1 Davi wa Noba vo khin jaung Ahimaled' jhao" joe" ye" ra". Ahimaled' re: gyaug: ru we' Davi re lham: tug yang: byin cao: dayaug re: mabo nao yao: za: li" joe" ru wa pe" mung: ngaid: ga: lham: myid'2 re , – Davi wa jhaung zug' mau" daja: ngo re qhaug' byid: mung: ngo nhao: ra" mau" khag' re re: daba nhao ga: ta" ra" mathao nga" byu qe re mho tau , thoe tau lao" na geri: ein: ta" mung: qhid' khyo nhao:3 ke' va". – Ai ru: mung: zo: nam daja: ja: majo, la,. Cinmain" ngo" thaung: ngaid qere: , pe" ngaid qere: ngo re byid' ke' la,4 ga: khin jaung Ahimaled' re ta" ra". – Khin jaung pho" re: ngo mae pe" o: mado gai: zo" ra" cinmain" majo, . Ni" byu qe myiqe: qe we' mazam" ko" ngaid: re kam" wa shao gyang" cinmain" jo; ra" ga: Davi re5 ta" ra". – Davi wa ngo thug' su" lo: ba mae" khag' re: myiqe: we' mazam" ko". Zoshao qe: byu sheim baung: zo: re: shao ko" ra". Ai: cinmain" re: yaug nge, gai: zo" ra" cinmain" ru: ngaid: ava". Pe" mung: ga" re ana" ba shao gyang" ra" cinmain" sag' re kai" to: nhaung ga: khin jaung pho" re6 ta" ra". – Khin jaung pho" wa zo gai" mae qhu" to" ra" cinmain" mae" lai yang: getau: cinmain" majo; ru mung: shao gyang" cinmain" re byid' ra". Ai: zo gai" mae to" to" ra" cinmain" atha" cinmain" asag' re dam: kai" to: nae" tau: Mo"so: qhid' kheim:7 mae" qab; pye' ra". – Ai: ba re Mo"so: qhid' kheim: thang: na yaug mang: mau" vin: yao zaung" ade, Edom byu Doga ga:8 yaug bona: ra". – Davi wa Ahimaled' re nao mae shae lhae majo, la, jhaung zug: mau" saung" hin yang: shae lhae pe" re:9 mathe' gaug; ci lo: ga: ta" lao" , – khin jaung pho" wa Ela lao: khaung: mae nao se' pye' ra" Philisti byu Golied: shae , pin: cug' yang thab' yang: kuyhoe" bau: qhang: naung thao" mae jo; ra". Ca" re wa yu: ci wa, . Shae getau wa majo, ga: mho: ra". Davi wa ai: shae we' dau: ra" shae majo, lo: byid' ke' la, ga: ta" ra".10 Ai: ba Davi to" lo" mung: Sholu re gyaug: ra" mathao Gata zug: Akhi jhao"11 phao: joe" lo" ra". – Akhi jhaung zug' daui: mung mo, wa ce Davi wa Israel jhaung zug: ngaid: ra" mangaid: i"?. Sholu ataung taung , Davi atug tug se' va" ga: nghaui" caung: mung: ce: yaug re mangaid: i" ga:12 ta" kyo: ko" ra". – Ai: dao: kheim: Davi ba: gyo" pye' mung: Gata mang: zug: Akhi re13 gyai gyaug; pye' va" mathao , – go mhug' mhug' yang: yao: bam: qhid' kheim: go lho yhe' mung: kham: the: tau khyang" ru we' yao" nhaid' mug' mae khota: yhoe" te'14 lhau" to" ra". – Aru: mung: Akhi mang: zug: wa daui mung zoshao qe re qu" ge, ai: yaug ago angaid: ra". Ngo jhao" pe" mung: vhao" ke' ko".15 Ngo ago mamyao: qu" jho yang: nga" myo, le, mae ago tu" qhu" veshao: ein: ai: yaug re nga" yham khyo vhao" ke' ko" i"? ga: qeim: ke' ra".