1 Yoshu shid: byaug thao Israel byumyu" qe wa ngonhaung" mae khoyaug lam: Khanani byu qe na ko" khyo sao qhid' to" ye: ca" nae" i"? ga: AsAng Mo"so jhao" myid:2 ko" ra". – AsAng Mo"so wa Yuda jhui" qhid' au: she ca" nae". Ai: mang: re yao" lo, mae3 Ngo qhaug' byid: nae" ga: mho: ra". – Yuda wa yao: mao: Simun: re Khanani byu qe re lo" khe' nae" tau: nga" mug: myid khyo ngo we' daga" cao" la, . Ni" mug: myid khyo re: nao we' daga" ngo bocao" nae" ga: mho4 yang: Simun: bocao" ra". – Yuda gye to" ye" lo" ra". AsAng Mo"so wa Khanani byu , Pherezi byu qe re qhaug' byid: va" mung: yao: bam Bezed vo mae byu datug re qo"5 se' pye' ra". – Adoni Bezed zug: re Bezed vo mae qhug' ra". Yao: re gye se' geyang: Khanani we' Pherezi byu qe re qo" aung:6 pye' ra". – Adoni Bezed' kam" wa phao: lo" ra". Yuda byu qe re: cao" khe' taung" yu mung: lo, mo" cae:, khyid mo" cae: phyid'7 pye' byid' ako". – Adoni Bezed' re: lo, mo" cae: we' khyid mo" cae: phyid' ra" mang: zug: nhaid' xe wa lai: lo va" yo, nga" zo gai" agyid' zosheim jham gaug zo: ko" ra". Ngo kaid' lai: lo: ru: AsAng Mo"so wa ngo mae qobo byid' ava" ga: mho: ra". Ai: zug: re Yerusalem khyo dai" ke' mung: ai: mae shid: byaug: ra".8 Yuda amyu" qe wa Yerusalem: re khe' sang: yu yang: bin: se' tam" pye' thao myi:9 ngha" pye' ra". – Ai: thao bam mug: khain , qid bang: dau shaid' we' nyam" mug: mae na ko" Khanani byu qe re gye khe' nae" ga:10 zhain" ye" lo" ako". – Xo' yang: Yuda boe: qe wa Kirayaid-aba mang: ra" Hebron mae na: ra" Khanani byu qe na: ra" khyo ye: mung: Sheshai , Ahiman , Talamai jham re cao" se' ra".11 Ai mae" yao: bam wa Debira vobyu qe re gye ye khe' ako". Ai: vogaung: wa sao qhid' re Kirayat-sepha: ga: mang: ru12 ngaid: . – Alao" Kaleb' wa Kirayat-sepha: re qo" se' aung: yu yaug jhao" nga" zo:13 Akhata re byid: nae" ga: mho: ra". – Aru: mung: Kaleb' yao: nhaung: Kenaid' yao: zo: Othaniela wa ai: vogaung: re qo" se' aung: yu mung: Kaleb' wa yao: zo: Akhata re byid14 zho" ra". – Ai: myiqe: zo: wa to" lo" nae" au: yao: pho" jhao" jao: gyug' yo mho' yu nae" akhyo yham sang pho" we' byin phye" yang: myao: dao mae" gyo" lo: ra". Alao"15 Kaleb' wa nao pe" o: ga: myid' re – yao: wa min jhaung: byid: la, . Nao ngo re qid bang: dau mae nha: ava" ru mung: jao: gyug' we' qid dung: re re: bobyid: la, ga: mho' ra". Alao" Kaleb' wa tho' qid dung: we' o: qid thug' dung: re byid' ra".16 Moshe yao: yaug pho" zo: myid: qe ngaid ko" Keni amyu" wa Yuda amyu" qe we' daga" sunpalun: mae" Arid' vogaung: qid bang: dau Yuda seyo ye joe" mung: ai: jo, qo mae yao: bam we' daga" na: ako". –17 Yuda wa yao: mao: Simun thao cao" mung: Zephaid' mae na ko" Khanani byu qe re se' pye' yang: vo re re: jhaid' za: phyo' pye' ra". Ai: vogaung: re re: Homa ga: mhang" pye'18 ra". – Yuda re: Gaza