ana" joe" sho' Israel amyu" mae ai: ra" thung" gang" na nae" tau: dao: kho' sho' to: byid' ra".26 Davi Zikalag' vomo" joe" lao" qo" yu: jo, nho" daqhae: yao" ba nam Yuda ade, qe jhao" byid' ke' mung: Mo"so: gye qe: lo, mae" qo" yu: ra" jo, nho" mae" naon- haung" re kho' byid' ke' ra" jhaung qhu"27 re qu" ge, ga: pyang: ke' ra". – Bethela' ,28 qid bang: shaid' Ramog , Yidtiya , – Aro ,29 Shiphamug , Eshatemo vo , – Rakhela' , Yeramela byu qe na: vo jham , Kani byu30 qe na: ra" vo jham , – Homa , Khoroshin ,31 Ated vo , – Hebron: vo jham we' Davi yao: we' yao" byu qe lhaung" khug: na: lo: vo zo: vo zang agau: gau: khyo byid' ke' ra".