1 Samuela shid: byaug va". Ai mung: Israel byu qe wa ceim" zang" qham mung: ngug byid ngug nhe' gyo" ru we' Rama vomo" yao" yham mae nyhab' shaung: ako". Davi kam" wa to" yang: Parain: seyo khyo ye" lo" ra".2 Ai: au: Mo"na, jo, qo mae na mung: Karamela vo tau gug' nyhug' jo, nho" gyai qo" su dayaug na: ra". Ai: yaug wa jo, nho" gyai qo" yaug ngaid mung: yao sam taung , caid' be, dataung qo" ra". Karamela vomo"3 mae yao mug' qaug yang: na: ra". – Ai: yaug: mang wa Nabala, yao: myi" mang wa Abigela ga: mang: ra". Ai: myiqe: wa au: naug: gai mung: gaung khyao re: yaung" ra". Yao" yaug gai kam" wa nhag' lam: qao mung: magai: ra" mau" zo" lhaung" ba: kaid' su ngaid: .Yao wa Kaleb' akaung mae"4 ngaid: . – Nabala wa yao mug' qaug: na:5 ga" ru seyo mae Davi the' gyo" ra". – Alao" Davi wa yao" byu daxe zo: re nhao: ke'6 mung: Karamela vo khyo ye: ge, – Nabala jhao" nga" tau: bang" yese" byid: yang: ceru: ein: ai: jo, nho" qo" su re yeta" ge, . Nao asang yaug yo: na shao: . Ni" yham byu qe re: yaug yo: na geshao: . Nao we' tin:7 mae" tin: yaug yo: na veshao: wo". – Nao yao mug' lhaung" qaug: ru ngo the' gyo" ra". Ni" yao zaung" mo, ngonhaung" we' daga" na: bam: au: ngonhaung" yao: bam re qug: khai: nhaung" khoe' makaid'. Yao: bam Karamela bam mae na ko" au: yao:8 bam: zai daja: re: mabyaug . – Ni" zoshao qe re myid' qu" wa, . Yao: bam ta" kyo" li" genae". Ai ru: mung: nga" byu qe nao mae myo, nho nga: qo" geshao: . Ngonhaung" re: ngaui lho" ba na re joe" li" bam va". Nao nug: byid' qae: ni" jeim qe we' ni" zo: Davi re byid' ke' la, ngo mho' ke' ra" ein: yeta"9 ge, ga: mho: ke' ra". – Davi zoshao qe Nabala jhao" joe" lao" Davi pyang: ke' ra" dao: kheim: jham re yezhao: kyo: mung: sae za: na: na: ra".10 Nabala wa Davi ga: ru khag' ngaid: . Yese" yao: zo: ga" ru khoyaug ngaid: . Ana" au: asang re tau: lhain" ra" jeim qe11 gyai myo: genhaung. – Ngo wa nga" yao mug' qaug mo; tau: nyhang" to" ra" nga" cinmain" , nga" qid , nga" sho: xeim: jham re yu mung: ngo maba: ra" byu qe re byid' pye' ja: i"? ga: Davi zoshao qe re ta" ra". –12 Alao" Davi zoshao qe wa tug' lo" mung: ai: dao: kheim: ada" zo, Davi re lo" zhao:13 kyo" ako". – Davi wa yaug nge, shae yu: ci ge, ga: yao" zoshao qe re mho: ke' lao" jao" alhab' bam: yao: yao" shae yu: vin: ako". Davi re: yao" shae yu: ci mung: byu byid yo Davi thao bocao" ako". Shid' yo wa zai lhaug' na: bam ko" ra".14 Zoshao dayaug wa Nabala yao: myi: Abigela jhao" ye: mung: Davi wa ngon- haung" asang re bang" se" nae" tau: yao" logyo: nhao: ke' ra". Ai re ngonhaung" asang wa yao: bam re lham: qeim: khe'15 ke' ra". – Ai bam wa ngonhaung" re jeju gyai kaid' veko". Ngonhaung" seyo mae na yang: yao: bam we' zam" na: ra" ayo, aseim ga" ru majo, . Zai pe" daja: re: