1 Philisti byu qe gye se' nae" ga: gye thaui: mo" jhui" poe yang: Yuda mang: Sokho tau zang" qham yang: Sokho we' Azeka gyo: mae" Ephe damin: jo, qo mae gyetab2 kaid' na: ako". – Sholu we' Israel byu qe re: zang" qham mung: Ela lao: geim: mae gyetab kaid' mung: Philisti byu qe re gye3 se' nae" phin" na: bam: ako". – Philisti byu qe dashaid' mae" bug mae , Israel byu qe dashaid' mae" bug gaung mae ye; na bam: ako". Yao: bam: gyo: mae lao: khaung: kyo:4 ra". – Philisti tab mae" khyaug' daung" dathu myhao: ra" Gata vobyu Golied mang:5 ra" sulhe: thug' lo: ra". – Ai: yaug wa gyid: maug lang" qi: au: mae zhaung" ci mung: ngo" xe khug' kho: yang: kaid' to" ra" gyid:6 bau: re re: ve; ci: ra". – Gyid: lo, thang: ve, mung: lo, sin mae re: gyid: shae vin:7 ci: ra". – Yao" lhae qug: wa yao gyaung: qhi" qi" ra". Lhae vho' wa jo, to' khyaug' joe: la" ra". Yao" qhid' kheim: mae lhae8 ci byid: su bosu" ra". – Ai: sulhe: pho" li" ye, yang: Israel gyetab mo" re naonhaung" pe" mung: gye khe' nae" ein: seim" na ko". Ngo wa Philisti byu naonhaung" wa Sholu jeim qe ngaid ko" mangaid: i"?. Byu dayaug khyin: thug' yang: ngo we' jho" se'9 gelang: . – Yao: ngo re qo" se' aung lao" ngonhaung" naonhaung" jhao" jeim doe, nae". Ai ru: mangaid: lo: ai: yaug re ngo qo" se' aung: pye' lao" naonhaung" lam: ngon- haung" jhao" jeim doe, mung: mau" kaid'10 ca" genae" ga: zag: hug' ke' ra". – Xo' yang: Philisti byu wa ngo ana" ba Israel gye mo" thaui: re ngo phin" kyid' na: . Jho" qhao" qu" nae" tau: byu dayaug nhao: ke' ge, ga:11 ta" ra". – Philisti byu ta" ra" dao: kheim: re Sholu we' Israel mo, byu qe the' gyo: gelao" yao: bam: nhag' lam: thao" byaug yang: gyaug: na: bam: ako".12 Yuda mang: , Belehem vomo" , Ephared' vobyu ngaid: ra" Davi yao: pho" Yese" wa yao: zo: she' yaug qo" ra". Sholu bang: mae yao: wa kao qi: va" mao: zo:13 ngaid: byaug va". – Yese" yao: zo: qe mae" je: qi: va" sam yaug wa gye mau" vin mung: Sholu thao bocao ko" ra". Yao: bam: mang jham wa mao: mo" Elaba , mao: le; Abinad-14 ab we' mao: khin Shima qe ngaid: . – Davi wa ngai: thao" yaug ngaid: . Yao: mao:15 sam yaug Sholu thao bocao" ako". – Davi kam" wa Belehem: mae yao: pho" yao re: zaung" , Sholu thao re: cao" mung: kaid'16 na: ra". – Ai: Philisti byu wa ba na byid xe lam: lam: ne, kao myi" thao li" thug' na: qhu" qhu" kaid' ra".17 Ai: au: Yese" wa yao: zo: Davi re khai mung: ni" mao: qe tau: ce: cin paug' dabye: , cinmain" khai" daxe yu yang: gye qe, khug mae na: ra" ni" mao: bam jhao"18 ye: wa, . – Ce: nung: nug' gang" daxe khai" re re: ci mung: gye zug: jhaung re byid: wa, . Ni" mao: bam qao" na: ru , maqao" ru ye: qu" mung: sagso: da ja: ja: yu: lo ri:19 ga: pin: ke' ra". – Ai: ayo, Sholu we' Davi yao: mao: , Israel qe wa Ela lao: geim: mae20 Philisti byu qe re gye khe' na: ako". – Davi ne, seim no' re" to" yang: yao jham re yao zaung" yaug; lo, mae qhaug' co' mung: yao: pho" Yese" mho: ru we' dakhyo: zo: nam vin yang: ye" lo" ra". Gye thaui: mo" gye se' nae" seim" jin" na zo" to" lo" nae" kaid' na ko" re gyetab mae" zao: kho lhin" jham jo;21 ra" mae joe" ye" ra". – Ai: re" khyo: Israel gye thaui: we' Philisti gyetab jham myo, khung: jho" qang gye khe' nae" seim" yhai:22 na ko" ra". – Davi wa yao: vin: ra" zo: nam re zai zam: yaug: lo, mae byid: co' mung: gye