1 Daba: ba na re Sholu yao: zo: Yona- tain: wa yao: pho" jhao" akhang" mamho' lo: yao" kao lhaug' su re khai: jhui: mung: thoe te' mae na: ra" Philisti gyetab khyo ye:2 lang: ga: ta" ra". – Sholu wa Giba vo thao , Migron vo , Rammon laug khyaung nhae mae na: na: ra". Yao: mae byu khyaug' yo3 kho bo: ra". – Kuyhoe" qhang ve, yang: Shilo mae Mo"so: khin jaung kaid' ra" Eli we' Phinahaid mae" gyo" lo: ra" Ikhabug yao: mao: Ahitub yao: zo: Ahiya re: bobo: ra". Yonatain: ye" ra" akhyo byu qe maba4 ko". – Yonatain: wa Philisti khyo vao nae" khyo le; lo, vai: lo, yo shaid' mae laug ceim jo; ra". Laug ceim dalam: wa Bozed ,5 dalam: wa Sened ga: mang: ra". – Dalam: wa qid meim shaid' Migmaid khyo qang mung: dalam: kam" wa qid bang: shaid' Giba: vomo" khyo myo, nho qang: ra".6 Yonatain: wa nyaug maphyid' ra" ai: gyetab khyo ye: gelang: . Mo"so wa ngo tao re bao" re bao" nae". Mo"so: khyaid' yu: ra" akhyo wa byu myo" ru , nang" ru mae cao" ru mangaid: ga: kao lhaug' yaug7 re ta" ra". – Ai: kao lhaug' su wa nao myid: yaung: khyo: kaid' wa, . Ye: lang: , nao o:8 khyo: ngo re: bocao nae" ga: ta" ra". – Ai ru: mung: Yonatain: wa gai ngo tao thoe9 te' mae" mo, re yena: qhu" lang: , – yao: bam lham: na gelang: ga: gelao" wa ngotao10 maye: lo: lham: na lang: . – Ai ru: mangaid: li" geri: ga: lao" ngo tao ye: lang: . Mo"so: yang ngo tao: lo, mae yao: bam re qhaug' byid: nae". Alho wa ai ru: ngaid nae" ga:11 jho" ta" mung: , – yao: tao Philisti gyetab khyo ye thug' qhu" ko" re Philisti byu qe wa Hebre byu qe yao: bam vho' na ko" jao: mae" thug' vegenhaung ga: ta" ako". –12 Ai: byu qe wa li" geri: daja: qhu" nae" ga: Yonatain: we' yao" kao zaung" su re ta" ra". Alao" Yonatain: wa nga" thao cao" wa, . Mo"so: yang yao: bam re Israel qe: lo, mae qhaug' byid' ava" ga: yao" kao zaung" su re13 ta" ra". – Yonatain: yoe" do, lo" mung: yao" kao zaung" su re: bocao: ra". Yonatain: qhid' kheim: mae Philisti byu qe shid; gain: lo" mung: kao zaung" su re: yao" asang: thao14 mae bocao" se' gyo" lo" ra". – Yonatain: we' yao" kao zaung" su sao qhid' lhang se' vao lo" re qo" aung: gu: nung: dakab; yang daba qo" phaug' ra" myid gaung gu: mae15 byu shid' xe kho shid: byaug; ra". – Gyezo: jham , yo thaung: kaid' mo, , getau: byu qe wa gyaug: nin" na: bam: ako". Lhaug' na: gye zo: qe we' cang tau: qe re: gyaug; na: bam ko" ra". Myid nain" lo: ru we' gyai gyaug; byaug: ako".16 Benyamin: mug: , Giba vo mae Sholu: gye qu" mo, qu" ke' ko" re qu" ge, Philisti byu mo, thaui: yeim: byaug mung: myi" sin" byaug ko" ru re the' myao ko" ra". –17 Alao" Sholu wa khoyaug thug' lo" ru qo" ba shao: ga: byu nghe' qu" ge, ga: yao: we' daga" na mo, re ta" ra". Nghe' qu" ko" au: Yonatain: we' yao" kao zaung" su mana: ru18 qo" ba: ako". – Ai: ayo, gu: re Mo"so: bain" wa Israel amyu" qe mae to" to" ru mung: Sholu wa Mo"so: bain" yu: lo geri: ga:19 Ahiya re ta" ra". – Sholu khin