1 Ai ru: mung: Israel amyu" qe wa Gilaid' mang: byu qe we' daga" to" mung: Dain: vomo" mae" Berasheba joe" sho' mo, byu alhab' bam dagaung za: re" ru: Mizapa: tau AsAng Mo"so: jhao" zang" qham: ako". –2 Israel byumyu" bin sho' amyu" ade, qe wa AsAng Mo"so: mo, byu thaui: we' daga" li" lo: ako". Ai: mo, byu thaui: wa gye khe' sin:3 ci: ra" gyezo: byid tid ngaid: ako". – Israel amyu" qe Mizapa: khyo ye" ru Benyamin: boe: qe the' gyo: ko" ra". Ana" Israel byu qe ai: makhyang" ra" mau" khoru: boe" khyo ngonhaung" re ta" kyo: gela, ga: myid'4 ako". – Alao" shid: byaug va" myiqe" yham sang pho" Levi' byu wa ngo nga" myi: we' daga" lo" re Benyamin: mug: Giba vo mae5 lo: yab: ru , – Myi" re Giba vobyu qe li" mung: ngo lo: bang" ra" yham re li" lhang" kham" yang: ngo re se' pye' nae" ga: phin" lo: ako". Ai re" khyo: nga" myi: ngai shid6 sho' qho' phyo' se' pye' byid: ko". – Ai mung: nga" myi: ngai mao gaung ai re adau dau phyid' mung: Israel mang: dadae: geim" khyo min ju: gae: pyo: ke' ru ngaid: . Khoru: mung: ga" re Israel qe mae makhy- ang" ra" nhag' mabo: mau" yao: bam kaid'7 thug' ke' veko". – Qu" ge, Israel amyu" qe we" alhab' cao jab qham: qu" mung: , juyi ceim" khyug' qu" ge, ga: mho: ra".8 Alao" byu alhab' bam: wa dayaug za: re" ru: to" mung: ngonhaung" khag' re: yao: yao" zaung , yao: yao" yham khyo9 malo" lo: – Giba vo re khoru: kaid' nae" ein: re pha" se: khyo" mung: gye ye khe' yu10 gelang: . – Benyamin: Giba byu qe Israel qe mae kaid' ko" magai makhyang" mau" we' dakhyo: byu alhab' ai: khyo ye: yang: lage, qo" phaug' sho' ai bam re zao: kho yedai" nae" tau: Israel byu boe: khao: ngo" mae" byu dayo mae" daxe , dataung mae" dayo , datug mae" dataung re khyin: thug' gelang:11 ga: qham: ako". – Ai re" khyo: Israel amyu" alhab' qe wa dagaung za: re" khyo: ceim" zang" qham: na: ako".12 Israel mo, byu qe wa Benyamin: damang" geim" khyo byu nhao: ke' mung: naonhaung" kaid' thug' ko" ce makhyang"13 mau" wa khoru: nhe"?. – Ana" ai Giba vo mae" makhyang: kaid' ra" byu re ngon- haung" yu: se' pye' mung: Israel amyu" qe mae" qobo qo" khyaid' pye' sho' ai: byu qe re ngonhaung" lo, khug khyo byid: gela, ga: pyang: ke' ko" ra". Ai qere: Benyamin: boe: qe wa mao: nhaung: Israel qe: dao: kheim:14 re magyo: byid: lo: . – Yao: bam re gye lham: tug' kaid' nae" ga: vo khao: ngo" mae" thug' lo mung: Giba vo mae ceim" zang" qham:15 ako". – Ai: au: re Giba byu lau: gai sulhe nhaid' yo mae getau vogaung: mae" li" ra" Benyamin: amyu" byu qe alhab' wa shae lhae ci: ra" gyezo: shid' tug: khyaug' taung16 ngaid:. – Ai: byu qe alhab' mae lo, kaung lo, ba: yhung: yang: xae dakhe' lao" malai: sho' laug lhaui: ba: lhaui" ra" byu nhaid' yo