we' yao" vomang: , Ashakelung we' yao" vomang: , Ejhung: we' yao" vomang: jham re re: khe' sang:19 yu: ra". – AsAng Mo"so re: Yuda we' daga" bona: ru mung: yao: wa bam mug: mae na ko" mo, re khe' sin" pye' ra". Nyam" mug' byu qe re kam" wa jo, to' lhin" ci ko" ru20 mung: maqo" khe' thug' ko". – Moshe pin: to: co' va" we' dakhyo: Hebron vo re Kaleb' jhao" byid: mung: yao: wa Anaka yao: zo: sam yaug re ai: vomo" mae" khe' thug' pye'21 ra". – Benyamin: amyu wa Yerusalem: mae na ko" Yebuti byu qe re makhe' thug' lo: yao: bam ana" ba joe" sho' Benyamin: boe: we' daga" Yerusalem: vomo" mae na ko" ra".22 Yoseb' boe: re re: , Bethela' khyo gye khe' to" lo" mung: AsAng Mo"so re: yao: bam we' daga" ngaid: . Lai: lo va" ta23 Bethela' re Luza ga: mhang" ra". – Ai: vo re jo" qu" nae" tau: byu nhao: ke' ako". –24 Ai: jo"qu" byu qe wa vo khug mae" thug' lo: byu dayaug re the' myao mung: vomo" khyo vao: ra" khyo qhu" la, . Qhu" ngaid: re25 nao re kao lhoe' ke' nae". – Ai: yaug wa vo khug khyo vao: ra" khyo dang ceim" shid' mung: yao: bam wa vobyu qe re shae: yang se' tam" pye' ako". Ai: yaug we' yao" yham26 byu qe re lhoe' ke' ko" ra". – Ai: yaug wa Hiti mang: khyo ye" lo" mung: vomo" yete: yang: Luza ga: mhang" ra". Ana" ba joe" sho' ai ru: ga: mhang" ako".27 Manashe: akaung wa Bedshain: vozo: vozang jham Tanad' vozo: vozang jham Dora vo zang vo zo: jham , Ibalam vo zang vo zo: jham , Megido vo zang vo zo: jham na: na: ra" byu qe re makhe' thug' ru mung: Khanani byu qe re: bona: na:28 ako". – Israel byu qe qam: qi" lo ko" au: Khanani byu qe re khang: ke' nhao mung:29 makhe' thug' lo: nha: to: ko" ra". – Ai we' dakhyo: Ephrim: nhae wa Geza: vo mae na ko" Khanani byu qe re makhe' thug' lo: yao: bam wa Geza: mae alhau: alhag' bona:30 ako". – Ai we' dakhyo: Zabulun: nhae wa Kitarung: vomo" byu , Nahalola vobyu qe re makhe' thug' lo: Khanani byu qe bolhau:31 lhag' na yang: khang: ke' ako". – Ai we' dakhyo: Asha boe: wa Akokha , vobyu , Zidung vobyu , Ahlab' vobyu , Akha zin vobyu , Helaba vobyu , Aphed' vobyu , Yahoba vobyu qe re makhe' thug' lo: , –32 Asha nhae qe wa mang: sang zo: Khanani33 byu qe we' lhau: lhag' yang: na: ako". – Ai we' dakhyo: Nabthali nhae wa Bedshemed vobyu , Betanad vobyu qe re makhe' thug' lo: mang: sang zo: Khanani byu qe we' lhau: lhag' yang: na: ako". Ai qere: Bedsh- emed we' Betanad vobyu qe wa khang: ke'34 mung: na: ako". – Amori' byu qe re: Dain: nhae qe re bam mug: khyo nha geyang: nyam" dau mae wa mana nhao ko".35 Amori' byu qe wa Hered bam mug: vogaung: , Aiyolon: vo, Shalabim: vomo" jham mae na: sang: yu: ako". Ai qere: Yoseb'boe: qam: qi" ko" ru mung: Amori' byu qe khang: ke' yaug bona: ako". –36 Amori' byu qe na: ra" jo, qo wa Akartabin: bug gaung , Tela vomo" mae" atho' dau cao" yang: ngaid: .