1 Ana" Samuela kao qi" lo va" mathao yao: zo: tao re Israel qe: zug' gam nae"2 tau: tarha" agyi zhaug' to" ra". – Zo:qhid' yaug wa Yola , mao: le' mang wa Abiya ga: mang: ra". Yao: tao wa Berasheba mae3 tarha" zug: kaid' na: ako". – Ai qere: yao: pho" thao macao". Ngaui myo, nyaid dae" lo" mung: khug vag: zo: yang: tarha" phyo' qheim" pye' ako".4 Ai ru: mung: Israel ade, qe qham phaung mung: Samuela na: ra" Rama vo5 khyo ye: yang: , – Qu" wa, ana" nao kao qi" ava". Ni" zo: tao re: ni" thao macao" ko" ngaid: ra". Ai ru: mung: byumyu" cao jab mae li jo; we' dakhyo: ngonhaung" re ug nae" jhaung zug: khyin: to' byid: la,6 ga: mho' ako". – Ngonhaung" re ug: gam: nae" jhaung zug: byid: la, ga: mho' ko" ru re Samuela mangaui yang: Mo"so jhao"7 jhaung: mho' ra". – Mo"so wa Samuela re mo, byu qe ceim" ta" lo ko" dao: re tae" gyo: wa, . Yao: bam wa nao re za: to" pye' ru mangaid: . Ngo yao: bam: jhaung zug: maboe" shao: ga: Ngo re re: to" pye' veko"8 ra". – Yao: bam re Ngo Egutu mae" jhui" she: thug' lo: ba mae" ana" ba joe" sho' Ngo re naung phaug' mung: getau: so re caung da" yang: kaid' ra" ave, we' dakhyo: nao re9 re: kaid' ako". – Ana" yao: bam: dao: tae" gyo: wa, ai qere: ta" kyang: mung: yao: bam re ug nae" jhaung zug' ave, li jham re ta" kyo: wa, ga: mho: ra".10 Alao" Samuela wa jhaung zug: mho' ra" mo, re Mo"so: pyang dao: xo' ta" kyo"11 ra". – Naonhaung" re ug gam nae" jhaung zug' ave, li jham ein nae" ru wa yao: naon- haung" yaug gai zo: jham re zhang: khai: yu mung: yao" myao: yao" lhin" zam" ra" mau" byid' to: yang: damyo" yao" myao:12 lhin" qhid' au: khyo botao: ca" nae". – Byu da taung , dayo , ngo" xe , da xe re ug nae" su khyin: to: mung: yo thaung: kaid' , gaug yaid , yao" gye zai , myao: lhin" zai jham re13 kaid' ra" mau" kho' byid' li" nae". – Naon- haung" myiqe: nau" qe re jhui" yu mung: nae pyo" ja: nyhang" nae" ru , zo jho' mo, , cinmain" kaid' mo, ga: mau" kho' gae14 byid' li" nae". – Naonhaung" yo thaung: , sabyi' khyae , Zhainlun: khyae gai: thao" jham re yu yang: yao" jeim qe re byid' li"15 nae". – Naonhaung" myug: shi: we' sabyi' shi: xe bam da bam yu mung: yao" mau"16 vin sin: thu qe re byid' li" nae". – Naon- haung" jeim pho" jeim myhi" gai: thao" daui mung su we' myao: jham re yu yang:17 yao" mau" zo" mae nhao: li" nae". – Naon- haung" yao zhain xe bam da bam re re: yu mung: naonhaung" wa yao" jeim boe"18 ca" genae. – Naonhaung" khyin: yu: ra" jhaung zug' mathao ai: ba re naonhaung" zag: hug' ko" qere: Mo"so: yang tae" gyo: byid: lo nae" mangaid: ga: ta" peim" ra".19 Ai qere: mang: byu qe wa Samuela dao: magyo: lo: ngonhaung" re ug nae"20 jhaung zug: o: ra". – Ngonhaung" taung bug byumyu" qe we' dau nae" khyo: ngonhaung" re ug: ra" jhaung zug: na ca". Ngonhaung" re gye se' jhui" au: nae" tau:21 ca" ra" ga: mho: ako". – Yao: bam: dao: re Samuela the' gyo: lao" Mo"so: qhid' kheim:22 mae mho' vhao" ra". – Mo"so khyo" re: yao: bam: dao: tae" gyo: mung: yao: bam tau: jhaung zug: khyin: to' wa, ga: mho: ra". Ai ru: mung: Samuela wa Israel byu qe re naonhaung" khag' re: khag' yao" vo khyo dam: lo" gese, ga: Israel byu qe re mho: ke' ra".