1 Samuela wa Sholu re Mo"so: byumyu" Israel re zug: gam nae" tau: nao re xau gyain: byid: wa, ga: Mo"so ngo re nhao va". Ai ru: mung: ana" Mo"so ta" ra" dao: gyo:2 wa, . – Pyaid da du: AsAng Mo"so ceru: ga: mho: ra". Egutu mae" thug' lo: ra" Israel amyu" re Amaled' byu qe lhaung" tam"3 khoe' ko" mau" Ngo xam: shi". – Ana" ai: amyu" re ye se' wa, . O: byid: ra" khyo mabo lo: jhaid' za: phyo' pye' mung: yaug gai zo: , myiqe: zo: , zoshao , nug' nau" , yao , nung: , ma dae myao: , myao: jham re se' khyo" wa, ga: mho: ra".4 Sholu re: byu jhui" khai: qham mung: Telim jo, qo mae japhin: yu: qu" re khyid su: gye shid' tid , Yuda gyezo: datug bo:5 ra". – Ai mae" Sholu wa Amaled' vo khyo gye khe' do, lo" mung: lao: gyu" mae vho'6 na: bam: ako". – Keni byu qe jhao" logyo: nhao: ke' mung: naonhaung" re Amaled' byu qe we' daga" ngo mazao" se' thao" pye' shao: yao: bam mae" thug' yang: getau byaung" na ge, . Israel mo, byu qe Egutu mae" thug' lo ko" au: naonhaung" jeju lham: kaid' veko" ga: pyang: ke' ra". Keni byu qe re: Amaled' byu qe: akhug mae"7 thug' lo" byaug: ako". – Sholu wa Amaled' byu qe re Havila mae" re Egutu mang: tau" te' mae" Shura vomo" joe" sho' cao"8 khe' se' ra". – Amaled' jhaung zug: Agag re adaui qhug' taung" ako". Yao" byu qe re kam" wa shae: yang jhaid' za: se' tam"9 pye' ko" ra". – Ai qe re: Sholu we' yao" byu qe wa Agag jhaung zug: we' daga" je: lho" ra" yao , nung: , xau: yaung" ra" yao nau" gai: ra" zai kug jham re o: byid yang: mase' tam" pye' ko". Yhung: magai lo" maboe" madoe; ra" jham re za: jhaid' jhaid' phyo' jheim" tam" pye' ko" ra".10 Mo"so: dao: Samuela jhao" joe" li" mung: Ngo Sholu re jhaung zug' aya: mae nha: to" ru nhag' lam: atha" gyai qo" va". –11 Yao: wa Nga" khang" dao: re macao". Nga" thao made, . Khyo nghung" ava" ga: mho: ra". Samuela wa nhag' ngai mung: damyi khyeim Mo"so jhao" hug' yao mho' na:12 ra". – Thao: ne, ne, seim no' re" to" mung: Sholu re tug nae" tau: ye" lo" ra". Sholu wa Karamela vo mae joe" lo mung: aung lho" khyi zang tau: yhe' to: yang: Giligala khyo lai: lo" va" akhyo the' gyo: mung: Sholu na:13 khyo cao" ye" ra". – Sholu wa Mo"so nao re min gam byid: veshao: ga: Samuela re lham: tug; ra". Ngo Mo"so: amyin" dao: we' dakhyo: zaui: so: va" ga: mho: ra". –14 Are yao myang thoe a the' gyo: . Nung: myang thoe re: a thug' lo: pe" ru: ngaid:15 ga: myid' ra". – Sholu wa Amaled' mang: mae" yu: lo: ru ngaid: . Byu qe wa ni" AsAng apyaid ato: Mo"so re xeim: ngaui" byid: nae" tau: ga: gai: thao" ra" yao , nung: jham re o: byid yang: yu: lo: . Getau: gu: alhab' re kam" wa jhaid' za: se' tam" pye' va" ga: ta"16 ra". – Samuela wa thang shi: wa, . Amyi ta" ra" Mo"so: dao: zhao: kyo: nae" ga: Sholu re ta" ra". Sholu re: ta" ri: ga: mho: ra".17 Alao" Samuela wa nao wa ni" gaung re ngai shi" ga: myid: na: azo" mae Israel mo, byu qe: au: nao boe" va" mangaid: i"?. Mo"so wa nao re Israel amyu" qe: dao mae jhaung zug: kaid' nae" xau gyain: byid'18 ava". – Xo' yang: Mo"so wa ye: wa, . Qobo qi" ra" Amaled' amyu" re jhaid' za: phyo' mhain" pye' wa, . Yao: bam magain: jeim" lo" lo" wa khyao za: gye kaid' na wa, ga:19 nhao: ke' ru angaid: re – Nao Mo"so: dao: matae" gyo" ru va: gyevo qe: jo, nho" re lhaid' yu mung: Mo"so: qhid' kheim: mae ce: magai: qobo mau" zao" kaid' ru wa pe"20 mung: ngaid: ga: ta" ra". – Sholu wa ngo Mo"so: amyin" dao: re dang dang tae" gyo: va". Mo"so nhao: ra" khyo: ngo cao" va". Amaled' jhaung zug: Agag re jhui" lo mung: Amaled' byu jham re jhaid' za: se' tam" pye'21 va". – Ai qere: byu qe wa Giligala mae ni" AsAng Mo"so jhao" xeim: ngaui" nae" tau: jhaid' za: se' pye' ca" ra" gai: thao" yao , nung: jham re kam" wa the' yu: lo: bam:22 va" ga: dam: ta" ra". – Alao" Samuela wa Mo"so wa yao" dao: tae" gyo" ru re o ngaui: ru: phaid' ngaui" xeim: we' xeim: dau: aja: ja: re o ngaui: ru ngaid: i"?. Qu" wa, tae" gyo" ru wa xeim: dau: tho' je: phug' ra". Ta" ru zaui" kyab' ru wa yao lo: xau kug' tho'23 je: phug' ra". – Ngag: ra" nhag' lam: wa yui pa pa zo" qin" ru: , ngaid beim" ru wa pyag' sham" ra" vha" mau" kaid' ru: qobo gyai qi" ra". Nao Mo"so: dao: lhaui" pye' va" ru mung: Mo"so re: nao re jhaung zug: aya: mae" khyo" pye' ava" ga: mho: ra".24 Alao" Sholu wa ngo shaid' va". Byu qe re gyaug yang: yao: bam: dao: tae" gyo" ra" mathao: yang Mo"so: amyin" dao: re re: , ni" dao: kheim: re re: shaid' lhoe" pye'25 va". – Nga" qobo re zang: kham byid: shi: la, . Mo"so re ngo qo" caung da" nae" tau:26 ngo we' daga" lo" lang: ga: ta" ra". – Samu- ela kam" wa ngo nao we' daga" malo" nae". Nao Mo"so: amyin" dao: re ha: lhaui" pye' ru mung: Mo"so re: nao re Israel jhaung zug: mae" she: lhaui" pye' ava" ga: Sholu re27 ta" ra". – Bin: ta" yang: lhang: lo" re Sholu wa Samuela bau: thao cao" lao: mung: ai:28 bau: mo" jaid: byaug: ra". – Samuela wa ana" ba Mo"so Israel mang: din" re nao mae" lao" caid' yu mung: nao tho' gai: ra" ni" yham kyo: cao: re byid' pye' ava".29 Ai: tho' mago" Israel ham" hung: qam: so' wa mhug' ru , nhag' lam: atha" qo" ga" ru majo, . Nhag' lam: atha" qo" nae" ra" byu30 mangaid: ga: ta" ra". – Xo' yang: Sholu wa ngo shaid' va". Ai qere: nga" amyu" lau: de, qe we' Israel qhid' kheim: mae nga" mang hau: re daphyo' pye' byid: . Ngo ni" AsAng apyaid ato: Mo"so re qo" caung da" na nae" tau: ngo we' daga" lo" lang: ga: mho' yao:31 ra". – Alao" Samuela wa Sholu we' daga" lo" mung: Sholu Mo"so re caung da" ra". –32 Samuela wa Amaled' jhaung zug: Agag' re ngo jhao" jhui" lo geri: ga: mho: ra". Agag' wa ngo mae shid qhug' gyaug pho: baui" byaug va" ga: ngaui bau: ngaui yao yao:33 jhao" li" lo: ra". – Samuela kam" wa ni" shae: yang zoshao: yao: myhi" jham yao: zo: qe zai" seim: pye' ru: ni" myhi" re: yao: zo: zai" seim: pye' ru qhug' zai va" ga: ta" yang: Giligala jo, qo Mo"so: qhid' kheim: Agag' re a tam" tam" se' tam" pye' ra". –34 Ai: thao Samuela wa Yama khyo lo" mung: Sholu re: yao: na: ra" Giba vomo" yao" yham lo" byaug; ra".35 Sholu shid: ra" ba joe" sho' Samuela yao: re maye: qhug' lo: . Ai qere: Samuela wa Sholu adao mae nhag' myid: ngai: na: ra". Mo"so re: Sholu re Israel jhaung zug: aya: mae nha: to" ru nhag' lam: atha" qo" ra".