1 Alao" Hana jhaung: mho' au" caung: khin" ru wa nga" nhag' lam: Mo"so mae ngaui bau" na: . Mo"so: mathao nga" khyug myhao: jo; ra". Khyaid' yu: jeju mathao ngaui bau: mung: gyevo qe re ngo ta" phug: na: ra".2 Mo"so ru: shao gyang" su khag' re: mana , AsAng mae" lai yang: getau: so mana.3 Ngonhaung" Mo"so ru: khug ngha jao: majo, . Yao: yao" gaung re dakhin" ge, . Ngaid so: phug; ra" dao: dajhau ge, . Mhug' vhain" dao: nhaid' mae" dajhau: thug' ge, . Mo"so wa bin sho' qo" ba: Mo"so ngaid: . Mau" cao jab re jao lag; qu" na: ra".4 Sulhe: qe: myo: khe' gyug' byaug mung: lang" byaug va" mo; qam: o: jab byang" ko" ra".5 Vae: gyi: mo, zo: shaug' qho nae" tau: lao jhao: vao veko". Vae: moe; phau: mo, kam" wa vae: gyi: paug' thang" boe" veko". Bug daung: myhi" wa zoshao nhaid' yaug khau va". Zoshao myo" qo" ra" yaug kam" wa qam: nang" lo" va".6 Mo"so wa shid nae" , daui nae", myimai: tham: khyo" nae" , daui: to" nae" akhang" qo" ra".7 Myaung nhao nae" , qo" nhao nae" , Mo"so zaui: so: mung: nyham: khyo" pye' yaug we' tau: to' ke' yaug re: ngaid: ra".8 Sho: jhin yaug re phaui lhug mae" moe, shab' yaug re myi: mhab bam" mae" tau: to' yu mung: zug: nau" qe we' daga" qhug' zaung: ra" akhang" we' phung qi" ra" tao" myhao jao khae qo" khae: yu: ra" akhang" re byid' ra". Pe" mung: ga" re mug: myid geim" re Mo"so sang mung: ai: dao myid gye, re zhaug' tang: to: va".9 Yao" shao gyang" ra" mo; khyid re qu" vhang" byid: nae". Magai: ra" mo, kam" wa mug: caid' mae sae za: na ca" li" genae". Yao: yao" qam: o" yang pe" re re: maqo" aung.10 Mo"so wa gyevo re khyug' mhain" pye' ra". Yao: bam: adao mae mug: gaung mae" lhe' caid' vhag ga: poe" ke' ra". Mo"so wa myid gaung thao" sho' tarha" pyam" mung: yao" jhaung zug: re qam: je: bo nhao: li" nae". Yao: mae xau gyain: qhug' yaug wa11 tau: to' ru qhug' nae" ga: ta" ra". – Ai: thao Elakana wa Rama vo mae" yao" yham khyo lo" mung: zoshao ai: yaug kam" wa khin jaung Eli qhid' kheim: mae mau" bovin vo; ra".12 Eli yao: zo: qe kam" wa Mo"so re maba13 makhyang" ra" byu qe ngaid: . – Byu qe: adao mae yao: bam kaid' ra" li ceru: ngaid: . Xeim: ngaui" nae" ga: sho: jho' to: lao" khin jaung pho" daui mung su li" mung: sam14 khyug bo: sho: ze, ci yang: , – ai: yaug: sho: ug' jham mae thug' zaui mung: ai: tau bode; lo: gu: gu: khyaid' yu yu kaid' ra". Shilo: mae joe" li" ko" Israel alhab' re ai ru:15 lhaung" kaid' ako". – Ai: tho' mae" xau thaung: myi: mangha" ngaui" shi: re khin jaung pho" daui mung su wa li" mung: khin jaung pho" qhid' mae" phaid' nae" sho: byid: la, . Jho' va" ru mayu. Sho: jam: za: ayu nae" ga: xeim: li" ngaui" ngaui" kaid'16 mo, re ta" ra". – Ai: yaug wa xau thaung: phaid' ngaui" pye' shi: nae". Ai: thao o: nho" yu wa, ga: ta" qere: , mangaid: ana" yao: byid: la, . Ai ru: mangaid: lao" lhaid'17 yu nae" ga: ta" ra". – Ai: khin jaung zolau: qe wa Mo"so: qhid' kheim: mae qobo dae mo" qo" mo, ngaid: . Pe" mung: ga" re Mo"so jhao" pa" kug' ru mae byu qe qu" gyid' phoe: pye' nae" khyo: kaid' ko" ra". –18 Zoshao Samuela kam" wa kuyhoe" bau: qhang ve, yang: Mo"so: qhid' mae mau"19 vin vo; na: ra". – Zin qug: lhaung" ngaui" ra" xeim: ngaui" nae" tau: yao" myhi" pho" qe joe" li" au: re yao: myhi" wa zin qug: yao: zo" qhid' mae" ga: bau: lhaung" ngai20 re khyab' vin: li" li" kaid' ra". – Dalhang Eli wa Elakana tao re Mo"so mae nao qhaug' byid' to" zo: atha" myiqe: ce yaug mae nyaug xo' bug yug Mo"so xo' byid: veshao: wo" ga: min byid' ke' ra". Ai: thao yao: tao wa na qao: yham khyo dam: lo" ko"21 ra". – Mo"so: yang Hana re qu" kin: na: ru mung: yao: gaung la" li" yang: yaug gai zo: sam yaug , myiqe: zo: shid' yaug khau: ra". Zoshao Samuela kam" wa Mo"so: qhid' kheim: mae qi" qhang: lo: ra".22 Eli kao gyai qi: va" thao yao: zo: qe wa Israel amyu" qe mae kaid' ko" mau" zo" re mo, byu zang" qham jao: kham: nhae mae mau" kaid' ra" myiqe: qe we' shaid'23 nghung: ko" khyo re: the' gyo" ra". – Ai ru: mung: Eli wa are nao tao pe" mung: ai ru: kaid' ko"? Nao tao makhyang" qobo kaid' ra" mau" byu qe ta" na geyang: ngo the'24 gyo: va". – Magai lo: nga" zo: tao we" , ngo the' gyo" ra" lau dao: wa gai: ra" lau dao: mangaid: . Mo"so: byu qe gai: shaid' ra" akhyo nao tao kaid' thug' vegenhaung25 mhao". – Byu dayaug we' dayaug yao: cao: shaid' nghung" re wa tarha" agyi qe khyo" gai: sho' byid' ra". Ngaid qere: byu wa Mo"so re shaid' pye' re wa yao" tau: khoyaug mho' bain: byid: nae" ga: mho" shid' qere: yao: tao wa yao: pho" mho dao: matae" gyo: ko". Pe" mung: ga" re Mo"so26 yao: tao re se' pye' nug; ava". – Zoshao Samuela wa qi" lo mung: Mo"so: qhid' mae , byu: qhid' mae myo, nho bo: li" ra".27 Mo"so: byu dayaug wa Eli jhao" li" yang: Mo"so mho: ke' ru wa Egutu mang: Pharaoh lo, mae na shi" au: ni" phug' pho" qe jhao" Ngo myhao" qhu" va" mangaid:28 i"? – Nga" phain dao mae ngaui" byid' ra" ru nae pyo" ja: ngha" nhae" ru , Nga" qhid' kheim: mae kuyhoe" qhang ve, yang: khin jaung mau" zaui: nae" tau: yao: re Israel amyu" qe: akhug mae" Ngo khyin: yu: mangaid: i"? Israel amyu" qe wa myi" yang ngaui" ra" jhaung qhu" aja: ja: re ni" pho" phug' qe re Ngo byid' to: va" mangaid: i"? –29 Nga" yham mae Ngo yaung: to" ra" xeim: we' Nga" cinmain" xeim: re pe" mung: pag' lhaui" pye' ko". Nga" amyu" Israel byu qe ngaui" byid' ra" jhaung qhu" alhab' mae" gai: thao" ra" ja: jham re vae: gyi: paug' thang" zo: nhao yang: ni" zo: jham re Nga"30 tho' mae pe" mung: vo; to' to" i? – Nao aru: kaid' ru mung: Israel Mo"so mho: ru wa ni" amyu" , ni" akaung wa Nga" qhid' mae khyao za: qo" su" na genae" ein: Ngo ta" pye' va" qere: Mo"so dam: mho: ru wa dao: thang" ai Ngo we' va: lin: byaug shao: . Ngo re nga: yhe' mo, jhao" za: Ngo nga: yhe' nae". Ngo re shui manho: ra" mo, wa31 nga: gyoe; byaug; li" genae". – Ni" amyu" khug mae kao gang" na: ra" byu mabo sho' ni" lo, lam: we' ni" amyu" lo, lam: re Ngo phyid' pye' ra" ba na joe" lo: li" nae". –32 Israel amyu" mae Mo"so byid' ra" jo, nho" to, byang" jo; au: Nga" yham mae vao lo: qug: khai: nao the' myao nae". Ni" akaung mae khonhae" re: kao gang" ra" byu qo"33 na: li" nae" mangaid: lo: . – Ni" akaung da kaung kaung re Nga" phain mae" ma phyo' pye' ngaid: re wa ni" myo, jid: ru we' nao myid mapyo: nae" ru boe" nae". Ni" akaung qe kao ngai shi" re shid: thao"34 lo" byaug genae". – Ce wa ni" zo: Hophani we' Phinahad tao mae boe" mung: nao re Ngo byid' ra" ve, lho ein: nae" ru wa ai shid' yaug geim" daba za: shid: byaug: li"35 genae". – Dam: mung: Nga" nhag' lam: cao" ra" dao: so: zaung: khin jaung re Ngo nha: thug' ke' nae". Tang: ra" yham yao" qhid' mae" Ngo zhaug' byid: mung: yao: wa Ngo mae xau boe, qhug' yaug; qhid' kheim: tau khyao za: qo" su" na: li" nae". –36 Ni" akaung mae dang shi" yaug nge, yao: jhao" li" mung: Ngo mug mavai" zo: the' zo: nae" khyo: khin jaung aya: we' tin" ra" mau" daja: mae Ngo re nhao la, ga: ngaui cug' , mug cug' re qo" nae" tau: gam" goe, sho' mho' lo: li" nae" ga: amyin" dao: re ta" kyo: co' ra".