jaung pho" we' dao: jho" jhau: na: au: Philisti gyetab mae je: hug' yao thoe the' gyo" lo geyang: Sholu wa khin jaung pho" re ngaid shi:20 veshao: ga: mho: ra". – Ai mae" yao: we' yao" byu qe dayaug we' dayaug jho" poe: zhag' yu mung: gyevo qe khyo khe' ye" lo" ko" ra". Yao: bam joe" ye" ra" au: Philisti byu qe yao: cao: jho" se' mung: gyetab myi"21 sin" byaug va". – Lai: lo va" yo, Philisti byu qe: thao bode, mung: jo, qo khao: ngo" mae" ai: gyetab khyo vao lo" ko" Hebre byu qe re: Sholu we' Yonatain: thao bocao" ra" Israel qe: thao dam: bode; lo: ako". –22 Philisti byu qe phao va" ga" ru the' gyo: lao" Ephrim: bam mug: mae vho' na ko" Israel mo, byu qe re: Philisti byu qe re cao" khe'23 ko" ra". – Ai re" khyo: Mo"so: yang Israel qe re ai: ba re khyaid' yu mung: gye jho" se' ru Betavin lai sho' ngaid: byaug; ra".24 Ai: ba re Israel byu qe qug: khai: phau: ko" ra". Khoru: mung: ga" re Sholu wa ngo nga" gyevo qe mae nhag' shid sho' qo" qhao: nae" tau: ba magyam shi" re zo: nam zo" ra" yaug wa nhang: kheim: phau: veshao: ga: byu qe re jham bozao" tang" pye' va"25 ru mung: khag' re: pe" mazo: ko". – Byu qe seyo joe" yang: myid dang" kam" mae26 byo: yhid yethe' myao va". – Byo: yhid gyo" yug: na qo myao qere: jham tang" to" nhang: kheim: re gyaug geyang: khag' re:27 mathe' zo" tau" qu" ko". – Ai qere: yao: pho" yang byu qe re nhang: kheim: ke' to" dao: mathe' gyo" Yonatain: kam" wa yao: ci: ra" lhae: yang byo: kye' mae ye: geim: te' yu yang: yao" lo; yang: said' zo" ra". Ai mung: yao" myo, jid' je: bao: gyang"28 lo: ra". – Byu da yaug joe" li" mung: ni" pho" ana" ba zo: nam zo" ra" yaug nhang: kheim: phau: veshao: ga: qam: ke' yang: kheim: ke' to: va" ga: yao: re ta" kyo" ra". Byu qe re: myaung" pyaung" bam veko". –29 Yonatain: kam" wa nga" pho" mang: byu qe re nhaung" khoe' nhao: ava". Ce: byo: yhid mavai" zo: ngo the' zo: yang: nga" myo,30 gyang" li" va". – Byu qe ana" ba gyevo qe: zai myao mae" myao the' zo" ngaid: re wa khonho" gyang" akyu" bo nae" yha". Philisti qe re je: qo" khe' se' zai ngaid: .31 Ai: ba Philisti jham re Migmaid mae" Aivalon: joe" sho' cao" khe' se' ko" ra". Cao" khe' ra" mo, re: saung" myaung"32 byaug geyang: , – Gyevo qe: zai qo" lhaid' yu: ra" yao , nung: , nung: nau" jham re myid gaung mae se' lhang" to: mung: sa:33 we' daga" a jam: zo: ko" ra". – Ai re" khyo: byu qe sa: we' sho: jam: zo: veko" mathao Mo"so re shaid' pye' va" ga: Sholu re ta" kyo" ako". Sholu re: naonhaung" dao: so: phyo' qheim" pye' veko" ra". Laug zang34 qi: ngo jhao" lhang" qui" lo geri: . – Jo, qo khao: ngo" mae" byu qe re khag' re: yao: yaug yao" yao , nung: ce khyo she: lo mung: cetau se' zo: ge, . Sa: we' daga" a jam: zo: yang: Mo"so re dashaid' ge, ein: ta" ge, ga: mho: ra". Byu yaug nge, ai: myi yao: yao" nung: she: li" yang: ai: tau se'35 zo: ko"ra". – Sholu re: Mo"so: tau: phain re kaid' ra". Ai: phain wa Mo"so: