1 Sholu Philisti byu qe re cao" khe' ru mae" dam: lo: ra" au: Engedi seyo mae Davi na: ra" akhyo lham: ta" kyo" ako". –2 Alao" Sholu wa Israel damyu" geim" mae" khyin: gaug; to" byu sam taung jhui: mung: yo:tao: laug byo, cao" yang: Davi we' yao"3 byu qe re qho nae" ga: thug' lo" ra". – Ai re khyo yae mae" yao khyae jo; tau joe" mung: ai: mae laug aug' adung: the' myao yang:4 Sholu yab nae" ga: vao lo" ra". – Davi byu qe re: Mo"so wa ni" gyevo re ni" lo, mae qhaug' byid: nae". Yao: re nao nug: khyo: kaid' nae" akhang" jo; ra" ga: ta" ra" dao: kheim: joe" va" ga: yao: re ta" gelao" Davi to" ye: mung: Sholu ve; ci: ra" bau: phyid' dam: tam" re sae za: lhai" phyid' yu: ra". –5 Davi wa Sholu: bau: ye lhai" phyid' yu: ra" mathao nhag' lam: atha" tug' qo" yang: , –6 Mo"so: xau gyain: qhug' ra" nga" asang wa , Mo"so: akhang" khyo" xau gyain: qhug' ra" yaug ngaid: ra" ru mung: ai: nga" asang re no nhao nae" ra" nga" lo, re Mo"so tam" kyo" byid: veshao: ga: yao" byu qe re7 ta" kyo" ra". – Amung: Sholu re yu: pye' nae" akhang" mabyid: tam" pye' ra". Sholu re: to" mung: laug aug' mae" thug' lo" ra".8 Ai: thao Davi re: to" mung: laug aug' mae" thug' yang: nga" asang jhaung zug: we" ga: Sholu: thao mae cao" hug' yao: ra". Sholu lhang: qu" ke' re Davi wa myid gaung mae gam" goe, phug' lho qhu" ra". –9 Davi wa qu" wa, Davi nao re se' nae" yaung: na: ra" ga: byu hau" nhao" ra" dao:10 pe" mung: tae" gyo" ra". – Ana" ba Mo"so wa ai: laug aug' tau nao re ni" jeim nga" lo, mae qhaug' pye' va" khyo nao yao: the' myao: ava". Nao re se' pye' gelang: ga: byin cao: qe damyo" ta" ko" qere: ngo ni" kao re o: byid yang: nga" asang wa Mo"so: xau gyain: kham yaug ngaid: yao: re se' nae" nga" lo, mayheim: nae" ein: ngo myid:11 zag: to". – Ai: tho' mago" nga" pho" we" nga" lo, mae" ni" bau: thao re qu" ke' qu" shi: . Ngo nao re mase' lo: ni" lo, mae ni" bau: athao za: alhai" phyid' ci: ru mung: nga" lo, tau qobo made, shaid' lhoe" qobo mabo: ru re ba se" yu wa, . Nao ngo re se' nae" ga: phin" qin" qere: ngo nao re pe"12 mashaid'. – Nao we' nga" gyo: mae Mo"so a’ca: kin byid: veshao: . Ngo re shaid' ra" qobo Mo"so tug' byid: veshao: . Ngaid qere: nga" lo, kam" wa nao jhao" majoe"13 tin: . – Genhae" mase" mo; dao: khyo: jo; we' dakhyo: makhyang" ra" yaug: akhug mae" makhyang" ra" ru za: thug' ra" ga" dao: kheim: dang qere: nga" lo, nao jhao"14 majoe" tin: shao: . – Israel jhaung zug: wa khoyaug: mathao du: su" qin" ra". Nao khag' re cao" khe' qin" nhe". Kha: shid cao" pha: qho: qin" ra" i"? mangaid: lao" khalha:15 re qho: qin" i?. – Ai ru: mung: Mo"so za: tarha" agyi kaid' byid: veshao: . Nao we' nga" gyo: mae yao: pha: kho' byid: veshao: . AsAng yao: qu" zhaug' na mung: ngo re ni" lo, mae" khyaid' yu shao: ga: Sholu re ta" ra".16 Davi ai ru: ga: Sholu re bin: ta" thao Sholu wa nga" zo: Davi we" ngo the' gyo" thoe ni" dao: thoe ngaid: i"? ga: myid: yang:17 zag: hug' ngug: ke' ra". – Xo' yang: yao: wa nao wa ngo tho' je: din: main: va" ra". Ngo nao re makhyang" ra" khyo" kaid' qere: nao ngo re gai: ra" khyo" dam: phaug' ava". –18 Nao ngo re gai: ra" akhyo khoru: kaid' ga" ru re ana" ba nao qhu" ava". Pe" mung: ga" re Mo"so ngo re ni" lo, tau qhaug' byid: va" qere: nao ngo re mase' pye' nhaung19 mhao". – Byu ga: ru gyevo we' myo, de: jho" qhug' va" re yaug yo za: nhao ke' nae" akhyo bo: i"?. Ai ru: mung: ana" ba nao ngo re qhu" byid' ra" jeju wa Mo"so tug'20 xe' byid: veshao: wo". – Ana" nao jhaung zug: dang dang boe" li" nae" ein: yang: re: Israel mang: din" wa ni" lo, mae jo; dang: lo: li" nae" ein: yang: re: ngo dang za: ba:21 ra". – Aru: mung: nga" yham khaung gu: re nao mase' tam" pye' lo: za: nga" akaung aboe: qe mae nga" mang re maphyaug' pye' shao: Mo"so mae ngo, yang: nga" qhid' mae jham tang" to: byid: la, ga: Davi re mho:22 ra". – Davi re: Sholu qhid' mae" jham tang: kheim: ke' byid' ra". Ai: thao Sholu wa yao" yham khyo lo" byaug mung: Davi we' yao" byu qe kam" wa gang: tang gug' ra" jao: khyo ye" lo" ko" ra".