1 Samuela wa xau thaug' yu yang: Sholu au: dao mae vhe' gyain: byid' ra". Yao: re re: bobaug baug yang: Mo"so wa nao re yao" byumyu" jhaung zug: aya: tang: byid:2 mung: xau gyain: min byid: va". – Ana" ba ngo we' gao: mung: lo" ra" au: Benyamin: mug: thao , Zelaza vo , Rakhela lab nhae mae byu shid' yaug re qhug' nae". Ai tao wa nao qho: ra" myao: qhug' va". Ni" pho" wa myao: re magaung yug . Nga" zo: re khoru: kaid' nae" ga: gaung yug; na: ra" akhyo li"3 ta" genae". – Ai: jo, qo mae" lai thao Tabo: jao: dae joe" lao" caid' nau" sam dau: re vin: ci: ra" byu dayaug , cinmain" sam khai" re ci: ra" byu dayaug , sabyi' qang: thaug' re ci: ra" byu dayaug , Bethela' vomo" Mo"so jhao" ye" lo" ra" byu sam yaug we' qhug'4 zai ngaid: . – Ai bam nao re bang" se" mung: cinmain" shid' khai" byid' ru nao5 qhug' khae: yu nae". – Ai: thao re Philisti gyetab jo; ra" Mo"so: bam khyo joe" mung: vo khug vao lo" re lapa daphung: lo, she tang: , mao" , khulhao: , tang: be, zo" re" lapa pa yang: bug gaung mae" gyo" lo: ru6 re the' myao: li" nae". – Alao" Mo"so: Solo ni" adao mae joe" gyo" yang: nao wa yao: bam we' daga" lapa pa mung: nao pha: lo:7 li" nae". – Ce: ve, lho jham nao mae boe" dang lao" boe" lo: khyo: nao kaid' wa, .8 Mo"so nao we' daga" bona: na: ra". – Nao Giligala khyo nga" qhid' mae gyo" lo" ca" nae". Ngo re: phaid' ngaui" xeim: , zam" khug xeim: jham re ngaui" nae" tau: nao na: khyo li" nae". Nao jhao" ngo joe" li" yang: nao kaid' nae" mau" li" ta" kyo" ra" ba joe" sho' nhaid' ba lao" na shi: wa, ga: mho: ra".9 Sholu wa Samuela mae" to" lo" nae" tau: lhang: ke' lao" jao" Mo"so yao" nhag' lam: mae gekai: lai: myid ke' byid: mung: ai: ve, lho jham alhab' ai: ba re yao: boe"10 lo: ra". – Yao: tao bam dao joe" lo" au: lapa phung: qe lham: tug gelao" re Mo"so: Solo Sholu; adao joe" gyo" yang: yao: bam we'11 daga" lapa pa: ra". – Sholu lapa qe we' daga" lapa pa: ru re yao: we' jho" se" mo, myao lao" Kisha yao: zo: mae pe" nam boe" lo va" yha"? Sholu re: lapa mo, thaui: mae bo: i"? ga: dayaug we' dayaug jho" myid'12 ako". – Ai: tau mae" byu dayaug wa yao: tao: yao: pho" wa khoyaug ngaid: ra" ga: mung: Sholu re: lapa phung: mae bobo: i"? ga" ra" dao: kheim: wa dao: khyo: boe" lo:13 ra". – Lapa bin: pa lao" bug gaung myhao khyo do, lo" ko" ra"14 Sholu yao: gain wa nao tao khai: jo, qo khyo ye: ko" ga: Sholu we' daui mung yaug re lham: myid' ra". Sholu wa myao: ye cao" qho: ru mamyao yang: Samuela jhao" ye15 joe" va" ga: dam: tug' ta" ra". – Yao: gain re: Samuela khoru: ga: ta" ra". Ngo re ta"16 kyo: la, ga: mho lao" , – Myao: myao veko" ga: ngo tao re bao bao za: ta" shid' kyo" ra" ga: yao: gain re ta" kyo" ra". Mang: din" we' tin: yang: mau" zo" ta" kyo" ru re kam" wa yao: gain jhao" mata" kyo: ngaid: ra".17 Alao" Samuela wa mang: byu qe re Mizapa vomo" Mo"so jhao" jhui" khai:18 zhag' ra". – Ai mae Israel mo, byu qe re yao: zhao: kyo" ru wa , Israel: Mo"so ceru: ga: mho: ra". Naonhaung" Israel byu qe re Egutu mae" Ngo jhui" she: lo: mung: Egutu byu qe: lo, we' naonhaung" re pyam" ko" mang: din" jhaung zug: qe:19 lo, mae" khyaid' lhoe' yu va". – Ngaid qere: naonhaung" kyi" khyag' ru we' qug: khai: sho: jhin alhab' mae" naonhaung" re khyaid' she: yu: ra" naonhaung" Mo"so re ana" ba naonhaung" naung phaug' pye' mung: ngonhaung" adao mae jhaung zug: to' byid: la, ga: yao: re ta" veko". Ai ru: mung: da boe: we' da boe: , dakaung we' dakaung yao: nyaug yao: Mo"so jhao" qui"20 te' ye: ge, ga: mho: ra". – Samuela wa Israel amyu" qe re qui" te' li" nhao yang:21 Benyamin: boe: re khyin: yu: ra". – Benya- min: boe: mae" yao: kaung yao: dam: qui" te' nhao mung: Materi kaung re khyin: yu: ra". Ai: mae" Kisha yao: zo: Sholu re dam: khyin: thug' yu: ra". Ai qere: yao: re qho:22 qu" ko" re mathe' myao ko". – Ai: yaug ce khyo li" ra" i"? ga: Mo"so re myid: ko" re Mo"so wa lhin" zai jham to" to" ra" agyid'23 mae vho' na: ra" ga: ta" ra". – Yao: bam tao" ye: mung: yekhai: jhui" lo: ako". Sholu wa byu qe: khug mae ye; ke' re lo, sin mae" au: dao khyo getau tho' mae je: myhao: ra"24 yaug ngaid: . – Samuela khyo" re: Mo"so khyin: yu: ra" yaug re qu" ge, . Byu alhab' tho' mae yao: we' dau: ru dayaug re: mana ga: mang: byu qe re ta" hau" ra". Mang: byu qe kam" wa jhaung zug: kao qhang myo, myi: veshao: wo" ga: zag: hug' ko"25 ra". – Samuela re: jhaung zug: qo" ra" mang: din" thung" li re mang: byu qe re ta" kyo: mung: tung" paug' mae tung" xam" to: yang: Mo"so: qhid' kheim: mae to" to" ra". Bin yang: mang: byu qe re yao: yaug26 yao" yham khyo nhao: ke' ra". – Sholu re: Giba vomo" yao" yham khyo lo" ra". Mo"so khyin: yu: ra" byu da myo" yao" thao27 bocao" ko" ra". – Ngaid qere: lhau: phyo' ra" byu damyo" wa ceru" yaug ngonhaung" re khoru: ba: khyaid' yu nae" ga: yao: re maphug' makhyaid' kaid' yang: jhaung qhu" maqhaug' lo: na: na ko" ra". Sholu kam" wa pe" o: mabyid na: na: ra".