thaui: mo" khyo tao" vao ye: yang: yao:23 mao: bam re ye au" ra". – Yao: bam we' jho" jhau: na: au: Philisti byu qe: sulhe: mo" Gata vobyu Golied mang yaug Philisti gyetab mae" thug' li" mung: geau: lhaung" ta" ru: li" kyid' hug' na: ra" thoe Davi the' gyo" ra".24 Israel byu qe ai: yaug re myao lao" gyai25 gyaug; ru we' phao: ako". – Da myo" wa ai: yaug thug' lo: ru re myao: i"?. Israel amyu" re zag: kyid' zo" mae" thug' lo va". Yao: re qo" se' ra" yaug re jhaung zug: wa jo, nho" aqi: we' nga: yhe' mung: yao: zo: myiqe: byid: zho: nae" ga". Ai: yaug; yham khaung re re: Israel mang: din" khug mang: mau" zaui" ru mae" lhoe' byid: nae" ga" ga:26 ta" ako". – Davi re: ai: Philisti byu re se' pye' yang: Israel amyu" qhug' phau" ru qo" yu: pye' yaug pe" qo" yu zai ga" o". Pyaid da du gang" tang: na: Mo"so: mo, mo" thaui: jham re zhaug' kyid' nae" akhyo , nyaug maphyid' ra" ai: Philisti byu wa pe" ru" yaug ngaid: i" ga: yao" ayae mae na: ra"27 mo, re myid' ra"?. – Yao: bam wa ai: yaug re qo" se' pye' ra" yaug wa ai: ru qo" zai ngaid: ga" ga: sao qhid' mho: khyo: ta" kyo: ko" ra".28 Ai jham we' jho" jhau: na: ru mao: mo" Eliaba the' gyo: lao" Davi re nhag' yo: mung: nao pe" mung: ce khyo li" ru. Ai: mathae thao za" yao jham seyo mae khoy- aug; lo, tau qhaug' co' ru. Ni" nhag' lam: qi" ru we' makhyang" ru re ngo ba: na: ra". Gye poe qu" nae" ga: yang: za: li" ru angaid:29 ga: qeim: ke' ra". – Davi wa ngo pe" mau" kaid' shaid' va". Are ta" nae" khyo majo, i"30 ga: ta" mung: phaug' tau: yang: , – Getau: byu qe jhao" myo, khung: lhang yang: sao qhid' mae" ru: dam: myid' ra". Su re: sao qhid' mae" ru: dam: ta" mung: phaug' jhau: ako".31 Ana" are" khyo: ta" ra" Davi dao: kheim: su the' gyo: gelao" Sholu jhao"32 zhao: kyo" ako". – Alao" Davi re khai: yu: ra". Davi kam" wa ai: byu: mathao: yang khag' re: nhag' lam: dathao" ge, . Ni" jeim ngo ye: mung: ai: Philisti byu re se' nae" ga:33 Sholu re ta" ra". – Sholu wa nao ai: Philisti byu re maye: qo" se'. Nao zoshao ngaid shi". Yao: wa ngai shi: mae" gye mau" vin34 va" ga: Davi re ta" ra". – Davi wa ni" jeim nga" pho" yao jham zaung" na: au: lo: tin: , vae li" mung: yao zhain mae" yao nau"35 dao: she: lo" re , – ngo cao" khe' se' yang: yao nau" re yao" nhaid' mae" qo" khyaid' yu: . Vae ngo re dam: tug' bin" lo: au: yao" amug' mae zaui" zag; ci mung: be; se' pye'36 va". – Ni" jeim ngo lo: tin: we' vae re qo" se' pye' va". Nyaug maphyid' ra" ai: Philisti byu re: daui: na: ra" Mo"so: mo, thaui: qe re zhaug' kyid' na: ru mung: ai: yaug re37 re: ai ru: qo" kaid' pye' nae" ngaid: . – Lo: tin: we' vae: lo, mae" ngo re khyaid' yu: ra" Mo"so wa ai Philisti byu: lo, mae" re: khyaid' yu: li" nae" ga: Sholu re ta" ra". Sholu wa ye: wa, . Mo"so nao we' daga" na: na veshao: wo" ga: Davi re mho: ra". –38 Sholu re: Davi re yao" bau: vhe' byid: yang: yao" au: mae gyid: maug lang" zhaung: byid: mung: jo, to' bau: qhang re re: ve,39 nhao: ra". – Davi re: bau: qhang dao mae shae byao vin yang: su" qu" re mave; qu" ru mung: ma-aung ngaid: ra". Ai ru: mung: Davi wa ai: gye bau: ve, yang: ngo maqo" ye: . Te' dai" mamung ngaid: ra" ga: Sholu40 re ta" yang: khyaid' pye' ra". – Yao" zaung: bao" ci mung: lao: khaung: mae" laug zo: jhaid' jhaid' za" ru ngo" ce' gaug: yu mung: yao: ci: ra" yao zaung" thaung