1 Israel byu qe Philisti gye re se' nae" ga: ye" lo" mung: Ebeneza: tau gyetab ye: zhaug' ako". Philisti byu qe wa Aphed vo2 mae dab zhaug' na ko" ra". – Philisti byu qe nyhang" seim" yu mung: Israel amyu" re gye se' ko" re Israel byu qe Philisti byu qe: qhid' kheim: mae seim" geyang: gyevo: lo, mae gyezo: byid taung kho shid: pye'3 ako". – Byu qe gyetab dam: joe" lo gelao" Israel ade, qe wa ana" ba Mo"so wa ngon- haung" re Philisti byu qe: qhid' kheim: mae pe" mung: seim" nhao: ra" i"? Mo"so: dao: thang: bain" ci: li" yang: gyevo qe: lo, mae" ngonhaung" re khyaid' yu shao: Shilo: mae" lo" yu gelang: se, ga: jho" qham: ako". –4 Ai ru: mung: Shilo: khyo byu nhao: ke' gemung: Kherubim: gyo: mae zaung: ra" pyaid da du: Mo"so: dao: thang: bain" yu: ye: ko" ra". Mo"so: dao: thang: bain" we' daga" Eli yao: zo: Hophani we' Phinahad' shid' yaug re: bobo: ra".5 Mo"so: dao: thang" bain" gyetab khug mae joe" lao" Israel byu qe mug: mae haung tau: myid mae jao: nain" zag: hug' ako". –6 Zag: hug' thoe re Philisti byu qe the' gyo: gelao" Hebre tab mae hau" nhao" ko" thoe wa pe" ngaid: ra" ga: myid' ca: qu" yang: Mo"so: dao: thang" bain" ai: tab khyo joe"7 ru qo" ba ko" ra". – Philisti byu qe gyaug mung: Mo"so wa Hebre tab khyo joe" venhaung wo". Ngonhaung" mae gyam ma zao" va". Ai ru: dalhang re: maboe" qu". –8 Ngohaung" mae gyam ma joe" va". Phung bao qi" ra" Mo"so: lo, mae" ngonhaung" re khoyaug qo" khyaid' yu nae". Seyo mae Egutu byu qe re qug: khai: aja: ja: byid' ra" Mo"so wa getau mangaid: . Ce: Mo"so9 ngaid: ra". – Philisti byu qe we" Hebre byu qe naonhaung" mae jeim doe; ru: yao: bam mae jeim maboe" sho' qam: yu yang: phin: ge, . Qam: phin: yang: gye to" ge, ga: ta"10 ako". – Philisti byu qe gye khe' yang: Israel byu qe dam: seim ko" ra". Yaug khao: ngo" yao: yao" zaung khyo phao ko" ra". Gye qi: mo" ngaid: ru mung: Israel gyezo: sam tug11 shid: ako". – Mo"so: dao: thang: bain" wa gyevo: lo, khug joe" lo" mung: Eli yao: zo: Hophani we' Phinahad' shid' tao re: kao boje; pye' ko" ra".12 Benyamin: boe: dayaug gye poe mae" tao" phao: lo mung: yao" bau: lao" caid' pye' ru we' au: mae myid zhai: zhab' gyain:13 yang: ai: ba yao: Shilo: joe" lo: ra". – Joe" lo" re Eli wa yao" zaung tao" tau khyo yae mae zaung: lao" na: ra". Mo"so: dao: thang" bain" mathao: yang yao: myid akhaui: akhyae: boe" na: ra". Tao" lo yaug vo khug joe" mung: lau dao: lo: ta" kyo"14 re davo: geim" zag: hug' ako". – Zag: hug' thoe Eli the' gyo: lao" ce: zag: hug' thoe wa pe" ngaid: ga: myid' re ai: yaug mye,15 za: joe" mung: Eli re zhao: kyo" ra". – Ai: yo, Eli wa kao gug xe: she' zin byang" va" ru mung: myo, jid' maqo" myao sho' myo,16 dau: shid; byaug va". – Tao" lo yaug wa ngo wa gye se' jao: mae" lo yaug ngaid: , gye poe mae" ana" ba ngo phao: lo: ru ngaid: ga: ta" kyo" re Eli wa nga" zo: we" mau" khoru: boe" lo" va" ga: myid' ra". –17 Lau shid' yaug wa Israel byu qe Philisti byu qe: qhid' kheim: mae" phao mung: gye se' poe mo" thaung" qhug' bam va". Ni" zo: Hophani we' Phinahad' shid' yaug re: shid veko". Mo"so: dao: thang" bain" re: gyevo qe: lo, khug joe" lo" va" ga: zhao: kyo"18 ra". – Mo"so: dao: thang" bain" lau dao: the' gyo: lao" Eli wa kham: dung: anhae yao: zaung: ra" tao" myhao mae" nhaung thao" khyo ngo; lang" lo" ru we' lang zang: gyug: yang: shid: byaug; ra". Yao: wa kao qi: va" mung: gaung re: la" byaug va". Israel amyu" re byid xe zin jhui" gug: gam: lo va".19 Eli dau mo" Phinahad' yao: myi: wa gaung la" ru khau qid ngaid va" ru mung: Mo"so: bain" gyevo: lo, khug vao lo" va" khyo yao: vao we' yham sang pho" shid' pha: shid va" khyo the' gyo: lao" dao gug' mung: khau no a lao" jao" no: li" ra". –20 Shid: lo" na: re ayae mae na: ra" myiqe: qe wa gaung dayug , zoshao yaug gai zo: khau va" ga: ta" ko" qere: yao: majhau lo: pe"21 sae maso" byaug ngaid: ra". – Dam: mung: yao: wa ai: zoshao re Ikhabug ga: mhang" ra". Pe" mung: ga" re Mo"so: bain" gyevo qe: lo, khug vao lo" mung: re: , yao: vao we' yham sang pho" mathao: yang re: , Israel phung bao sham va" ga: yang: mhang" ru22 ngaid: . – Israel qe: Mo"so: bain" gyevo qe: lo, khug vao lo" va" mung: Israel phung bao sham: byaug va" ga: ta" ra".