1 Thao re Davi wa daba: ba Sholu; lo, mae kao je, naemyao: . Aru: mung: Philisti mang: khyo phao: re agai lo". Ai: tho' je: ru ngo mae mabo lo: . Alao" za: Israel damang" geim" ngo re maqhug' qho lo:,mamyao lo" ru Sholu ba yang: yao" nhag' lam: khyo" pye' lao" za: yao" lo, mae" ngo qo" loe, zai2 ngaid: ga: qo" myid: thug' lo: ra". – Alao" Davi wa yao we' daga" yao: mae bocao" qin" ko" byu khyaug' yo we' daga" Gata mang: zug: Mo"kha yao: zo: Akhi jhao"3 de; ye" lo" ako". – Davi we' yao" byu qe wa yao: yaug yao" myi: zo: we' daga" Gata vomo" Akhi zug: jhao" na: na: ako". Davi yao: myi: shid' yaug Yezarela vobyu Ahinom: we' Nabala myi: Karamela vobyu4 Abigela re: bobo: ra". – Davi Gata khyo phao: lo" va" ga" ru Sholu the' gyo" pye' yang: thao re getau madam: cao" qho lo: .5 Davi wa Akhi zug: jhao" vao ye: mung: ngo ni" qhid' kheim: mae myo, nho qo" ru ngaid: re wa ngo na nae" tau: ce: mang: din" khug mae" vo davo vo ngo na nae" byid: la, . Ni" jeim ngo pe" mung: jhaung zug' vo mae yao: we' daga" gai: na nae"6 tau: mho' ra". – Akhi zug: ai: ba Zikalag vomo" re byid' ra". Ai mung: ana" ba joe" sho' Yuda jhaung zug: qe Zikalag vomo"7 re sang ko" ra". – Davi Philisti mang: mae yena: ra" ba na wa dazin: yang lho" byid khye' tab ngaid: .8 Dalhang Davi we' yao" byu qe Geshuri , Geyazi , Amaled' byu qe re ye phyo' ko" ra". Ai: byumyu" qe wa genhae" Shura vomo" khyo mae" re Egutu mang:9 joe" te' za: lhaung" na mo, ngaid: . – Davi ai: mang: re phyo' pye' mung: myiqe: nau" , yaug gai nau" dayaug re lao" adaui manha lo: yao: bam: yao , nung: , myao: , ma dae myao: , ve, mai bau: jham re sham" yu yang: Akhi jhao" dam: lo" ko" ra".10 Akhi zug: wa ana" ba naonhaung" khag' re yese' ko" ga: lham: myid' re Davi wa Yuda mang: qid bang: dau , Yeramela mang: o: dau , Keni mang: thao khyo ye:11 mung: ye cao" se' ru ga: zhao: ra". – Davi wa yao: re Davi ceru: kaid' ra" ga: Gata vomo" khyo lau dao: lota" nae" byu mana sho' myiqe: , yaug gai dayaug re lao" adaui manha: to: lo: . Ai re" khyo: Davi wa Philis- ti mang: mae na: ra" ayo, abang: ai ru: za:12 cao" kaid' qin" ra". – Akhi mang: zug: wa , Davi wa yao" amyu" qe yao: re dajhid' re: ma-o lo: sho' kaid' ava". Ai ru: mung: ngo mae za: jeim kaid' yang: na: na: li" nae" ga: myid: lam: na: ra".