1 Ai: ayo, re Philisti byu qe Israel qe re gye khe' nae" tau: yao: bam: gye mo" thaui: zhag' ra". Akhi zug: re: Davi re nao we' ni" byu qe re: ngo we' daga" gye mo" thaui: mae bobo ca" ein: myid: ci wa, ga:2 ta" ra". – Alao" Davi wa ngaid va" ni" jeim ngo pe" qo" kaid' nae" wa nao qo" ba nae" ga: Akhi re dam: ta" ra". Akhi wa ngaid va" nao re ngo nga" kao zaung" ra" zug: jhaung aya: mae nha nae" ga: ta" ra".3 Ai: ayo, Samuela mana lo: shid va". Israel byu qe yao" mathao ngug byid nhag' ngai: yao: na: ra" Rama vo mae shaung: ke' veko". Sholu wa jain: ba: taung: mo, yui pa ba: pa byu damang" geim" mae" mo,4 re jhaid' za: se' tam" pye' va". – Ai: ayo, Philisti byu qe zang" qham mung: Shunem: jo, qo tau gyetab li" to" to" ako". Sholu re: Israel amyu" alhab' bam: re jhui" zang" qham mung: Gilaboa" vomo" mae gyetab5 kaid' ako". – Sholu wa Philisti gye mo" thaui: zang re myao lao" gyaug mung: yao"6 nhag' lam: gyai nin" byaug: ava". – Mo"so jhao" myid' qu" qere: Mo"so matau: byid: lo: . Yab mo, khyo" re: , Orim: mae re: ,7 lapa mae re: majhau: thug' li" lo: . – Ai ru: mung: Sholu wa shid byo ba: khai: ra" myiqe: re qho ge, . Ngo yemyid' ca: qu" nae" ga: yao" jeim daui mung mo, re qho nhao: ke' ra". Ai bam wa Endora mae shid byo ba: khai: tug' yu: ra" myiqe: dayaug na: ra" ga: lo: ta" kyo: ko" ra".8 Alao" Sholu mai bau: tha" pye' mung: gekai: lai khyo" byin cao: shid' yaug we' ai: myiqe: jhao" myi" re ye: yang: nao mae zaung: ra" yui re pao mung: ngo ta" nae" ra" yaug re khai: thug' byid: la, ga: mho:9 ra". – Ai: myiqe: wa jain: ba: taung: su we' yui pa ba: pa mo, re damang" geim" mae" sham" pye' ru Sholu zaui" ra" mau" nao bin: ba: ci va" re ngo shid veshao: ein: nga" kao re pe" mung: lha" thaung10 byid' to" ga: yao: re ta" ra". – Alao" Sholu wa Mo"so kao daui: na: we' dakhyo: ce: mau" mathao: yang nao mae pe" qug: khai: maphau: nae" Mo"so: tau: ngo kheim: ke'11 ra" ga: ta" ra". – Myiqe: myhi" kam" wa khag' re ngo qho byid: zai ga: myid: lao" Sholu wa Samuela re khai: qu" wa, ga: ta"12 ra". – Ai: myiqe: wa Samuela re myao lao" thoe mo" thaid' ke' mung: nao ngo re pe" mung: vhain" na: . Nao Sholu ngaid: ra"13 mhao" ga: Sholu re ta" ra". – Jhaung zug: pho" wa gaung dayug . Pe" re myao: ra" ga: myid' re myiqe: wa myid gaung khug mae" Mo"so thug' lo: ru ngo the' myao: ga: ta"14 ra". – Pe" ru" ave, ngaid: ga: dam: myid' ke' re phug' mao: dayaug thug' lo: ra". Bau: qhang ve; yang" ci: ra" ga: ta" kyo" ra". Ai: yaug Samuela ngaid: ru Sholu beim" ke' mung: myid gaung mae gam" goe; to: yang: pa" kug' ra".15 Alao" Samuela wa nao ngo re nhaung" khoe' nae" ein: pe" mung: paui: yu: ga: Sholu re myid' re Sholu wa ngo qug: khai: mo" thaung" qhug' va". Philisti byu qe gye se' lo veko". Mo"so re: ngo re jao" pye' ava". Yab mo, mae re: maqhu" , lapa pa qere: mathug' , ngo khoru: kaid' nae" ru nao ta" kyo: veshao: ein: nao re ngo khai:16 ru ngaid: ga: ta" ra". – Samuela wa Mo"so nao re shepye' mung: ni" gyevo ngaid: byaug va" re wa ngo re pe" mung: li" myid'17 ra". – Mo"so ngo mae ta" va" we' dakhyo: nao mae kaid' qhu" ava". Mo"so ce: mang: din" re ni" lo, mae" lhaid' yu mung: ni"18 yham kyo: cao: Davi re byid' ava". – Pe" mung: ga" re nao Mo"so: mho dao: re magyo: . Amaled' byu qe: adao yao" nhag' yo" ra" khyo: mapyam" ru mung: ana" ba19 Mo"so ni" dao mae joe" nhao: ava". – Ai: tho' mago" nao we' daga" Israel amyu" re Philisti byu qe: lo, khyo Mo"so qhaug' byid' pye' naeva". Ne, kao nao we' ni" yaug gai zo: qe ngo we' daga" qo" na zai va: . Mo"so wa Israel gye mo" thaui: re Philisti byu qe: lo, khyo qhaug' byid: naeva" ga: ta" ra".20 Alao" Sholu wa Samuela dao: kheim: mathao: yang gyai gyaug: nin" byaug yang: myid gaung tau goe; pye" de; jo; ra". Damyi daba pe" re: mazo: mashaug' na: ra" mathao21 yao: mae qam: gain: byaug; ava". – Ai: myiqe: li" mung: Sholu gyai nhag' ngai: ru the' myao lao" ni" jeim myhi" ni" dao: tae" gyo: byid: va". Ngo yao" kao lao" o: mabyid sho' nga" asang nao ta" kyo: zaui: byid:22 va". – Ai ru: mung: ana" ni" jeim myhi" nga" dao: re re: gyo: byid: la, . Zo: nam mavai" zo: ni" qhid' kheim: mae jaung: to". Nao to" su" lo" re qam: bo nae" tau: zo" yu23 wa, ga: ta" ra". – Sholu wa ngo mazo: nae" ga: ha: ra". Ngaid: qere: yao" daui nhao qe ai: myiqe: we' daga" yao: re ceim" ta" geyang: yao: re: yao: bam: dao: tae" gyo: mung: to" yang: yab jaung: tau zaung: jo;24 ra". – Ai: myiqe: re: yao" yham mae khau: yhaung" nha: to" nung: jaung dadau: na: ru mung: phyaid za: se' ra". Cinmain" re re: yu mung: lhau: lhag' yang: main" phaui:25 mabo: cinmain" baung: mung: , – Sholu we' yao" byu qe re nyhang" byid' ra". Yao: bam: re: zo: mung: ai: myi re to" lo" ko" ra".