1 Yeru-Bala yao: zo: Abimaled' wa Shek- him: khyo ye: mung: yaug myhi" yaug pho" jham , yao: myhi" ba nam qe jhao" bang" ye2 cao" se" zo" , – Yeru-Bala yao: zo: nhaid' xe geim" yang ug ru we' dayaug za: ug gam: ru kholam: je: gai: ra"?. Ngo wa naon- haung" sho: qug: sho: gyang" ngaid: ba se" to: ge, ga: ta" ra" ein: Shekhim: byu qe re hau" kyo: ge, wa, ga: yao" byu qe mho:3 ra". – Ai: dao: yao" yaug pho" jham wa Shekhim: byu qe re bin: ta" kyo: lao" yao: bam wa Abimaled' wa ngonhaung" mao: nhaung: ngaid: ga: ta" mung: yao" thao cao"4 nug: ra" nhag' lam: bai" to' lo yang: – ngaui nhaid' xe re Balaberid mae" yu mung: byid' ako". Abimaled' wa yain" qin" ra" byu qe re ai: ngaui: yang ngho: mung: mau" vin5 nhao: ra". – Ai mae yao: wa Ophara mae" yao: pho" yham khyo ye: mung: yao: mao: nhaung: qe ngaid: ra" Yeru-Bala zo: nhaid' xe re laug the: dalam: mae se' tam" pye' ra". Ai qere: Yeru-Bala zo: je: ngai yaug Yotain: wa vho' phao: byaug mung: dang:6 jo; ra". – Shekhim: vobyu alhab' bam we' Milo mae na: ra" mo, alhab' ceim" zang" qham yang: Shekhim: vo shiqae gae nhae mae" so: xam: zang aqao: tau Abimaled' re jhaung zug: aya: tang" ako".7 Ai: akhyo Yotain: the' gyo: lao" Gerizim bam khyo do, mung: bam dao mae" thoe mo" thaid' yang: zag: hug' ke' thoe wa– Shekhim: vobyu qe we" naonhaung" dao: AsAng Mo"so tae" gyo" yu nae" tau: nga"8 dao: re tae" gyo: ge, . – Sag' gae jham yao: bam re ug nae" tau: jhaung zug: khyin yang: aya: tang: nae" ga: ye" lo" ko" ra". Ai re yao: bam wa zhan:lun: gae re nao ngon-9 haung" re ug wa, ga: ta" ko" re – Zhan:lun: gae wa AsAng Mo"so re re: , byu qe re re: nga: bo nhao: ra" nga" xau thaung: re to" pye' mung: naonhaung" adao do, ug zai i"?10 ga: mho: ra". – Ai: thao pho' ham" gae re li" wa, ngonhaung" adao ug la, ga: ta" ko"11 re pho' ham" gae wa – ngo mae cug: ra" min we' lho" ra" ashi: re to: mung: sag' gae12 adao mae ug zai i"? ga: mho: ra". – Ai: thao sabyi' naui re li" ri: ngonhaung" adao mae13 ug gam la, ga: mho ko" re – sabyi' gae wa AsAng Mo"so: nhag' myid: we' byu: nhag' myid: re qo" yaug yo nhao: ra" sabyi' qang: re to: co' mung: sag' gae adao mae ug gam14 zai ngaid: i"? ga: ta" ke' ra". – Ai: mae" sag' gae alhab' bam: zau: gae re: li" ri: nao ngonhaung" adao mae ug la, ga: mho' ko"15 re – zau: gae wa naonhaung" ngo re naon- haung" jhaung zug: aya: tang: nug veko" re wa li" geri: nga" ba sham khug ge. Ai ru: mangaid: lao" zau: gae myi: thug' lo mung: Lebanon: xau gae nga" pye' nae" ga: sag'16 gae jham re mho: ra". – Ana" naonhaung" Abimaled' re jhaung zug: aya: tang" ru wa tarha" ra" khyo" cao" yang: Yeru-Bala we' yao" akaung re gai: ra" mau" kaid' ru we' yao: kaid' ra" jeju main: qi" ra" qae: dam:17 tug' ko" ngaid: re gai: ra". – Nga" pho" wa naonhaung" tau: gye khe' mung: yao" kao dain: pye' yang: naonhaung" jhao" Midian:18 lo, mae" khyaid' yu: to: va". – Naon- haung" wa nga" pho" amyu" re ana" ba tau: lhain: mung: yao: zo: nhaid' xe geim" re laug the: dalam: mae za: se' pye' yang: yao" naung cao myiqe" yao: zo: Abimaled' re naonhaung" mao: nhaung: