1 Ai ru: Sholu we' dao: bin: jho" jhau thao Sholu yao: zo: Yonatain: nhag' lam: wa Davi nhag' lam: we' te' dai" ngaid: byaug mung: Davi re yao" gaung we' daqi" jhid'2 de; ra". – Ai: ba re Sholu wa Davi re jhui" yu: pye' mung: yao: pho" yham khyo thao3 re malo" nhao lo: ngaid: ra". – Yonatain: re: Davi re yao" gaung qhi" jhid' de, mung:4 yao: we' daga" dao: so: to" to" ako". – Yao: ve; ra" bau: qhang re khyaid' mung: bau: we' daga" shae , lhae , la: we' phyid' cui:5 Davi re byid' ra". – Davi re: Sholu nhao: ra" khyo alhab' ye: mung: xam: mag juyi bo taung" zaui" so" ra". Sholu re: yao: re gyezo: ug: gam aya: byid: mung: ai: akhyo re re: byu qe we' daui mung sin: zo: laka qe qu" ngaui: na ko" ra".6 Davi wa Philisti byu re bin: se' yang: dam: lo: re joe" lo" ra" Israel vo khao: ngo" mae" mo, Sholu jhaung zug: re tug: yu nae" ga: myiqe: zo: qe ngaui bau" myid we' caung: nghaui" zo" jhe' cang" , tang:7 be, yang: go" thug' lo: ako". – Ai: myiqe: zo: qe wa Sholu se' pye' ru ataung taung , Davi se' ru wa atug tug wo" ga: tha" lo tha"8 nghaui" caung: ako". – Sholu yao: bam wa Davi re atug tug ngo re wa ataung taung ga: za: ta". Ai: mang: din" za: mangaid: re getau: pe" qo" byid: genae" ga: gyai nhag' yo" ru we' dao: ai: kheim" yang mayaug yo9 ngaid: ra". – Ai: ba mae" Sholu wa Davi re khug lhang lhang: qu" na: ava".10 Ai: thao: ba re Mo"so mae" makhyang" ra" alo byo Sholu jhao" joe" li" mung: yao: wa yao" aung khug mae lapa pa: na: ra". Davi re: ge au: re" ru: tang: be; pyo" na: ra". Sholu wa lhae zhab' zag: ci: ru mung: , –11 Ngo Davi re khoqae mae geim: kyao" to: nae" ga: myid: thug' li" we' daga" yao" lhae geim: tao" ke' ra". Davi kam" wa yao" lo, mae" shid' lhang va: pye' ra".12 Ai re" khyo: Mo"so wa Sholu mae" thug' mung: Davi we' daga" bona: ra"13 mathao Sholu wa Davi re gyaug: ra". – Ai ru: mung: Sholu wa yao" jo, qo mae" kao" nha: ke' yang: byu dataung ug; ra" zug: aya: byid' ke' ra". Davi re: byu qe: qhid' kheim:14 tau vao vao thug' thug' kaid' na: ra". – Davi wa ja: khao: ngo" mae juyi bo taung" zaui" kyab' lo" ru mung: yao: we' daga" Mo"so15 bona: ra". – Ai re" khyo: je yang: juyi bo bo zaui: so" ye" lo" ru re Sholu je: the' myao:16 lo mung: je: gyaug; lo: ra". – Israel qe , Yuda qe alhab' wa Davi re jhid' ako". Pe" mung: ga" re yao: bam: qhid' kheim: tau vao thug' mau" kaid' na yang: ngaid: .17 Dam: Sholu Davi re khai mung: nga" zo: bai: mo" Mereb re nao jhao" byid: zho: nae". Nga" tau: vae" vae" za: phin: yang: Mo"so mae gye khe' wa, ga: ta" ra". Pe" mung: ta" ga" re nga" lo, yao: re mazao" se' shao: . Philisti byu qe: lo, mae shid shao: ga: Sholu yaung yang: ta" ra" dao:18 ngaid: . – Davi re: ngo wa jhaung zug' zo mo, qo" boe" nae" ru nga" gaung we' nga" bun , nga" akaung ako' qe , Israel mang: din" mae pe" je: lo" va" yha" ga: Sholu re19 ta" ra". – Ngaid qere: Sholu yao: zo: Mereb re Davi jhao" byid: zho: nae" ba na joe" lao" Meholati byu Adela jhao" byid: zho" pye'20 ra". – Sholu yao: zo: Mikhala wa Davi re jhid' de; na: ra". Ai: akhyo Sholu re zhao:21 kyo: ko" re yao: gyo" ngaui: na: ra". – Ai ru: mung: Sholu wa nga" zo: jhao" Davi re mhai" yu nhao mung: Philisti byu qe: lo, khyo vhao" ke' nae" tau: byid: zho: nae" ga: tau" yaung: ra".22 Sholu wa yao" sin: zo: laka qe re Davi re ceru: ein: dao: so' so' ge, , jhaung zug' nao re o: ra". Yao" sin: zo: laka qe bin sho' bam re: nao re jhid' ako". Ai ru: mung: jhaung zug: nho: zo mo, boe" wa, ein: ta" ge, ga:23 amyin" byid' to" ra". – Sholu daui mung sin: zo: laka qe re: Davi re ai ru: ga: mho: kyo" ako". Davi kam" wa ngo ru" yaug myo, nho mabo sho: jhin yaug wa jhaung zug' zomo, qo" boe" nae" ru wa xoe" xoe" za:24 ngaid ja: i"? ga: ta" ra". – Sholu daui mung mo, re: Davi ai ru: ga: ata" ra" ga: lo" ta" kyo: ko" ra". Sholu wa naonhaung" Davi re25 ceru: ein: dam: ta" ge, . – Jhaung zug: pho" yao" gyevo qe: dao nhag' jo, yo shao: ga: Philisti byu qe: nyaug phyid' aqid dayo lam: mae" lai yang: getau: vag maca" ga" ein: ta" ge, ga: ta" ke' ra". Ai ru: ga" ru wa Davi re Philisti byu qe: lo, mae shid shao: ga: Sholu26 myid yang: ta" ru ngaid: . – Sholu daui mung byu qe ai: dao: kheim: re Davi jhao" zhao: kyo: ko" au: Davi wa jhaung zug' zo mo, boe" nae" tau: myid: bau" na: ra". Ana"27 jho" dang: to" ba na majoe" shi: re , – Davi wa yao" byu qe we' to" ye: yang: Philisti byu shid' yo se' pye' mung: jhaung zug' zo mo, qo" boe" nae" tau: ai jham: anyaug shoqid yu: lo mung: jab sho' jhaung zug: pho" re lo: nghe' byid' ra". Sholu re: yao:28 zo: Mikhala byid: zho" ra". – Mo"so Davi we' daga" bobo: ra" akhyo re re: , yao: zo: Mikhala Davi re jhid' de; ra" akhyo re re:29 Sholu myao: ra". – Ai ru: mung: Sholu Davi re je: gyaug; ru we' yao: re manug:30 ra" myid khyao za: ke' to" ra". – Philisti zug: qe gye se' li" ako". Ai jham gye khain: thug' li" khao: ngo" Davi wa Sholu sin: zo: qe tho' juyi bo taung" lham: ngho' ke' ke' kaid' ru mung: yao" mang je: hau" nhao" lo: ako".