1 Alao" Samuela Israel amyu" qe re ta" kyo" ru wa , naonhaung" ta" mae: ta" ngo gyo: byid: mung: naonhaung" adao mae jhaung zug: tang" nha: to: byid: va". –2 Qu" ge, ai: jhaung zug: naonhaung" qhid' kheim: mae ngaid va". Ngo wa kao qi: yang: xae phyu va". Nga" zo: qe re: naon- haung" we'daga" ngaid: ra". Ngo ngai shi: mae" ana" ba joe" sho' naonhaung" qhid'3 mae su" qin" va". – Ana" ngo ce mae na: na: . Khoyaug; nung: re ngo zao" yu: qu" ra". Khoyaug; myao: re zao" yu: ra". Khoy- aug re vhain" qu" i"? Khoyaug re pyam" lai: lo: qu" va". Ngo yao" myo, cam" ci yang khoyaug; lo, mae" khug vag: yu: qu" ra". Mo"so: qhid' kheim: , xau gyain: qhug' yaug; qhid' kheim: mae nga" akhyo sagso: kham ge, . Yao" zai ngo the' yu: ngaid: re dam: tug' byid: nae" ga: Israel mo, byu qe4 re ta" ra". – Yao: bam wa nao ngonhaung" re mavhain" qu" , mapyam" yhin" , khag' zai jham re re: malhaung" yu ga: ta" ko"5 ra". – Samuela re: naonhaung" nga" lo, khug mae su: zai maqo" ca: thug' lo ko" ru wa Mo"so nga" shaid' mae sagso: ngaid: na veshao: . Yao: xau gyain: to: qhug' yaug re: sagso: ngaid shao: ga: ta" ra". Yao: bam wa ngaid va" yao: wa sagso ngaid shao: ga: ta" ko" ra".6 Ai mae" Samuela wa Mo"so wa Moshe we' Arun: re khyin: to' mung: naonhaung" pho" phug' re re: Egutu mae" jhui" thug' lo7 va". – Ana" sae za: gyo" yu ge, . Mo"so wa naonhaung" we' naonhaung" pho" phug' qere din: main: za: kaid' lo: ra" akhyo Mo"so: qhid' kheim: naonhaung" re ngo8 mho: kyo: geli". – Yaku' wa Egutu khyo joe" mung: naonhaung" pho" phug' qere Egutu mae" jhui thug' lo mung: ce: mang:9 din" mae jo, qo lo: khyo" byid: va". – Yao: bam: Mo"so AsAng apyaid ato: Mo"so re to" myhid' pye' ko" au: Hazora zug: jhaung mo" Titaya lo, mae re: , Philisti qe: lo, mae re: , Mo"ba' jhaung zug' lo, mae re: joe" lo" nhao mung: ai: gye jham se'10 jheim" ra" ru the' phau: veko". – Xo' yang: yao: bam: Mo"so jhao" dam: mho' yao zo" ngonhaung" AsAng re vha: pye' mung: Bala so we' Ashatared' so re caung da" yang: shaid' nghung" mau" zao" kaid' va". Ai qere: gyevo: lo, mae" khyaid' lhoe' yu la, nao re za: caung da" na naeva" ga: mho'11 ako". – Ai ru: mung: Mo"so wa Yeru-Bala , Bared , Yephata , Samuela jham re nhao mung: avai: ayae gyevo: lo, mae" khyaid' lhoe' yu yang: naonhaung" yaug yo za:12 qo" na: ru ngaid: . – Thao re Amon amyu" jhaung zug: Nahaid wa gye to" na va" ga" ru re ba lao" ngonhaung" wa genhae" ru: mangaid: , jhaung zug: wa ngonhaung" re zug: gam ca" nae" ga: naonhaung" Mo"so wa jhaung zug: ngaid: na va" ru re ngo13 jhao" mho' lo ko". – Ana" kam" naon- haung" o yaug khyin: yu va" jhaung zug: re qu" ke' ge, . Mo"so: yang naonhaung" adao mae jhaung zug: ngaid shao: ga: khyin: to'14 byid: va". – Naonhaung" Mo"so re gyaug phug' yang: caung da" mau" we' daga" yao" kheim: so' re mangag lo: yao" dao: tae" gyo" ngaid: re naonhaung: we' naonhaung" re ug gam: ra" jhaung zug: wa naonhaung" AsAng Mo"so: thao khyo khyao za: cao"15 su" li" nae". – Ai ru: mangaid: lo: Mo"so: dao: re matae" gyo: , kheim: so' re ngag lao" Mo"so: lo, mo" wa pho" phug' qe re tam" kyo" ru: naonhaung" re re: tam" kyo"16 li" nae". – Ai ru: mung: Mo"so naonhaung" qhid' kheim: mae kaid' qhu" nae" ra" mau"17 mo" re sae za: qu" na ge, . – Ana" ce au: wa saung so gaug yaid: ra" ayo, mangaid: i"? Ai qere: Mo"so jhao" ngo jhaung: mho' yang: mug: dam: dam" myhang" ru we' mug: qu nhao: ke' nae". Ai ru: mung: naonhaung" jhaung zug: mho' ko" ru: yang Mo"so: qhid' mae shaid' ra" qobo qi: nhaung ga: qo" the' ba: yu genae" ga: mang: byu qe18 re ta" ra". – Amung: Samuela Mo"so jhao" jhaung: mho' mung: ai: ba re AsAng Mo"so wa mug: dam" myhang" ru we' mug: qu: khyo" ke' ra". Ai ru: mung: mang: byu qe Mo"so we' Samuela re gyai gyaug ko"19 ra". – Mang: byu qe wa ni" jeim qe mashid shao: ni" AsAng apyaid ato: Mo"so jhao" ni" jeim ngonhaung" tau: jhaung: mho' byid: la, . Ngonhaung" jhaung zug: mho' ra" mathao: yang sao qhid' shaid' lo" va" qobo: adao mae dam: shaid' laung" bam va" ga:20 Samuela re mho' ko" ra". – Samuela kam" wa gaung dayug ge, . Ce: qobo jham re kaid' shaid' ko" qere: Mo"so: thao cao" ru dashaid' ge, wa, . Mo"so re nhag' lam: aung21 khug bin sho' we' caung da" na ge, . – Jeju mabyid' ru we' maqo" khyaid' yu: ra" a je akeim zai yo: thao khyo dacao" dadae" lo"22 ge, . – Mo"so wa yao" mang kheim: mo" re qu" yang: yao" byu qe re mapye'. Mo"so wa naonhaung" re yao" byu: azhao" mae23 to: nae" tau: myid: ngaui: na: ra". – Ngo kam" wa naonhaung" tau: jhaung: mamho' lo: na yang: Mo"so re shaid' nghung" ra" agin wa ngo we' va" jo, shao: . Gai lho" ru we' din: main" ra" akhyo ngo naonhaung"24 re ceim" shid' shi: nae". – Ai qere: Mo"so re gyaug phug' yang: dao: so: zaung taung" nhag' lam: alhab' we' caung da" ge, . Naon- haung" tau: khonho" , khoqhi" kaid' byid:25 va" ru re abeim" na ge, . – Ai ru: mangaid lo: naonhaung" khyao za: qobo kaid' na ko" ngaid: re jhaung zug: we' daga" byo; qeim: ru mae joe" byaug genae" ga: mang: byu qe re ta" hau" ra".