1 Ai: thao Amon byu Nahaid do, lo mung: Gilaid' mang: Yabed vo yae mae gyetab li" to" ra". Yabed vobyu qe wa Nahaid' re ngonhaung" we' zam" khug: na gelang: . Nao mae jeim kaid' nae" ga:2 lham: ta" ko" ra". – Amon byu Nahaid wa naonhaung" alhab' mo; lo, yo shaid' myo, jid' thaid' pye' mung: Israel amyu" alhab' re qo" jung" khyoe' pye' lao" za: ngonhaung" we' zam" khug nhao nae" ga: ta" ke' ra". –3 Alao" Yabed mae" ade, qe wa ngonhaung" Israel damang" geim" khyo logyo: nhao: ke' nae". Nhaid' ba lao" byid: shi: la, . Ai: au: khyaid' yu nae" yaug mana: thug' lo ngaid: re nao jhao" goe; vao naeva" ga: mho:4 ako". – Logyo: qe wa Sholu na: ra" Giba vomo" khyo joe" mung: byu jham re lau dao: li" zhao: kyo" au: byu qe wa thoe mo"5 thaid' yang: ngug; na: bam: ako". – Sholu wa ai: au: nung: jaung keim: yang: yo mae" lo: ra". Alao" vobyu qe pe" mung: nug: na ko" ga: lomyid' re Yabed vo: akhyo ta" kyo: ko" ra".6 Ai: lau dao: Sholu the' gyo: lao" Mo"so: Solo joe" vao mung: yao: gyai nhag' yo" na:7 ra". – Nung: dakyug yu: se' yang: Israel damang: din" geim" khyo logyo: qe: lo, mae" byid' ke' mung: Sholu we' Samuela thao macao" lo: ra" mo; nung: re ceru: kaid' nae" ga: dao: pyang hau" nhao" ke' ko" ra". Mang: byu qe re: Mo"so re gyaug yang: nhag' lam: dakhe' daqam: daqhi" thug' li"8 ako". – Bezed vo mae gye japhin: nghe' qu" au: Israel byu qe mae" sam tid Yuda amyu"9 mae" sam tug joe" li" ako". – Gilaid' mang: Yabed vo mae" joe" li" ko" logyo: qe re ne, mo" ba ba zho: ra" ayo, re nhag' myain" ru qo" the' yu nae" ein: lo" ta" ge, ga: pyang: ke' ako". Logyo: qe re: lau dao: lo" hau" kyo: yang: Yabed vobyu qe ngaui bau: so'10 ha" ko" ra". – Yabed vobyu qe wa Nahaid' re ngonhaung" ne, mo" ba nao jhao" thug' li" nae". Nao o: khyo: ngonhaung" re kaid'11 wa, ga: yeta" ko" ra". – Thao: ba re Sholu wa byu qe re sam mo, thaui: kho' yang: ne, seim re gyevo qe: gyetab khyo khe' vao ye: mung: ba zho: lo yo, joe" sho' Amon byu qe re khe' se' ko" ra". Dang shi" mo, re: maqo" jho" zhag' lo: sho' myi" sin" byaug ko" ra".12 Israel byu qe re: Sholu wa ngonhaung" re ug nae" su i"? ga: the' ta" ra" yaug khag' ngaid: . Ai ru: zao" ta" yaug re khai: yu mung: se' pye' gelang: ga: Samuela re ta"13 ako". – Sholu kam" wa byu dayaug lao" ana" ba magai: se' nae". Mo"so wa Israel qe re ana" ba khyaid' yu: ava" ga: mho: ra".14 Samuela re Giligala vo khyo lo" yang: mang: din" re byao: nyhang" gelang: ga:15 byu qe re ta" ra". – Byu jham re: Giligala vo khyo ye: mung: ai: vomo" tau Mo"so: qhid' kheim: mae Sholu re jhaung zug: aya: tau: to' ko" ra". Ai: vo tau Mo"so qhid' kheim: zam" khug xeim: re: ngaui" byid' ako". Sholu we' Israel byu qe re: ai: jo, qo mae gyai ngaui bau: nhag' dag: bam: ako".