1 Ai ru: mung: Mo"so wa Sholu re Israel jhaung zug: aya: mae" ngo khyo" pye' va" Sholu mathao: yang nao kho myhao" joe" sho' nhag' kaug' na nae". Ni" am mae xau ke' pyang" yu wa, . Belehem byu Yese" jhao" Ngo nhao: ke' nae". Yao: zo: qe mae" dayaug nga" tau: mae jhaung zug: kaid' nae" Ngo jaung: to: va" ga: Samuela mho:2 ra". – Samuela wa ngo khoru: ba: ye: nae". Sholu the' gyo: lao" ngo re se' pye' zai ngaid: ga: ta" re Mo"so wa nung: jaung bae: dadau: she yang: Mo"so re xeim: ngaui" nae" tau: ye" ru ein: ta" wa, ga: mho: ra". –3 Yese" re re: xeim: to' poe mae khai wa, . Ai: tau nao khoru: zaui: so: nae" ru Ngo qhu" nae". Ngo mang dau: yao: thug' qhu" yaug re Nga" tau: mae xau gyain: byid:4 wa, ga: ta" ra". – Samuela re: Mo"so ta" ru we' dakhyo: kaid' yang: Belehem: vo ye joe" ra". Belehem: mae" kao qi: va" ade, qe wa yao: re gyaug; nin" ru" ru we' li" tug mung: ngaui lho" mau" zo" khyo" li" ru i"?5 ga: lham: myid' ako". – Yao: wa ngaui lho" khyo we' Mo"so re xeim: ngaui" nae" ein: li" ru ngaid: . Yao: yao" gaung shao kyang" pye' mung: ngo we' daga" xeim: to' ngaui" poe khyo li" geri: ga: mho: ra". Yese" we' yao: zo: qe re re: shao kyang" pye' byid: mung: xeim: ngaui" poe khyo khai: ra". –6 Ana" yao: bam zang" joe" li" gemung: Elaba re qu" yang: dang dang Mo"so: akhang" we' xau gyain: kham nae" yaug nga" qhid' kheim: mae na va" ga: zhao: kyo" re , –7 Mo"so wa yao" myo, khung: , yao" gaung khyao re daqu". Mo"so wa byu qe myao: ru: myao yaug mangaid: . Ngo yao: re makhae: yu. Byu wa adao: ave, re qu" ra". Mo"so kam" wa nhag' lam: kheim re qu" ra" ga:8 Samuela re mho: ra". – Ai: thao Yese" wa Abinadab re khai: yu yang: Samuela jhao" lhai: vhao" ke' ra". Samuela wa ce yaug re9 re: Mo"so mayu ngaid: ra" ga: ta" ra". – Ai mae" Yese" wa Shima re khai: yu yang: Samuela jhao" lhai: vhao" ke' ra". Ce yaug re re: Mo"so mayu ngaid: ra" ga: Samuela10 ta" ra". – Yese" wa yao: zo: qe nhaid' yaug re Samuela jhao" lhai: vhao" byid' ke' qere: Samuela wa ce bam re Mo"so mayu ngaid:11 ra" ga: ta" ra". – Ai mae" Samuela wa Yese" re ni" zo: qe ce gu: za: va" i"? ga: myid' re yao: wa ngai: thao" voma pho" na shi". Ai: yaug yao zaung" yang: na: ra" ga: ta" lao" Samuela wa yao: re yekhai nae" byu nhao: ke' wa, . Yao: majoe" joe" wa poe khyo mavao: zaung shi: nae" ga: Yese" re12 ta" ra". – Yekhai mo, khai: jhui" lo: ako". Yao: wa xae ne ne ngaid mung: qu" yaung" ru we' jhid' de, taung" ra" myo, nho bo: ra". Mo"so wa ce: yaug ngaid va". To" yang:13 xau gyain: byid: se, ga: mho: ra". – Samu- ela re: xau am re yu yang: yao: mao: bam: phaung gaung: mae xau gyain: byid' ra". Ai: ba mae" Mo"so: gyang" Solo Davi adao mae joe" gyo" na va". Samuela re: to" mung: Rama vomo" khyo lo" byaug: ra".14 Mo"so: gyang" lho" Solo wa Sholu mae" thug' byaug mung: Mo"so mae" makhyang" ra" byo vao: jaung" nhaung" khoe' byid'15 ra". – Sholu o: kaung daui mung mo, wa qu" ge, Mo"so mae" makhyang" ra" byo nao re nhaung" khoe' tam" kyo" kyo" kaid'16 na: ra". – Ai ru: mung: nao mae caung da" na: ngonhaung" khyo" myain yo za: tang: ba: be, su dayaug qho nae" akhang" byid: la, . Mo"so mae" makhyang" ra" byo li" lao" yao: wa tang: be; myhang" kyo: lao" nao myain yo: lo" nae" ga: ta" zhao: kyo"17 ako". – Sholu wa myain yo za: ba: be; ra" yaug re nga" tau: qho yang: ngo jhao" khai: lo geri: ga: yao" sin: zo: laka qe re mho:18 ra". – Alao" daui daui su dayaug ta" ra" , Belehem vobyu Yese" yao: zo: dayaug re ngo lhaung" myao: qu". Yao: wa tang: ba: be; ru we' khye' kung: ra" bun bo mung: gye khe' boe" yaug , mung dao: juyi bo yang: dau nyang yaung" lho" za" ru ngaid: . Mo"so re: yao: we' daga" ngaid: ga: ta" kyo"19 ra". – Ai ru: mung: Sholu wa Yese" jhao" byu nhao: ke' mung: yao zaung" ra" ni" zo: Davi re ngo jhao" nhao byid: ca" nae"20 ga: amyin" byid' ke' ra". – Yese" re: myao: do: mae cinmain" vhin yang: , sabyi' am we' caid' nau" yu mung: yao: zo: Davi lo,21 mae Sholu jhao" nhao: ke' ra". –Davi re: Sholu jhao" joe" mung: yao" qhid' kheim: ye; jo: ra". Sholu wa yao: re gyai jhid' de, yang: yao" shae lhae vin su aya: lham: byid'22 ra". – Sholu re: Yese" na: khyo byu nhao: ke' yang: Davi re ngo qu" dau ngaui va" ru mung: ngo mae bona shao: ga: mho'23 ke' ra". – Mo"so mae" makhyang" ra" byo Sholu adao mae joe" gyo" lao" Davi wa tang: re yu yang: be; myhang" kyo: kyo: kaid' mung: ai: makhyang" ra" byo Sholu mae" thug' lo" yang: dam: zhao: yao: lo: ru we' myain yo: lo" lo" boe" ra".