1 Philisti byu qe Israel byu qe re gye khe' ako". Israel gye phung: qe gyevo qe: qhid' kheim: mae phao yang: Gilaboa bam mug: mae dae de; zau: zao" phau" ru we' shid:2 pye' ko" ra". – Philisti byu qe jhaung zug: Sholu we' yao: zo: qe re gelho: cao" khe' mung: Sholu yao: zo: Yonatain:, Abinadab'3 Melakhishu jham re se' pye' ko" ra". – Ai: gye poe tau Sholu xo sho' phau" pye' ava". La: bag sulhe: qe bag: ke' ra" myo: khe'4 zao" mung: gyai no: ra" mathao – yao" shae , lhae vin su re ce: nyaug maphyid' ra" mo, ngo re maqo" li" geim: ru we' mali" qo" pyam" yhin" geshao: ni" shae she mung: ngo re geim: se' ke' la, ga: qere: ai: yaug gyai gyaug; ra" mathao maqaid ngaid: ra". Alao" Sholu wa yao" shae yu: thaung: zhaug' to: mung: ai: mae yao"5 gaung thug' kyao" shid: pye' ra". – Sholu shid: byaug va" ru shae lhae ci zoshao myao lao" yao: re: shae thaung: qang: to: mung: Sholu we' daga" yao" shae mae6 thug' kyao" shid: pye' ra". – Ai ru: ai:ba re Sholu re: , yao: zo: sam yaug re: , yao" shae lhae ci zoshao re: , yao" byu alhab' bam: re: dane, mae za: daga" shid: pye' ko" ra".7 Israel byu qe phao: lo" ko" ru we' Sholu re: , yao: zo: qe re: , yao" byu qe re: shid: gain: pye' va" akhyo lao: khaung: thoete' we' Yodain: lao dau" te' mae na ko" Israel qe myao gelao" yao: bam yao" vo jham to" pye' co' mung: phao: pye' co' ko" ra". Amung: Philisti byu qe li" sang: na: bam:8 ako". – Thao: ba re Philisti byu qe wa shid mao gaung mae" ve, mai bau: khyaid' yu nae" ga: li" ko" re Sholu we' yao: zo: sam yaug Gilaboa bam dao mae shid: jo; ru re9 yethe' myao ko" ra". – Sholu; au: re yao: bam phyid' yu: pye' yang: yao" gyebau: jham khyaid' yu mung: yao: bam: gyoe pa" yham khain mae re: , byu qe: qhid' kheim: mae re: , hau" nhao" lo" veshao: ga: Philis- ti mang: avai: ayae khyo byid' ke' ko"10 ra". – Yao" gyebau: re re: Ashatared' gyoe pa" yham mae to" to" ako". Mao gaung re wa Bedshain vo kham" mae lhao" to: co'11 ko" ra". – Philisti byu qe Sholu re ai ru: kaid' ra" akhyo Gilaid mang: Yabed' vobyu12 qe the' gyo: gelao" , – sulhe: qe alhab' bam: myi" gae gaung: re to" ye: mung: Sholu we' yao: zo: qe: mao gaung jham re Bedshain vo kham" mae" khyo" yu mung: Yabed' vo khyo dao: lo yang: myi: ngha"13 nyhab' shaung: pye' ko" ra". – Sho: qug: re re: yu mung: Yabed' sag' gae gyid' mae nyhab' shaung bin yang: nhaid' ba lam: lam: zo: shaug' jao" ako"..