1 Byu damyo" Davi re Philisti byu qe Kila vo li" phyo' yang: gaug nao: jao: lhaid' yu:2 pye' byid: veko" ga: ta" kyo" ako". – Ai ru: mung: Davi wa ngo Philisti byu qe re cao" khe' se' zai i"? ga: Mo"so jhao" myid' ra". Mo"so wa ye: wa, Philisti byu qe re ye cao" se' pye' mung: Kila vo re ye khyaid' yu wa,3 ga: Davi re mho: ke' ra". – Davi byu qe wa ngonhaung" Yuda mang: re lao" gyaug ca" na: re Kila vo khyo gyo" lo" yang: Philisti gye mo" thaui: qe we' gye khe' nae" ga" ru wa je: gyaug ca" nae" ru mangaid: i"? ga:4 yao: re ta" ako". – Davi wa aru: ga: gelao" Mo"so re xo' myid' qu" ra". Mo"so kam" wa to" wa, Kila khyo gyo" lo" wa, . Philisti byu qe re ni" lo, mae Ngo qhaug' byid: nae"5 ga: ta" ra". – Davi we' yao" byu qe wa Kila khyo gyo" lo" mung: Philisti byu qe re se' tam" pye' yang: yao: bam: gug' nyhug' qe re yu: pye' byid' ru: we' qam: zang ke' mung: se' khyo" pye' ra". Ai re" khyo: Davi wa Kila vomo" mae" byu qe re khyaid' yu: ra". –6 Ahimaled' yao: zo: Abyata wa Davi na: ra" Kila khyo phao: li" re kuyhoe" bau: qhang re: bobo: li" ra".7 Davi Kila mae joe" na: ga" ru Sholu the' gyo" ra". Ai ru: mung: Sholu wa kham: dung: kham: kyao" gelho: shab za" vogaung: khyo vao va" mathao lhaung" to" khyo: yao: ngaid va". Mo"so: yang yao: re nga" lo, mae qhaug' byid' ru va" ga: ta"8 ra". – Kila khyo gye to" lo" mung: Davi we' yao" byu qe re vang" to: nae" ga: yao" byu9 qe re jhui" zhag' ra". – Sholu nhag' lam: kaui jab; ru re Davi the' ba byid: mung: khin jaung Abyata re kuyhoe" bau: qhang10 yu: lo ri: ga: mho: ra". – Amung: Davi wa Israel Mo"so we" Sholu Kila vomo" khyo li" mung: nga" mathao ai: vo phyo' pye' nae" yaung: ra" akhyo ni" jeim ngo dang dang11 qo" the' gyo: va". – Kila vobyu qe ngo re yao" lo, mae qhaug' byid: genae" i"?. Ni" jeim ngo the' gyo" we' dakhyo: Sholu gyo" li" nae" i"?. Israel AsAng apyaid ato: Mo"so we" ni" jeim pho" re ta" kyo: la, mho' yao: na: wo" ga: ta" ra". Mo"so re: yao: gyo"12 lo: li" nae" ga: ta" ra". – Xo' yang: Davi wa Kila vobyu qe ngo we' nga" byu qe re Sholu; lo, mae qhaug' byid: genae" i"? ga: myid' re Mo"so wa qhaug' byid' li" genae"13 ga: mho: ra". – Alao" Davi wa khyaug' yo kho bo: ra" yao" byu qe we' to" mung: Kila vo mae" thug' lo" yang: qo" phao: qui" mung: va: khyo su" lo" ko" ra". Davi Kila vo mae" phao: thug' lo" va" khyo Sholu the' gyo: lao" yao: mabo: ye: lo: na: na:14 ra". – Davi wa Zipha bam mug: bug gaung lao: khaung: khain cao" na: qin" ru mung: Sholu ne, qug: qho qere: Mo"so wa Davi re Sholu; lo, tau maqhaug' byid: ngaid: ra".15 Dalhang Davi wa