bo:17 ra". – Benyamin: boe: mabo lo: shae lhae qo" ci: ra" Israel alhab' byid tid ngaid: ako".18 Israel mo, mo" byu qe to" lo" mung: Bethela' khyo do, lo" yang: AsAng Mo"so jhao" juyi mho' ko" ra". Benyamin: boe: re gye khe' nae" ngonhaung" mae" khoyaug shi" qhid' au: khyo ye: zai ngaid: ga: myid: ko" ra". Alao" AsAng Mo"so wa Yuda shi"19 qhid veshao: ga: ta" ra". – Israel amyu" qe ne, seim no' re" to" mung: Giba vogaung: qhid' kheim: mae gyetab zhaug' ko" ra". –20 Benyamin: boe: re gye khe' nae" ga: Israel qe qui" ye" lo"mung: Giba vomo" mae gye ye jho" khain: ako".21 Benyamin: boe: wa Giba vo mae" thug' yang: ai: ba Israel byu datug shid' taung re22 se' pye' ko" ra". – Ai qere: Israel amyu" qe wa vae" ra" myid vhin" yu mung: sao qhid' ba jho" khain: ra" tau gye dam: khain: na:23 ako". – AsAng Mo"so jhao" re: yao: bam ye: mung: myi" joe" sho' ngug zo" mae" ngon- haung" yao: nhaung: Benyamin: re gye khe' shi" zai i"? ga: AsAng Mo"so re myid' qu" ko" re AsAng Mo"so wa ye khe' ge, ga: mho:24 ke' ra". – Shid' ba ein: ba Israel amyu" qe Benyamin: boe: qe na: ra" khyo te' ye" lo"25 ko" re – Benyamin: boe: qe wa Giba vo mae" thug' yang: gye shae lhae ci: ra" Israel datug she' taung re se' pye' ko" ra".26 Ai ru: mung: Israel mo, byu qe alhab' bam: wa AsAng Mo"so: yham khyo ye: mung: ngug yang: AsAng Mo"so mae gam" goe, mung: myi" joe" sho' zo: shaug' zang" ru we' AsAng Mo"so: qhid' mae" phaid' ngaui" xeim:, zam" khug xeim: to' byid'27 ako". – Ai: ta re AsAng Mo"so: dao: thang" bain" mae jo; ru we' Arun: yao: myid: , Eliza yao: zo: , Phinahaid wa ai: bain" qhid' kheim: mae mau" vin vo; na mung: –28 Israel qe wa ngonhaung" yao: nhaung: Benyamin: re gye yedam: khaid' zai laug , makhaid' lo: to" pye' zai va" laug ga: AsAng Mo"so jhao" myid' qu" ko" ra". Do, lo" ge, . Ne, mo" ba wa yao: bam re naonhaung" lo, khug Ngo qhaug' byid: nae" ga: mho: ke'29 ra". – Israel amyu" qe wa Giba vo lhang" gam: gye khug' vho' nha: to: veko" ra".30 Sam ba ein: ba Benyamin: boe: qe na: ra" khyo to" lo" mung: sao qhid' mae" ru:31 Giba vo mae gye lo" khain: ako". – Benya- min: boe: re: yao: bam re gye lham: se' nae" tau: thug' lo ko" re vo we' va" lo" byaug: ra". Ai ru: mung: Bethela' khyo do, lo" ra" gau: we' Giba seyo ye" lo" ra" gau: khyo mae sao qhid' lhang ru: Israel gye jham re cao" khe' ko" ra" ru mung: byu sam xe kho32 qo" se' pye'ako". – Benyamin: nhae qe wa yao: bam gelhang ru: ngonhaung" re gye seim" veko" ga: jho ko" ra". Israel byu qe kam" wa phao byid: gelang: . Vogaung: we' va" lo" sho' mha" she: lo" gelang: ga: yao:33 cao: jho" ta" qham yang: , – Israel byu qe alhab' phao: qui: byid: mung: Bala-tama jo, qo mae gye lo" jho" khain: