1 Ephrim: byu qe zang" qham mung: mug: zhaung shaid' khyo" su" ye" lo" yang: Yepha- ta re nao ngonhaung" re makhai lo: Amon: byu qe re gye ye khe' i"? Ni" adao mae yham2 re ngha" pye' nae" ga: ta" ako". – Yephata wa ngo we' nga" byu qe Amon: amyu" we' mau" qi: bo: ra" au: naonhaung" re ngo khai qere: , naonhaung" Amon: byu qe: lo, mae" ngo re makhyaid' yu lo: na pye' ko". –3 Makhyaid' yu: ra" akhyo: qo" myao: ba: pye' yang: ngo nga" kao dain: pye' mung: Amon: amyu" re gye khe' nae" tau: ye" re AsAng Mo"so wa yao: re nga" lo, mae qhaug' byid' ra". Naonhaung" ngo re ana" ba gye kaid' nae" tau: pe" mung: zang" li" lo ko" ga: mho:4 ra". – Gilaid' byu alhab' re jhui" phaung qham nhao mung: Ephrim: byu qe gye khe' ako". Ephrim: byu qe wa naonhaung" wa Ephrim: nhae , Manashe: nhae mae" phao: thug' mung: amyu" magyang" lo" mo, ngaid: ra" ga: Gilaid' byu qe re khyoe' veko" mathao Ephrim: byu qe re se' pye' ko" ra". –5 Gilaid' byu qe wa Ephrim: byu qe: qhid' au: Yodain: lao gau: khung: mae la yang: lao" na mung: phao: lo: ra" Ephrim: byu wa ngo de; lo nae" ga: mho' lao" Gilaid' byu qe wa nao Ephrim: byu mangaid: i"? ga: myid: ko"6 re mangaid: ga: lao" – Are Shiboled ein: ta" qu" wa, ga: mho: ako". Ai lao" Ephrim: byu wa dao: kheim: ai myain" maboe" mung: Tiboled ga: ta" ke' ra". Ai ru ga: yaug re yao: bam yetaung: mung: Yodain: lao gau: khung: mae lham: se' se' kaid' ko". Ai gye mae Ephrim: byu byid tug: shid' taung shid: pye' veko".7 Gilaid' byu Yephata wa Israel byu qe re khyaug' zin ug: gam yang: shid: pye' va". Yao: re Gilaid' vomo" davo mae nyhab' shaung veko".8 Yephata thao mae Belehem vobyu Ibazain: wa Israel amyu" re ug: gam: ra". –9 Ai: zug: wa yao: zo: yaug gai sam xe , myiqe: zo: sam xe qo" ra". Myiqe: zo: qe re su jhao" byid' pye' mung: dau mo" sam xe jhui" vhin"10 yu: ra". – Ibazain: wa Israel amyu" re nhaid' zin zug: gam mung: shid yang: Belehem: mae nyhab' ako".11 Ibazain: thao mae Zabulun: nhae Elung: wa Israel amyu" re daxe zin zug' gam: ra". –12 Ai zug: shid mung: Zabulun: mug: Aiyolon: vomo" mae nyhab' shaung: ke' ako".13 Elung: thao mae Pirathoni: vobyu Hilela yao: zo: Abadon wa Israel amyu" re14 zug: gam: ra". – Ai: zug: wa yao: zo: yaug gai byid xe , myid: zo: sam xe na mung: zo: myid: qe wa myao: nau" nhaid' xe dau:15 jui" ako". – Piratung: vobyu Hilela yao: zo: Abadon wa Israel amyu" re she' zin zug: mung: shid: byaug: ra". Yao: re Ephrim: mug: , Piratung: vomo" , Amaled' bam mug: mae nyhab' ra".