1 Ephrim: byu qe wa nao Midian: byu qe re khe' lo" ra" au: ngonhaung" re pe" mung: makhai lo: kaid' ru ga: qi: sho' qobo vhin2 ko" ra". – Gidon: wa naonhaung" qam: qo" ke' ra" qae: ngo pe" qo" kaid' ra" i"?. Abizara sabyi' shi: phyo' ra" tho' Ephrim: cao" gaug:3 zhag' ru wa je: gai: mangaid: i"?. – AsAng Mo"so wa Midian: zug: jhaung Oreba we' Zeba tao re naonhaung" lo, mae qhaug' byid' ava". Naonhaung" qo" kaid' ru ngo maqhug' zaui: va" re ga: phaug' jhau: ke' ra" dao: qo" the' gyo: lao" za: yao: bam: nhag' lam: yo: lo" ako".4 Gidon: Yodain: lao lo" joe" re yao: mae bobo ko" byu sam yo wa gyai myaung" kyi"5 ru we' bocao" gau" de; lo: ako". – Sukug' vo byu qe re nga" thao bocao" ra" mo, re mug re byid: gae wa, . Yao: bam gyai myaung: dug veko" ra". Ngo wa Midian: zug: Zeba we' Zalamuna re ana" cao" qho:6 qin" ru ngaid: ga: mho' ra". – Ai qere: Sukug' zug: qe wa ngonhaung" wa ni" mau" vin byu qe re cinmain" yho' byid: nae" tau: Zeba we' Zalamuna tao re nao qo" taung" ci: va" i"? ga: phaug' jhau:7 ako". – Gidon: re: aru: lao" kam" wa AsAng Mo"so: yang Zeba we' Zelamuna re nga" lo, tau qhaug' byid' ba mae" ngo naonhaung" re seyo mae" zau: aja: ja" yang dao gaung: mae be, byid: nae" ga: ta" ra". –8 Ai: tau mae" Penuela khyo do, lo" mung: byu qe jhao" ai ru: cao" mho' qere: Sukug' vobyu qe phaug' jhau: ru Penuela vobyu9 qe ta" ako". – Gidon: wa ngo ngaui bau: taung" dam: tug' li" ra" au: ce: gye byu gai" li" phyo' pye' nae" ga: ta" ra".10 Ai: au: Zeba we' Zalamuna tao wa gyezo: datug: ngo" taung we' Kaka vo mae na: bam ko" ra". Ba thug' shaid' byu qe: gu: mae dang: ru ein nae" ai: gu: za: angaid lo". Pe" mung: ga" re shae ba: ci mo, datid:11 shid' tug wa shid gain: pye' va". – Gidon: wa Noba vomo" , Yubeha vomo" ba thug' shaid' mae" zaung mae na ko" mo; thao khyo" jhug' do, lo" yang: mabeim: maso: na: bam ko" Midian: gyetab re lo" se' ra". –12 Mang: zug: ngaid: ra" Zeba we' Zalamuna tao to" phao: lo" au: Gidon: re: yao: tao re cao" khe' mung: ai: zug: tao we' yao: tao: gye mo, thaui: re qo" phyo' aung: yu: ra".13 Yosha' yao: zo: Gidon: wa ba ma thug' shi: re" gye se' jao: mae" dam: lo mung: –14 Sukug' vobyu Zolau: dayaug the' taung" yu yang: myid' qu" re ai: yaug wa Sukug' zug: ade, kao qi: va" mo, nhaid' xe: nhaid'15 yaug: mang jham re ta" kyo" ra". – Gidon: re: Sukug' byu qe vomo" khyo li" lo mung: naonhaung" wa myaung: dug; byaug va" ni" mau" vin qe re ngonhaung" cinmain" byid: zho: nae" tau: Zeba we' Zalamuna tao ni" lo, mae ngaid va" i"? ga: ngo re khyoe' yang: ta" ko" we' Zalamuna re qu" ge, ga:16 mho: ra". – Ai: vomo" mae" kao qi: va" mo, re khai: yu yang: seyo: zau: aja: ja" yang17 Sukug' byu qe re mho" shid' ra". – Penuela gye byu gai" re re: phyo' pye' byid: mung: vobyu qe re se' tam" pye' ra".18 Ai: au: Zeba we' Zalamuna re Tabo: vomo" mae