1 Philisti byu qe yao: bam: gyemo" thaui: jham re Aphed vomo" mae jhui" zhag' to: ko" ra". Israel byu qe wa Yezarela vo mae jo; ra" qid thug' nhae mae gyetab zhaug'2 ako". – Philisti zug: qe wa byu dayo dab , dataung dab su: mung: Davi we' yao" byu qe wa lo" thao" dab Akhi zug: we' daga"3 cao" ko" ra". – Philisti zug: qe wa nao we' cao" ra" ai: gye qe wa khag' bam ngaid: ga: myid' re Akhi zug: wa ce: yaug wa Israel jhaung zug: Sholu jeim Davi ngaid: mangaid: i"?. Ngo mae na: ru gyai myao" va". Ngo jhao" joe" ra" ba mae" ana" ba joe" sho' yao: mae qobo vhin nae" daja: re: mathe' myao ga: Philisti zug: qe re ta"4 kyo" ra". – Philisti zug: qe wa yao: re nhag' yo: yang: ce yaug tug' lo" veshao: . Nao yao: re nha: to" jo, qo khyo yao: lo" na: jo, shao: . Ngonhaung" mae gye khe' ra" jao: khyo yao: re dajhui: . Gye khe' jao: joe" lao" ngonhaung" gyevo thao khyo de; byaug nae" lha" ca" ra". Yao: wa yao" asang: nhag' jo, yo sho' khoru: qo" kaid' nae". Nyhao" byu qe: au: lam: lo" qhaug' byid' ra" khyo" za: nhag' jo, gai: yo nhao: mangaid: i"?.5 Sholu se' ru dataung , Davi se' ru datug ga: ta" yang: go" ko" ru wa ce yaug re ta" qang yang: caung: ko" ru mangaid: i"? ga: yo: ko" ra".6 Alao" Akhi wa Davi re khai: yu mung: dang dang Mo"so kao daui: na: we' dakhyo: nao dang main: taung" zaui: so" ava". Ngo we' daga" gye mau" cao" vao: qin" ru mae ngo nao re myid qam: qo" ra". Nao ngo jhao" joe" li" ba mae" ana" ba joe" nao mae7 qobo mathe' myao. – Ai ru: mung: ana" yaug yo za: lo" se, . Philisti zug: qe re nhag'8 dayo: ga: ta" ra". – Ngaid qere: Davi wa are ngo ni" jeim nao jhaung zug: asang: gyevo qe re magai: yebo: khe' ru wa ngo pe" shaid' lo" va". Nao mae bona: ayo, bin sho' gu: mae re: , ana" ba re: pe" qobo the'9 myao: ga: Akhi zug: re mho: ra". – Akhi zug: wa nao nga" qhid' kheim: mae Mo"so: mug: logyo: ru: gai: ru re ngo ba: ra". Ai qere: ngonhaung" we' daga" gye khe' jao: khyo dacao" ga: Philisti mang: zug: qe10 qham: phyid' veko". – Ai ru: mung: nao we' daga" cao" li" ra" ni" asang: byu qe we' daga" ne, kao no' mae" to" mung: mug: bo" lao" dam: tug' lo" ge, ga: Davi re ta" ra". –11 Davi we' yao" byu qe wa ne, seim no' mae" to" mung: Philisti mang: khyo dam: tug' lo" ako". Philisti byu qe re: Yezarela vomo" khyo to" lo" ko" ra".