Zipha seyo yoqao" mae na: na: au: yao: re se' nae" ga: Sholu16 li" ru re ba: ra". – Ai: au: Sholu yao: zo: Yonatain: to" li" mung: Davi na: ra" yoqao" thao" jam" khyo li" yang: Mo"so mae khug ngha qam: qi" na nae" akhyo qam: li" byid:17 zo" re" , – dagyaug wa, . Nga" pho" Sholu; lo, nao mae qo" joe" nae" mangaid: . Nao Israel jhaung zug: qo" boe" zai ngaid: . Ngo re: ni" o mae" sin: thu mo" boe" zai ngaid: . Ai ru: boe" lo nae" ru nga" pho" Sholu qo"18 ba: ci: ra" ga: ta" qam: byid' ra". – Yao: nhae wa Mo"so: qhid' kheim: dao: thang: to" to" ako". Davi wa ai: yoqao" mae na: na mung: Yonatain: kam" wa yao: yao" yham khyo lo" byaug; ra".19 Ai: ayo, Zipha vobyu qe Giba khyo Sholu jhao" do, lo" mung: Davi wa ngon- haung" mug: Yeshimun jo, qo Hakhila bug gaung lao: khaung: cao" yang: yoqao" no,20 mae gug' qin" ra". – Jhaung zug: pho" nao cao" khe' nug: we' dakhyo: li" lo ri: . Yao: re ni" lo, tau qhaug' byid: nae" akhyo wa ngonhaung" mau" ngaid shao: ga: yeta"21 kyo: ko" ra". – Alao" Sholu wa naon- haung" ngo re nhag' myain" yu: aveko" mathao Mo"so naonhaung" re min byid:22 veshao: . – Ana" lo" mung: ca: qu" shi: ge, . Yao: vho' khug; na: jo, qo re re: , khoyaug myao: ru re: myid' jhaug' to: ge, . Yao: gyai23 qag su ngaid: ru ngo ba: . – Amung: yao: vho' na: ra" jo, qo gelho: za: bin: qho: ca thao za: ngo jhao" dam: li" ge, . Alao" naon- haung" we' ngo daga" thug' su: nae". Yao: ai: mug: cao" yang: na: re kam" Yuda byu ataung atug khug mae" ngo phoe' yu nae" ga: mho: ke' ra".24 Alao" yao: bam wa to" mung: Zipha khyo Sholu; qhid' mae ye" lo" ko" ra". Davi we' yao" byu qe kam" wa Mo"na, seyo , Yeshimun vomo" qid bang: shaid' jao: dae25 mae na: bam ko" ra". – Sholu we' yao" byu qe yao: re qho nae" ga: thug' su" lo: ra" akhyo Davi the' gyo" ra" mathao laug bam khyo gyo" lo" mung: Mo"na, seyo mae lo" na: na: ra". Sholu, ai: ru dam: the' gyo" lo mung: Mo"na, seyo khyo Davi re cao" qho:26 ye" lo" ra". – Sholu, wa bug qang: dashaid' khyo" ye" lo" mung: dashaid' khyo wa Davi we' yao" byu qe ye" lo" ko" ra". Amung: Sholu, re gyaug; ra" mathao qo" loe, sho' ga: Davi phao qam: ke' na: au: Sholu, we' yao" byu qe , Davi we' yao" byu qe re lhang" kham" to: yang: alaug laug qo" taung"27 ako". – Ai: au: re logyo: joe" lo mung: mye, lo ri: . Philisti byu qe ngonhaung" jo, qo khyo gye to" vao lo veko" ga: Sholu, re28 li" zhao: kyo" ra". – Amae" za: Sholu Davi re cao" khe' qho: qin" ru mae" tug' mung:29 Philisti byu qe: thao cao" lo" ra". – Davi re: ai: jo, qo mae" lo" mung: Engedi vomang: gug' ra" jao: mae na: na: ra".