1 Davi wa ai: mae" phao mung: Adulam: laug aug' khyo yaug yo za: joe" ye" ra". Yao: mao: qe , ba nam qe the' gyo: gelao"2 yao: jhao" ye: ko" ra". – Mau" thug' mo, , jhin de, mo, , nhag' kyo: nhag' gyae mung mo, wa yao: mae zang" qham geyang: yao: wa ai bam: agyi ug: gam su boe" ra". Yao" thao byu lam: byid yo kho bocao" qin" ko" ra".3 Ai: jo, qo mae" Mo"ba' mang: Mizapa vo khyo lo" mung: Mo"ba' jhaung zug: re Mo"so ngo re pe" boe" nhao: ru mathe' ba shi" re nga" pho" nga" myhi" bam nao jhao" li" khug; na nae" akhang" byid: la,4 ga: mho' ra". – Ai re" khyo: yao: bam re Mo"ba' jhaung zug: jhao" dai" nha: to: mung: Davi laug aug' gyetab mae cao" na: qin" ra" ayo, abang: alhab' gu: mae myhi" pho" qe wa Mo"ba' jhaung zug: jhao" ye5 na: na ko" ra". – Are lapa Gaid' wa laug aug' mae dana: qin". Ai: mae" thug' yang: Yuda mang: khyo lo" wa, ga: Davi re ta" mung: Davi thug' lo" yang: Hared' seyo mae lo" na: ra".6 Ana" Davi we' yao: we' daga" na mo; akhyo hau" thug' lo yang: Sholu the' gyo" ra". Sholu kam" wa Giba vomo" bug gaung sag' gae gyid' mae lhae ci yang: zaung: jo, mung: yao" sin: zo: qe re: yao" avai:7 ayae mae ye; jin: bam: ako". – Benyamin: kaung we" tae" gyo: ge, . Yese" yao: zo: wa yothaung: , sabyi' khyae jham re naon- haung" re qo" gae: myho" byid: nae" i"｀?. Naonhaung" alhab' bam: re byu dataung ug , dayo ug aya: qo" byid' nha: to: nae"8 i"?. – Ai ru: qo" kaid' ein yang: naonhaung" alhab' ngo re tau: lhain: gye poe ko" i"?. Nga" zo: Yese" yao: zo: we' lozam" lokhug kaid' ra" akhyo dayaug re: mata" kyo: ko". Nga" tau: dayaug re: nhag' makaug'. Nga" zo: yao: nga" jeim re tau: lhain: nhao: ra" akhyo ngo re khag' re: mata" shid' ko" mhao" ga: avai: ayae ye; na ko" yao" sin: zo:9 qe re mho: ra". – Alao" Sholu sin: zo: qe: ade, Edom byu Doga wa Yese" yao: zo: wa Ahitug' yao: zo: Ahimaled' na: ra" Noba vo10 khyo joe" li" ru ngo myao: ra". – Ahimaled' wa Yese" yao: zo: tau: Mo"so jhao" myid' qu" mung: zao: kho re re: , Philisti byu Golied shae re re: byid' ra" ga: zhao: kyo" ra".11 Jhaung zug: wa Ahitug' yao: zo: khin jaung pho" Ahimaled' we' yao" ba nam akaung qe ngaid: ra" Noba vomo" mae na: ra" khin jaung alhab' re khai: ke' mung: ai bam wa jhaung zug: jhao" joe" li" ko" ra". –12 Sholu re: Ahitug' yao: zo: tae" gyo: wa, ga" re Ahimaled' wa ngo na: wo" asang ga: ta"13 ra". – Sholu khyo" re: nao we' Yese" yao: zo: pe" mung: myid qhug' yang: ngo re tau: lhain: ko". Ana" ba ce re" khyo: ngo re tau: lhain: nhao nae" ein: yang: cinmain" we' shae re byid' ke' ru we' Mo"so jhao" yao" akhyo myid' qu" nhaung i"? ga: ta" ra".14 Ahimaled' wa ni" daui nhao byu qe alhab' tho' Davi ru: vin tang" ru khoyaug na: ra". Ni" vang mae ham: hung: bo:15 thao" yaug re: yao: ngaid: ra". – Yao" tau: mae" ein: Mo"so jhao" myid' qu" ru ana" ba za: ngaid: i"?. Ai wa ngo we' va" lin shao: . Nao jhaung zug: ngaid qere: ngo ni" jeim we' ni" jeim: nho: ba nam khag' re re: qobo da vhin wa, . Ngo ni" jeim wa ai: ru" mau" aqi: angai pe" re re: maba ga:16 jhaung zug: re zhao: ra". – Jhaung zug: pho" kam" wa Ahimaled' we" nao we' ni" ba nam mao: nhaung: qe alhab' dang dang17 shid ca" genae" , – ga: bin: ta" lao", Mo"so: khin jaung qe re: Davi thao de, geyang: yao: phao: ra" akhyo ba ko" qere: ngo re mata" kyo: gemung: yao: bam re se' pye' ge, ga: yao" avai: ayae na: ra" sin: zo: qe re amyin" byid' ke' ra". Ai qere: jhaung zug' byu qe wa Mo"so: khin jaung re mase' lo:18 na: ako". – Dam: jhaung zug: pho" wa nao lam: khin jaung qe re se' wa, ga: Doga re ta" ra". Alao" Edom byu Doga to" yang: kuyhoe" bau: qhang ve; ra" khin jaung shid' xe: ngo" yaug re ai: ba re yao: se' tam" pye'19 ra". – Khin jaung qe sang: ra" Noba vomo" re re: zin" vao lo" mung: yaug gai , myiqe: , zoshao , nug' nau" , nung: , myao: , yao jham alhab' re se' khyo" pye' ra".20 Ai qere: Ahitug' akaung , Ahimaled' yao: zo: qe mae" Abyata mang: ra" yaug qo" phao: loe; lo" mung: Davi na: khyo phao:21 ye" ra". – Mo"so: khin jaung qe re Sholu se' tam" pye' va" khyo Abyata yang Davi re22 ye zhao: kyo" ra". – Alao" Davi wa Edom byu Doga ai: akhyo Sholu re ta" kyo: naeva" ein: yao: re myao: ke' ba mae" ngo myid: beim: va". Ni" akaung re ngo: yang se' pye'23 nhao: ru: boe" venhaung. – Ngo we' daga" na lang: dagaung yug . Nga" kao re qho: ra" yaug ni" kao re re: qho: na: ra". Ngo we' daga" na: re qo" loe; beim nae" ga: Abyata re ta" ra".