ngaid: ga" khyo Shekhim: byu qe: adao jhaung zug:19 aya: tang" nhao to: vegenhaung i"? – Ana" kam" wa naonhaung" Yeru-Bala we' yao" akaung qe re dang main: ru we' dau de; ra" khyo: kaid' veko" ngaid: re wa Abimaled' mae ngaui bau" na ge, . Yao: re: naon-20 haung" mae ngaui bau" na veshao: . – Ai ru: mangaid: lao" Abimaled' khug mae" myi: thug' li" mung: Shekhim: vobyu we' Milo nhae qe re nga" veshao: . Shekhim: vobyu qe we' Milo akaung qe mae" thug' li" ra" myi: wa Abimaled' re nga" veshao:21 ga: zag: hug' ke' ra". – Bin: ta" we' mye, za: phao yang: yao: mao: Abimaled' re gyaug mung: Bera vo khyo ye: mung: ye na: ra".22 Abimaled wa Israel qe re ug gam mung:23 sam zin byang" ra" au: – AsAng Mo"so yang Abimaled' we' Shekhim: vobyu qe: gyo: magai: solo nhao: ke' mung: Shek- him: byu qe wa Abimaled' re anghang:24 ayao kaid' ako". – Pe" mung: ga" re Yeru- Bala yao: zo: nhaid' xe re se' pye' ra" qobo mathao: yang yao: bam re se' ra" yao: bam: mao: nhaung: Abimaled' adao mae re: , mao: nhaung: qe re se' ru mae bobo ko" ra" Shekhim: vobyu qe: adao mae re: joe" lo25 nae" tau: mae" ngaid: . – Shekhim: vobyu qe wa Abimaled' re jo" qu" nae" ga: byu qe re bam dao mae nha: to: mung: ai: bam wa gyaung: su: mo, jhao" lhaid' yu: ako". Ai: lau dao: re Abimaled' the' gyo" ra".26 Ebed yao: zo: Gala wa yao" mao: nhaung: qe we' daga" Shekhim: khyo vao li" mung: Shekhim: vobyu qe yao: re jang"27 ako". – Yao: bam wa yothaung: khyo ye: mung: sabyi' shi: phyo' yu , poe zo: yang: yao: bam: mo"so yham khyo ye: mung:28 Abimaled' re nhang" ako" – Ebed yao: zo: Gala re: ngonhaung" Abimaled' mau" zaui: nae" qhi" yao: khag' ngaid:? Shekhim: re: pe" ngaid: i"? Abimaled' wa Yeru-Bala yao: zo: mangaid: i"? Shekhim: yao: pho" Hamo byu qe: mau" re vin ge, . Abimaled' mau"29 re pe" ein: ba: vin vo, nae". – Ce: byu qe nga" lo, joe" vao vegeshao wo". Alao" ngo Abimaled' re va: pye' nae" ga: mho: ra". Abimaled' re re: ni" gye lhaung lhaug' yu yang: li" lo re: ga: mho: ra".30 Ebed yao: zo: Gala dao: kheim: vo zug: Zebula the' gyo: yang: nhag' gyo" yo: mung: Abimaled' jhao" logyo: khug' yho"31 nhao: ke' ra". – Ebed yao: zo: Gala wa yao" mao: nhaung: qe we' Shekhim: khyo li" lo mung: nao re tau: lhain nae" vo zang li"32 nyhang" ava". – Ai ru: mung: nao mae na: ra" byu qe we' daga" myi" re to" ye: mung:33 ye vho' na wa, . – Ne, seim no' ba thug' lo: ru we' to" mung: vomo" re khe' wa, . Gala we' yao: mae bocao" ra" byu qe nao re lham: khaid' nae" thug' lo gelao" ang: ra" khyo: kaid' ke' wa, ga: pyang: ke' ra". –34 Abimaled' wa yao: mae na: gu: alhab' bo yang: myi" re to" lo" mung: tab byid lam: lo" kho' yang: Shekhim: vo re yho" lhaug'35 qu" na: ako". – Ebed yao: zo: Gala thug' lo mung: vomo" kham: dung: mae li" ye, we' Abimaled' wa yao: mae bobo: lo mo, we' daga" nyham" vho' na: ra" mae" to"36 lo ko" ra". – Gala wa ai: byu qe re myao lao" bam dao mae" byu qe gyo" lo: ako" ga: Zebula re ta" ke' ra". Zebula wa bam aqab re byu ru: the' jho: ngaid: ga: dam:37 mho: ke' ra". – Xo' yang: Gala wa qu" wa, byu damyo" bug gaung mae" gyo" lo: ako". Damyo" wa Monenim gae seyo khyo" li"38 lo: ako" ga: ta" ke' ra". – Zebula wa ngon- haung" wa Abimaled' mau" vin qe ngaid nae" tau: Abimaled' wa khag' ngaid: ra" i" ga: mho: ra" ni" nhaid' ana" khai: to" pye' va". Thoe jham wa nao pe" shui manhao mho: pye' va" mo, mangaid: i"?. Ana" thug' ye: yang: yao: bam re lham: se' wa, ga: yao:39 re mho: ra". – Gala wa Shekhim: vobyu qe mae" thug' mung: Abimaled' re gye40 khaid' ra". – Abimaled' khe' aung yang: Gala phao: byaug: ra". Yao" byu myo: sho' re: vomo" kham: joe" sho' atha: athu boe" yang: shid: pye' veko".41 Abimaled' wa Aruma vo mae na mung: Zebula wa Gala we' yao: nhaung: bam re Shekhim: vo mae mana nae" tau:42 khe' thug' pye' ra". – Thao: ne, re vobyu qe vo taung gaung thug' su: nae" ga: akhyo43 Abimaled' the' gyo" ra". – Alao" yao: wa yao" byu qe re sam mo, kho' yang: seyo mae ye: vho' lham nhao: to" ra". Vobyu qe thug' su" lo ko" ru myao lao" to" li"44 mung: se' tam" pye' ako". – Abimaled' wa yao" byu damo, zhain we' vomo" kham: dung: tau lham: na: ako". Getau shid' mo, zhain wa seyo mae na: ra" byu qe jhao"45 cao" khe' se' ko" ra'. – Abimaled' re: daba: geim" vomo" re gye khe' aung: yu mung: vo khug mae" mo, re se' tam" pye' ra". Vo kham" re re: phyo' pye' mung: xo: sin" phyu" pye' ra".46 Ai: lau dao: Shekhim: gye byu gai" mae" mo, the' gyo: gelao" Bered' mo"so yham mae" gang" tang: qe, mae zang"47 qham laung" na: ako". – Shekhim: gye byu gai" mae" mo, qham: laung" na ko" akhyo48 Abimaled' re lau shid' ko" ra". – Alao" yao: wa yao" byu qe we' Zalamon bam khyo do, lo" mung: vozaung" yang sag' kaung xe" vo, yang: ngo kaid' ru: naonhaung" mye, za: kaid' ge, ga: bocao mo, re ta" ra". –49 Yao" byu qe re: yao: re yao: sag' akaung xe" vo, mung: Abimaled' thao bocao yang: ai gang" tang: ra" qe, lhang" kham" to: mung: ai re ngha" ke' ako". Shekhim: gye byu gai" mae" mo, we' daga" myiqe: yaug gai dataung shid: pye' ko" ra".50 Ai: thao Abimaled' wa Tebeza' vo re lhang" kham" to: mung: gye se' aung: yu51 ra". – Ai qere: vo khug mae gang" tang: ra" gye byu gai" dalam: jo, mung: vobyu yaug gai myiqe: qe wa ai: gye byu gai" khyo phao: vho' ako". Kham: re pyid' to: mung: gye byu gai" dao khyo" do, ko"52 ra". – Abimaled' wa ai gye byu gai" re ye khe' yang: ngha" pye' nae" ga: ye" lo"53 ra". – Ai: au: myiqe: dayaug laug lhang dakhyae" yang Abimaled' au: lam: dao mae pye' khyo" ke' mung: yao" au: gye;54 go; byaug: ra". – Yao: wa gye shae lhae ci: ra" gyezo: re mye, za: khai mung: myiqe" yang Abimaled' re se' pye' va" ga: ta" nae" khyo majo, veshao: ni" shae yang ngo re se' la, ga: ta" ru we' dakhyo: ai: gyezo: thug' se' yang: Abimaled' shid: byaug va". –55 Abimaled' shid va" akhyo Israel qe ba: lo" gelao" yao: yaug yao" na jao: khyo dam:56 lo" byaug: ako". – Ai re" khyo: Abimaled' wa yao" mao: nhaung: nhaid' xe re se' pye' yang: shaid' ra" qobo re AsAng Mo"so57 xe' byid' ava". – Shekhim: byu qe shaid' ra" qobo re re: yao: bam: au: dao AsAng Mo"so joe" gyo" nhao yang Yeribala yao: zo: Yotain: nhang" ra" dao: thoe khyo" yao: bam phau: zo" ako".