mabyaug . –16 Ngonhaung" yao zaung" mung: yao: bam we' zam" na: ra" ayo, adau: gu: mae yao:17 bam myi" na" caung gam byid: veko". – Ai ru: mung: khoru: kaid' re gai nae" ru zug: myhi" nao myid: qu" wa, . Ngonhaung" asang we' yao" yham byu qe mae phyo' lhaui" pye' nae" ga: jho" qham veko". AsAng wa azhaug' amhe' byu ngaid: ru mung: khag' re: maye: vae" zhao: kyo: ko" ga:18 17 ta" kyo" ra". – Alao" Abigela wa cinmain" lhang" shid' yo , sabyi' qang: thaug' shid' am , jho' nyho' to: va" yao ngo" dau: , gaug paug' ngo" bye: , sabyi' shi: kyaug' dayo pau: , pho' ham" shi: pab' bye: dayo re mye, yu: lo mung: myao: dao seim" yang:19 nga" qhid' mae su: lao: ge, . – Ngo cao" li" nae" ga: mho: ra". Yao: lao Nabala re mata"20 kyo: ngaid: ra". – Lo ze myao: zaung yang: ye" lo" na: re bam dao cae: jhug tag ga" jo, qo mae Davi we' yao" byu qe gyo" lo ko" re21 jho" qhug' ako". – Majho" qhug' shi" qhid' re Davi wa gai gai: yao: ai: yaug; jo, nho" daja: lao" mabyaug lo: sho' seyo tau yao: sang: ra" zai alhab' ngo aje bozam" pye' venhaung. Ngo gai kaid' khyo re magai:22 khyo" dam: tug' xe' nhaung. – Ne, kao mug: bo" lao" yao: we' tin: te' ra" gu: mae" yaug gai zo: dayaug kho azao" tang" to" re wa ai tho' mago" Mo"so: yang Davi gyevo qe re kaid' shao: wo" ga: kheim: dao: ta" ava".23 Abigela Davi re myao lao" zaung myao: dao mae" phyaid za: gyo" mung: Davi qhid' kheim: myid gaung tau gam" goe; na: ra". –24 Yao" khyid qao: mae paid' thaug' thaug' zo" nga" asang we" qobo wa nga" adao mae jo; jo; shao: . Ni" jeim myhi" dao: dakheim:25 jhau nae" akhang" byid: la, . – Ni" jeim myhi" dao: tae" gyo: byid: la, . Nga" yham sang pho" Nabala wa azhaug' amhe' byu angaid: . Yao" dao: da xam: byid: . Yao" mang we' yao" na ye, khyo yhoe' za" ru ngaid: ra". Yao" mang Nabala , yao" ave, anghang: ayao ngaid: . Nao asang nhao: ke' ra" byu ni" jeim myhi" malham: the'26 myao: ke'. – Ana" ngaid qere: nga" asang we" byu se' nae" khyo maye: nae" we' yham sang: nhag' lam: cao" mung: loge, maphaug' shao: Mo"so nao re tam" to" ra" mathao Mo"so daui: na mung: nao asang daui: na: we' dakhyo: ni" gyevo qe we' nao re phyo' nae" seim" na mo, wa Nabala ru:27 ngaid vegashao: . – Ana" ni" jeim myhi" yu: li" ra" jhaung qhu" ni" thao cao" ra"28 zoshao qe re gae byid: nhao la, . – Ni" jeim myhi" qobo re zang: kham byid: la, . Nga" asang nao Mo"so: thao khyo" gye khe' va" mathao: yang ni" yham dang dang boe" li" nae". Ni" bang: dabang" geim" nao re qobo29 vhin nae" mabo nae". – Nao re se' nae" ga: byu damyo" qho ko" qere: nga" asang: kao re Mo"so wa yao" kao so' bain" mae kag' to: byid' li" nae". Nga" asang: gyevo qe: kao se' re kam" wa laug lhaui" yang lhaui" tao"30 ke' ru: lhaui" pye' li" nae". – Mo"so dao: so: to" to: byid' we' dakhyo: ja: khao: ngo" nao re pyang" lhoe" byid: mung: Israel qe31 re ug: gam: ra" aya: lo" qo" lao" , – pe" mangaid' ru byu: kao zao" se' pye' qhug' ra" mathao: yang re: , yham sang: nhag' lam: cao" yang: loge, phaug' ra" mathao: yang re: , nga" asang ni" gaung nao yao: nhag' ngaui: ru , qobo tug' byid' ru maboe" thug' lo shao: wo". Mo"so: yang nao asang re na gai nhao: ba ni" jeim myhi" ngo re re: beim: la, ga: mho' ra".32 Davi kam" wa ana" ba ngo we' the' qhug' veshao: ga: nao re nhao: ke' ra" Israel Mo"so wa ngaui lho" na veshao:33 wo". – Nao byid' ra" juyi re: ngaui lho" shao: . Ana" ba ngo byu maye: zao" se' nae" we' yham sang: nhag' lam: cao" yang: loge, maye: zao" phaug' nae" tau: li" tam" ra" yaug nao mae re: ngaui lho" na veshao:34 wo". – Dang dang nao re mali" phyo' pye' nae" khyo: tam" kyo" byid' ra" Israel Mo"so daui: na: we' dakhyo: nao ceru: mye, majoe" li" ngaid: re gai gai: yao: ne, kao mug: bo" lao" kam" Nabala byu yaug gai dayaug re re: tang" to: lo: nae" mangaid ga:35 ta" kyo" ra". – Ai: thao Davi wa yao: yu: li" ra" jhaung qhu" yao" lo, mae" yu yang: ni" yham khyo ngaui bau: taung" lo" se. Ngo ni" dao: kheim: tae" gyo: byid: va". Ni" myo, nho: mathao ngo gyo: byid: mung: na: na naeva".36 Abigela re: Nabala jhao" dam: lo" ra". Yao: wa jhaung zug' poe ru" ru yao" yham mae poe mo" kaid' mung: yhid gyai shaug' yid: ci yang: gyai pyo" na: ra". Yao: myi: re: thao: ne, mug: bo" sho' pe" mata" kyo:37 lo: zug' ci: ra". – Mug: bo" mung: Nabala sabyi' mayid lo: thao za: ai: akhyo jham re yao: myi: ta" kyo" ra". Alao" yao: wa kheim38 shid yang: laug baui ru: qao: lo" ra". – Ai: thao daxe ba kho re Mo"so: yang Nabala re se' pye' yang: shid: byaug; ra".39 Nabala shid va" akhyo Davi the' gyo: lao" ngo khyoe' qhug' ra" khyo jham re myao byid: mung: Nabala lo, mae" she: yu: ru we' yao" jeim re qobo khug mae" lhoe' yu: ra" Mo"so wa ngaui lho" shao: wo". Nabala kaid' ra" qobo re yao" au: dao mae Mo"so tug' byid' ava" ga: mho mung: byu nhao: ke' yang: Abigela re cug' gaug nae"40 tau: ta" ke' ra". – Davi jeim qe wa Abigela na: ra" Karamela vomo" khyo joe" mung: Davi wa zug: myhi" nao re cug' gaug lo, xo' yu nae" ga: ngonhaung" re nhao: ke'41 ra" ga: ye ta" kyo: ko" ra". – Abigela wa to" mung: myid gaung mae gam" goe, zo" ngo wa nga" asang: daui nhao zoshao qe: khyid cid' byid' ra" jeim ngaid veshao: ga: ta"42 yang: , – Phyaid za: to" mung: yao" daui mung jeim ngo" yaug we' myao: zaung yang: Davi nhao: ke' ra" byu qe we' daga" cao" lo" mung: Davi myi: lo" boe" ra".43 Davi wa Yezarela vobyu Ahinom: re re: jhui" yu mung: ai: myiqe: shid' yaug wa44 Davi myi: ngaid: ako". – Sholu wa yao: zo: ngaid: ra" Davi myi: Mikhala re Galin: jo, qo mae" Leshem yao: zo: Phalati re byid: zho" pye' ra".