ako". Khug' vho' qu" na ko" ra" Israel byu jham re: Giba jao: dae mae" to" mung: Israel gye khe' sulhe:34 datug jham Giba vo lo" khe'ako". – Benya- min: byu qe wa yao: bam mae gye qug: khai: thug' lo nae" ru mathe' ba gemung:35 gyai ga: gye khe' na shi: ko" ra". – Ai: au: AsAng Mo"so wa Benyamin: byu qe re Israel byu qe: qhid' mae seim nhao yang: ai: ba re Israel byu qe: yang shae ci: ra" Benyamin: byu shid' tug; ngo" taung: dayo re qo" se' tam" pye' ko" ra".36 Benyamin: boe: wa yao: bam seim" ru re qo" myao: ba veko". Israel byu qe wa Giba vo yae mae jo" qu" nhao: to" gye jham re lam yang: sao qhid' dau wa yao: bam: qhid'37 mae zaid phao: ako". – Jo" qu" na: ra" gye mo, thaui: wa Giba vo khyo dalhang: dae tao" vao mung: ai: davo: geim" re shae: yang38 qo" nhau" se' pye' ko" ra". – Israel byu qe jo" qu" na: ra" gye jham re yao: bam qo" jho" ba nae" tau: vo khug mae" myi: khug' mo" ngha" hab' to' ke' nae" akhyo khug' so' to:39 veko". – Ai ru: mung: Israel byu qe gye se' lo" zo" zaid: phao: qui" lo" lao" Benyamin: byu qe wa dang dang yao: bam wa dalhang gye seim" ru: ngonhaung" qhid' mae seim" veko" ga: ta" yang: Israel byu qe re se' qhid:40 lo: ru byu sam xe kho se' pye' ko" ra". – Ai qere: myi: mo" de; nga" li" mung: vo khug mae" myi: khug' thaui: mo" khug' do, lo" ru Benyamin: byu qe lhang: qu" ke' yang: qu" ge, davo geim" myi: khug' to, ngaid mung:41 mug: khyo do; na: ra". – Israel byu qe gye tug' se' lo gelao" Benyamin: byu qe wa yao: bam mae qug: khai: phau va" ga: mug' hao" yang: Israel byu qe: qhid' kheim: mae42 seyo khyo phao: ako". – Ai qere: cao" khe' mo, khe' myhi: yu mo, we' vo khug mae" phao: thug' lo mo, re dalhang: dae se' tam"43 pye' ko" ra". – Ai re" khyo: Benyamin: byu qe re cao" khe' yu , cao" lhang" kham" yu yang: yao: bam na ko" ba thug' shaid' mae" re Giba vomo" yae joe" sho' khe' aung: yu:44 ako". – Ai: tau Benyamin: sulhe: datug she'45 taung shid: byaug: ako". – Dang shi" gu: wa lhang: phao: lo" mung: seyo mae" Rimon laug thin khyo phao: lo" ko" ra". Cao" khe' ra" mo, khe' myhi yang: khyo dang mae ngo" taung qo" taung" yu: ako". Gidon: joe" sho' cao" khe' mung: byu lam: shid' taung lo" qo"46 cao" se' shi: ko" ra". – Ai: ba re shae lhae qo" ci byu Benyamin: nhae shid' tug ngo" taung qo" se' pye' ko" ra". Ai: gu: alhab' gye47 khe' sulhe: bam za: ngaid:. – Byu khyaug' yo kam" wa seyo Rimon laug thin joe" sho' qo" phao: lo" geyang: laug aug' mae lho"48 byid khye' lo" vho' na: ako". – Israel byu qe lhang: tug' gyo" lo mung: Benyamin: byu qe re cao" khe' au" vozo: vozang mae" byu , gug' nyhug' myao mae" myao shae: yang qam" se' pye' yang: joe" mae" joe" vo jham re myi: ngha" pye' ko" ra".