tau: sao36 qhid' kaid' ra" phain ngaid: . – Dam: Sholu, wa myi" re ngonhaung" Philisti byu qe re cao" mung: dayaug lao" matang" lo: mug: bo" sho' cao" khe' se' gelang: ga: ta" ra". Byu qe wa nao ang: khyo: jhui" kaid' la, ga: khae: yu: ako". Khin jaung pho" kam" wa Mo"so jhao" shi" qui" te' ye: gelang:37 ga: mho: ra: . – Sholu wa Mo"so jhao" ngonhaung" Philisti byu qe jhao" cao" khe' nae" i"?. Yao: bam re Israel byu qe: lo, mae qhaug' va" i" ga: mho: ra". Ai qere: ai: ba re38 pe" ga: maphaug' tau: . – Alao" Sholu wa au: she ade, qe we" ana" khoyaug shaid' nghung: va" ru re ba se" nae" tau: te' lo:39 qu" geri: . – Israel re khyaid' yu: ra" Mo"so adaui: na: ru we' dakhyo: nga" zo: Yona- tain: ngaid qere: dang za: se' qhug' nae" ga: mho: re khag' re: madam: vae" phaug'40 jhau ko". – Dam: Sholu wa naonhaung" dathao , Yonatain: we' ngo pha: dathao ye; qu" ge, ga: mho: re byu qe wa nao o:41 khyo: kaid' se, ga: phaug' jhau: ako". – Ai ru: mung: Sholu wa dang: ra" khyo: tarha" pyam" la, ga: Israel AsAng Mo"so re mho' yao: au: Sholu we' Yonatain: jhao" ang: lo42 mung: byu geje wa qo" loe; ako". – Sholu wa ngo we' nga" zo: Yonatain: re pha" se: khyo" qu" ge, ga: yang: khyo" qu" re Yona-43 tain: jhao" ang: lo" ra". – Alao" Sholu wa Yonatain: wa ngo ci: ra" lhae fo' yang byo: yhid mavai" zo: yu zo" tau" qu" va". Ai: mathao: yang za: shid phau: zai angaid:44 ga: ta" ra". – Sholu kam" wa Yonatain: we" nao dang dang mashid; lo: na: ru ngaid: re Mo"so wa ai: tho' je: ngo mae kaid'45 shao: wo" ga: mho: ra". – Byu qe wa Israel amyu" qe mae ce qhi" khyaid' yu: ra" jeju kaid' va" ra" Yonatain: wa shid qhug' nae" i"?. Ai: khyo: maboe" shao: Mo"so adaui: na: we' dakhyo: yao" xae dakhe' re: myid mae magyo" shu shao: yao: ana" ba Mo"so we' daga" qam: ke' phin" ava" ga: mho: ra". Ai re" khyo: byu qe Yonatain: re shid nae"46 mae" lhoe' yu ko" ra". – Ai: thao Sholu Philisti byu qe jhao" macao" lo: . Philisti byu qe re: yao: bam: na jao: khyo dam: lo" byaug; ako".47 Ai re" khyo: Sholu wa Israel mang: din" ug: gam na: yo, avai: ayae: gye jham ein nae" ru Mo"ba' byu , Amon byu , Edom byu , Zoba jhaung zug: qe we' Philisti byu qe re gye khe' ye: mung: ye" ra" jo, qo48 alhab' re qo" khe' aung ko" ra". – Gye khe' mau" mae qam: phin: mung: Amaled' byu qe re re: qo" aung: pye' ru we' Israel amyu" re lhaid' aung zo" ra" mo; lo, mae" khyaid' yu: ra".49 Sholu yao: zo: yaug gai nau" jham wa Yonatain: , Ishui: , Makhishui ngaid: . Myiqe: zo: qe mae bai: mo" Meyaid , bai:50 le; Mikhala tao ngaid: . – Yao: myi: wa Ahima myiqe: zo: Ahinom: ngaid: . Gye sin: thu mo" zug: jhaung wa yao: gain51 Nera" yao: zo: Abana: ngaid: . – Sholu yao: pho" Kisha we' Abana: yao: pho" Nera wa52 Abyala yao: zo: tao ngaid: . – Sholu: bang: dabang" geim" Philisti byu qe we' gye mo" boe" na mung: qam: bo: ru we' vae" ra" byu qhug' mae" qhug' Sholu wa khai: khyin: nha: to" ra".