naonhaung" se' co' ko" ra" mo, wa pe" ru" mo, ngaid: ra" ga: myid' ca: qu" re yao: tao wa nao ru" ru yao: ngaid: ra". Jhaung zug' ave, we' dau de; ra" mo, ngaid:19 ga: ta" kyo" ra". – Gidon: wa ai jham wa nga" myhi" yao: zo: nhaung: jham ngaid: . AsAng Mo"so wa thain" madaui gang" tang: we' dakhyo: nao tao yao: bam re mase' pye' ngaid: re kam" wa nao tao re re: ngo20 mase' nae"ga: – mho mung: yao" zo:qhid' Yethera re ce tao re se' wa, ga: mho: qere: , yao: zo: wa kao ngai shi: mung: shae re lao" maqo" she: thug' ngaid: ra".21 Zeba we' Zalamuna tao wa ngo tao re nao yao: se' wa, . Lau: gai wa lau: gai yao: cao" yang kaid' re agai: ga: mho lao" Gidon: to" yang: Zeba we' Zalamuna tao re se' pye' mung: yao: tao: ma dae myao: mae shaung yhaung" to" ra" jham re khyaid' yu: ra".22 Ai: au: Israel byu qe wa Gidon: re nao ngonhaung" re Midian: byu qe: lo, mae" khyaid' yu va" mathao ni" zo: myid aqae: qae: ngonhaung" re ug gam la, ga: mho'23 ako". – Gidon: wa ngo naonhaung" re ma-ug gam nae". Nga" zo: re: ma-ug; nae". AsAng Mo"so za: naonhaung" re ug; gam24 na: ra". – Ai qere: naonhaung" qo" lhaid' yu: ra" no: thaung: jham re kam" ngo mho' nug: ra" ga: ta" ra". Gyevo qe wa Israel byu ngaid mung: hhang no: thaung: re ba: xaui"25 ci: ako". – Yao: bam wa ai kam" wa dang dang byid: nae" ga: mung: mai pho' lao" phye: to: yang: yao: bam alhab' qo" the' yu: ra" no: thaung: jham re phoe' bam: ako". –26 Gidon: mho' yu: ra" hhang no: thaung: jham wa daxe: nhaid' joe: ngaid: . Ai: mae" getau Midian: mang: zug: qe shaung: ra" qui: , ne mo, bau: , ma dae myao: lang27 taui: qo" the' yu: ashi". – Ai: jo, nho" yang Gidon: wa kayhoe" bau: qhang kaid' yang: yao" na mug: Ophara mae to: mung: Israel qe wa ai: kayhoe" bau: qhang: yang shaid' nghung" khyo boe" ra". Ai: mathao Gidon: we' yao" amyu" shaid' nghung" khyo aqao: boe" lo" ra".28 Ai re" ru: Midian: byu qe Israel qe: qhid' kheim: mae seim" yang: thao re maqo" ngai" to" li" lo: ko". Gidon: mang: zin: zin na byid xe zin lam: lam: damang:29 dae geim" yaug yo: byaug: ra". – Yosha' zo: Yeru-Bala wa yao" yham qao: mae lo"30 na: na: ra". – Gidon: wa yham sang myhi" myo: yang: yao: qo" ra" zo: nhaid' xe yaug31 ngaid: . – Shekhim: mae na: ra" myi: ngai wa yaug gai khau mung: ai: zo: mang32 re Abimaled' ga: mhang" ra". – Yosha' zo: Gidon: wa kao qi: yang: shid: byaug va". Abiza: nhae qe na: ra" Ophara vo , yao: pho" Yosha' lab mae nyhab' shaung:33 ako". – Gidon: shid thao Israel byu qe khyo dam: nghung" lo" mung: Ba:la' mo"so mae shaid' nghung" na yang: Bala-berid re AsAng Mo"so khyo" tau: yhe' ko" ra". –34 Avai: ayae gyevo qe: lo, mae" khyi: yu: ra" yao: yao" AsAng apyaid ato: AsAng Mo"so35 re mabeim: so: lo: . – Gidon: mang: ra" Yeru-Bala wa Israel qe mae zaui" qhu" ra" jeju we' dakhyo: yao: bam: amyu" mae jeju madam: ba: tug' kaid' lo: ko".