1 Ai mung: Sholu wa yao: zo: Yonatain: we' sin: zo: qe re Davi re se' pye' nae" khyo: khang" to" ra". Sholu yao: zo: Yonatain:2 kam" wa Davi re gyai jhid' de; ra". – Ai ru: mung: Davi re nga" pho" nao re se' nae" ga: yaung: na: ra". Ai: mathao ne, kao joe" sho'3 gug' ra" jao: mae vho' na wa, . – Ngo thug' yang: nao na: ra" seyo jao: dae mae nga" pho" jhao" vao ye: mung: ni" akhyo nga" pho" re zhao: kyo: nae". Ngo dam: qo" the' gyo" lau dao: alhab' nao re dam: zhao: kyo:4 nae" ga: ta" ra". – Yonatain: wa yao: pho" jhao" Davi thao de, yang: ta" ra". Jhaung zug: pho" wa yao" jeim Davi re mashaid' shao: . Yao: nao re ma zai" shaid' ngaid: ra". Yao: zaui" qhu" kaid' va" jeju re: ni" adao mae laug; jo; ava".5 Yao" kao re pe" o: mado lo: Philisti byu qe re se' mung: Mo"so wa Israel damyu" geim" tau: gyai qi" ra". Khyaid' yu: jeju zaui: so" ava". Nao re: myao yang: ngaui bau" ava". Ai ru: mung: pe" akhyo re: majo; ra" mae Davi re se' yang: pe" mung: qobo maqo" yaug; kao re se' mung: qobo phau" yu nug; i" ga: yao: pho" Sholu re ta" ra". –6 Sholu re: Yonatain: mho dao: gyo: mung: Mo"so kao daui: na: we' dakhyo: yao: magai: shid nae" ga: jham tang" ra".7 Yonatain: re: Davi re khai: yu mung: agin akhyo: bin sho' ta" kyo: yang: Sholu jhao" dam: vhao" ke' mung: Davi re: genhae" na: ru: dam: na: na: ra".8 Gye poe dam: thug' lo yang: Davi wa Philisti byu qe re ye cao" se' ru we' yao: bam re qam: phin: se' tam" lo: ru mung: ai9 bam wa tao" phao: lo" ako". – Ana" Sholu lhae ci mung: yao" zaung tao" mae zaung: na: au: Mo"so mae" makhyang" ra" alo yao" adao joe" li" yang: Davi wa tang: be; pyo"10 na: ra". – Ai ru: ngaid: na: re yao" lhae: yang Davi re khin qae tau atau" khyo" to: yang: geim: kyao" ke' ra". Davi kam" wa Sholu mae" qo" jao" phao: lo" mung: ai: lhae wa khin qae mae lo" zaug; de; jo; ra".11 Ai: myi Davi qo" phao: loe; lo" ra". – Sholu wa yao: re mhai" yang: ne, kao se' pye' nae" ga: Davi yham khyo byu nhao: ke' ra". Ngaid qere: Davi yao: myi: Mikhala yang nao ana" myi ni" kao makhyaid' re ne, kao se' pye' qhug' zai va" ga: yao: re ta" kyo"12 ra". – Ai ru: ta" mung: Davi re bao: zo" kham: khyo" yhoe" khyo" ke' yang: yao:13 qo" phao: loe; lo" ra". – Mikhala wa Tera sulho yu mung: yab jaung: mae lhang" to: yang: caid' mug' yang qo; ra" pin: go lung" yang au: tho' tau lao" khao: yang: mai pho'14 vhe' nghoe' to" ra". – Davi re taung" yu nae" tau: Sholu nhao: ke' ra" byu qe joe" lao" Davi no: lang" jo; wo" ga: ta" ke' ra". –15 Sholu wa yao: re ngo se' nae". Yab jaung: we' daga" vo; lo geri: ga: Davi re ye jo" qu"16 nae" byu nhao: ke' ra". – Daui mung byu qe vao: qu" ko" re caid' mug' yang qo; ra" pin: go lung" yang au: tho' mae lao" khao: mung: yab jaung: dao mae Tera sulho to"17 to" ru za: ye the' myao ko" ra". – Sholu wa ngo re vhain" yang: pe" mung: nga" gyevo re nhao: ke' i?. Ana" qo" phao: loe; lo" venhaung ga: Mikhala re mho lao" Mikhala wa ngo re nhao: ke' la, . Ai ru: mangaid: re nao re ngo zao" se' pye' li" nae" ga: ta" ra" ga: Sholu re zhao: kyo" ra".18 Ai re" khyo: Davi wa Sholu; lo, mae" phao: loe; lo" mung: Samuela na: ra" Rama khyo phao: ye" ra". Sholu yao: re khoru: kaid' ra" akhyo bin sho' zhao: kyo: mung:19 Na yug' vo mae ye na: ra". – Davi Rama vo mang: Na yug' vo mae na: ga" ru Sholu20 the' gyo" ra". – Alao" Davi re taung" yu nae" daui mung byu nhao: ke' ra". Lapa pa: ra" mo, thaui: qe lapa pa: na ko" ru Samu- ela jhui" au: she: na: khyo ai: daui mung byu qe the' myao gelao" Mo"so: Solo wa Sholu nhao: ke' ra" daui mung logyo: qe: adao joe" gyo" mung: yao: bam re: lapa pa:21 ako". – Ai: lau dao: Sholu the' gyo: lao" getau: byu qe re dam: nhao: ra". Ai bam re: lapa pa: ako". Sam lhang ein: lhang Sholu nhao: ke' qe re: ai ru: za: lapa pa ko" ra". –22 Alao" yao: yao: Rama khyo ye" lo: re Sekhu jo, qo mae" qid thaung: qi: joe" lao" Samu- ela we' Davi khotau na ko" ra" ga: myid' re Rama vomang: Na yug' vo mae na ko"23 ra" ga: ta" kyo" ako". – Ai mung: yao: wa ai: jo, qo khyo ye" lo" ra". Mo"so: Solo wa yao" adao mae joe" gyo" yang: Na yug' vo24 joe" sho' lapa pa: ye" lo" ra". – Yao" bau: jham re re: khyaid' pye' mung: Samuela qhid' kheim: mae lapa pa zo" damyi daba gyam mai bau: mabo lo: lang" jo; ra". Ai ru: mung: Sholu re: lapa qe mae bo: i"? ga: byu qe de" ko" ra".