1 Sholu wa dazin je shid' zin kho Israel2 amyu" re ug; na thao , – Israel byu sam taung khyin: yu yang: yao: na: ra" Migmaid' we' Bethela' bam dao mae byu shid' taung Benyamin: mug: , Giba vomo" , Yonatain: jhao" dataung nha: to" ra". Getau: byu qe re wa yao: yao" yham khyo dam: phao3 nhao: ra". – Yonatain: wa Giba mae na: ra" Philisti gyetab re vao: zin" ra". Ai: akhyo Philisti byu qe the' gyo: ko" ra". Sholu re: Hebre byu qe the' gyo: geshao: ga: damang"4 geim" labo" maid nhao: ke' ra". – Sholu yang Philisti gyetab vao: phyo' ra" akhyo we' Philisti byu qe Israel qe re qu" gyid' ko" khyo Israel byu qe alhab' bam: the' gyo: ko" ra". Ai ru: mung: mang: byu qe Sholu jhao" Giligala mae li" qham phaung: ako".5 Philisti byu qe wa Israel byu qe re gye se' nae" tau: gye lhin" sam taung we' myao: khyaug' taung re re: , qid mang: dae mae" ma dae ru: myo" ra" byu jham re re: jhui" zhag' byaung" lo yang: Betavin: qhid' au: Migmaid' vomo" mae gyetab li" to" ako". –6 Israel byu qe qug: khai: phau: yang: gyai qug' qae" lo lao" mang: byu qe wa laug laug , yoqao" khug laug jhe' , bam phyo: , myid khung: ru" mae phao: vho' jao" qin"7 ako". – Hebre byu damyo" qe re: Yodain: qid gau" de, yang: Gaid' mang: Gilaid' khyo phao: lo" ko" ra". Sholu kam" wa Giligala jo, qo mae na: na shi" ru mung: byu qe yao" thao gyaug nin" ru we' bocao" qin" ko" ra".8 Samuela pin: to" we' dakhyo: Sholu wa nhaid' ba tab lao" na: ra". Ngaid qere: Samu- ela Giligala khyo mye, majoe" ru we' byu qe9 re: bin: phao: gain: lo" va". – Alao" Sholu re: phaid' ngaui" xeim: we' zam" khug xeim: yu: lo geri: ga: mho' yang: phaid'10 ngaui" xeim: ngaui" byid' ra". – Xeim: bin: ngaui" byid: thao za: Samuela joe" li" ra". Sholu wa min byid' ke' shao: ga: yao: re11 tug: yu nae" tau: ye" lo" ra". – Are Samu- ela wa nao pe" kaid' ra" ga: ta" re Sholu wa byu qe ngo mae" phao: lo" ru we' nao re ta" co' ra" ayo, ma joe" li" Philisti byu qe re: Migmaid' vo mae ceim" zang" qham ko"12 ru re myao yang: , – Philisti byu qe ngo na: Giligala khyo li" genae". Mo"so jhao" jeju min mathe' mho' shi" ru ein: ngo myid: beim: mung: ngo yao: ngo ngaid so: yang: phaid' ngaui" xeim: ngaui" pye' va" ga: ta"13 kyo" ra". – Samuela wa nao shaid' va". Ni" AsAng apyaid ato: Mo"so pin: to" ra" khang" dao: re matae" gyo: lo: nhaung. A cao" ngaid: re Mo"so: yang Israel qe: dao mae ni" kheim: so' khyao za: tang: jo, nhao nae". –14 Ana" kam" wa ni" kheim: so' tang lo: nae" mangaid: . Mo"so wa yao: nhag' dag: ra" byu re qho: na va". Nao wa Mo"so nao re pin: to" ra" dao: matae" gyo" ru mung: Mo"so wa ai: getau: byu re yao" byumyu" qe: zug: boe" shao: ga: khyin: to" ava".15 Ai mae" Samuela to" lo" yang: Giligala mae" re Benyamin mug: , Giba vomo" khyo lo" byaug: ra". Sholu re: yao: mae" byu qe re nghe' qu" re byu khyaug' yo kho ngaid:16 ra". – Yao: we' yao: zo: Yonatain: yao: pha" byu qe wa Benyamin: mug: , Giba mae na: bam ko" ra". Philisti byu qe kam" wa Migmaid vomo" mae gyetab zhaug' na:17 bam: ako". – Philisti gyetab mae" lhaid' zo" ra" gye phung: sam phung: thug' lo mung: dathaui: wa Shuala mang: Ophara18 khyo khyo" li" lo: ako". – Da mo, thaui: wa Behorung: khyo khyo" li" ako". Da mo, thaui: wa Zebain lhao: khaung: myo, khung: qang yang: mug: thai: gau: seyo khe' khyo khyo" li" ako".19 Philisti byu qe: yang Hebre byu qe re shae lhae dabe, ge, ga: ta" kyo" na geyang: Israel damang: din" geim" mae to' be, su20 dayaug re: mana ngaid: ra". – Israel byu alhab' bam: wa khum , khoe' mo" , vo: zaung: , ce' bao" jham re saui" tho' ci nae" tau: mae" lao" Philisti byu qe jhao" ye: ca"21 ko" ra". – Thao re ce' bao" , khoe' mo" , sam ko' mung: kyo' , vo: zaung: we' deim:22 jug' jham ngam" thao" lo" byaug; ra". – Ai ru: mung: gye se' ra" ba re Sholu we' Yona- tain: pha: mae" je yang: khag' jhao" re: shae23 lhae majo, . – Ana" Philisti gye zo: qe wa Migmaid' khyo dang mae thug' na: bam ko" ra".