a: mae ke' ci yang: lo, mae laug lhaui: ci zo" Philisti byu na: khyo te' ye" lo" ra".41 Philisti byu re: Davi jhao" qui" te' li" mung: yao" go , lhae ci yaug re: yao" qhid'42 au: mae bosu" li" ra". – Philisti byu wa Davi re myao lao" pe" shui manho maphug' ngaid: ra". Pe" mung: ga" re Davi lam: gaung ngai shi" ru we' myo, khung: ne , yaung"43 dau qae: mung: ngaid: . – Philisti byu wa nao zaung: bao" ci yang: ngo jhao" li" lo: ru wa ngo lakha: ngaid: i"? ga: myid: zo" yao"44 Mo"so: mang yu yang: nhang" ra". – Philis- ti byu wa li" lo ri: ni" sho: re dao" qin" ngho' jham we' gug' nyhug' zoqhid jham re ngo45 byid' pye' nae" ga: Davi re ta" ra". – Davi khyo" re: nao wa shae , lhae , go khao: we' ngo jhao" li" ra". Ngo wa nao jung" khyoe' pye' ra" Israel gye mo" thaui" AsAng apyaid ato: Mo"so: mang kheim: khyo" nao jhao"46 li" ru ngaid: . – Mo"so wa nao re nga" lo, mae ana" ba qhaug' byid: va" mathao: mae nao re ngo se' pye' mung: lang zang: phyid' nae". Philisti gye mo" thaui: qe: mao gaung re dao" lhau: ngho' we' seyo na: zo qhid jham jhao" ana" ba ngo byid: zho" pye' nae". Israel qe mae Mo"so na: ra" akhyo myid gaung byu alhab' bam: qo" the' ba:47 lo" genae". – Mo"so wa shae lhae: yang za: qo" khyaid' yu: ra" yaug mangaid' ra" akhyo ce: mo, byu qe qo" ba: li" genae". Pe" mung: ga" re Mo"so wa gye mau" re sang: ru mung: naonhaung" re ngonhaung" lo, khug qhaug' pye' li" nae" ga: Philisti byu48 re ta" ra". – Philisti byu to" li" mung: Davi we' jho" qhug' nae" tau: thug' lo: ra". Davi re: Philisti byu we' jho" khaid' nae" tau: gye mo" thaui: khyo mye, za: tao" vao ye:49 mung: , – yao" thaung a: mae" laug baui nau" dace' phoe' yu mung: lhaui: yang: pye' vhang" ke' re Philisti byu nga: lao: mae te' za: zao" byid' ra". Ai mung: yao: myid gaung50 khyo gam" nghoe" gyo" lo" ra". – Ai: khyo: Davi wa laug lhaui: we' laug je, dalam" yang lhaui" zao" aung: yu yang: se' pye'51 ra". – Davi mae shae mabo. Tao" ye: yang: Philisti byu re zab: zag: ci zo" yao" shae re shae byao mae" she: thug' mung: lang zang: phyid' yang: se' pin" pye' ra". Philisti byu qe wa yao: bam: sulhe: pho" shid va" ru myao52 geyang: tao" phao: byaug; ako". – Alao" Israel amyu" , Yuda amyu" qe bau" jhu" li" mung: zag: hug' yang: Philisti byu jham re Gaid' we' Ejhung: vo kham: joe" sho' cao" khe' ko" ra". Dae de' ra" Philisti byu qe wa Gaid' we' Ejhung: joe" sho' mae shid: lang"53 bam: ako". – Israel byu qe kam" wa Philisti byu qe re cao" khe' ra" mae" dam: lo mung: ai bam: gyetab mae" zai jham re sham" yu:54 ako". – Davi kam" wa Philisti byu: au: lam: yu yang: Yerusalem: vogaung: khyo yu: lo: ra". Ai: yaug; gye bau: zai jham re kam" wa yao" zaung mae to" to" ra".55 Davi Philisti byu re se' nae" te' ye" lo" ru re Sholu myao lao" ai: zolau: zo: wa khag' yao: zo: ngaid: ga: zug: jhaung Abana: re myid' ra". Abana: re: jhaung zug: we" nao daui: na: we' dakhyo: ngo maba56 ga: mho: ra". – Jhaung zug: wa ai: zolau: zo: khag' yao: zo: gai: ngaid: myid' qu" wa, ga: mho: ra".57 Davi wa Philisti byu re bin: se' thao au: lam: phyid' ci yang: dam: lo: ra" au: Abana: khai: yu mung: Sholu jhao" jhui" lo"58 ra". –Sholu wa zolau: zo: we" nao khoy- aug; yao: zo: ngaid: ga: myid' ra". Davi wa ngo wa ni" jeim Belehem vobyu Yese" yao: zo: ngaid: wo" ga: zhao: kyo" ra".