1 Abimaled' thao mae Israel amyu" re khyaid' yu yaug Iskha amyu" , Dodo nhae , Puah yao: zo: Tola na: thug' li" mung: Ephrim: bam mug: , Shimiya mae2 na: ra". – Ai: yaug wa Israel amyu" re shid' xe: sam zin lam: lam: zug: gam yang: shid: lo" va". Yao: re Shimiya vomo" mae nyhab' to" ako".3 Ai: yaug bin thao , Gilaid' mang: byu Ya-Ira na: thug' li" mung: Israel amyu" re shid' xe: shid' zin lam: lam: zug' gam:4 ra". – Ai: mang: zug: wa zo: sam xe yaug qo" mung: yao: bam wa myao: sam xe jui: yang: vomo" sam xe re ug: ako". Ai: vo jham wa Gilaid' mang: khug mae jo, mung: ana" ba joe" Yavod-ya Ira ga: mhang" ko"5 ru ngaid: . – Ya-Ira shid yang: Kamung vo mae nyhab' to" ako".6 Ana" Israel qe wa AsAng Mo"so: qhid' kheim: mae qobo shaid' gemung: Ba:la' so , Ashatharod so , Shure so , Zidung: so , Mo"ba' so , Amon: so , Philisti so jham re pa" kug' yang: AsAng Mo"so re mapa" kug' lo:7 jao" pye' veko". – AsAng Mo"so wa Israel qe re nhag' yo: mung: Philisti byu qe mae re: , Amon: byu qe mae re: yao: bam re aung"8 pye' ra". – Yodain: lao thoe te' Amori' byu qe na: ra" Gilaid' mang: mae na ko" Israel bin sho' re ai: zin mae" re: daxe: she' zin9 lam: pyam" yhin" veko". – Amon: amyu" qe re: Yodain: lao gau" de, mung: Yuda amyu , Benyamin: amyu , Ephrim: boe: re gye aung yang: Israel qe wa qug: khai: sho: jhin aqi: thaung" qhug' ako".10 Ai: au: Israel qe wa ngonhaung" AsAng re shaid' bam va". Ngonhaung" AsAng Mo"so re naung phaug' mung: Ba:la' so re au: am: pa" kug' lo" bam va" ga: AsAng11 Mo"so jhao" zag hug' ako". – AsAng Mo"so re: , Ngo naonhaung" re Egutu byu , Amori' byu , Amon: byu , Philisti byu qe: lo, mae"12 khyi: yu: mangaid: i"?. – Zidung byu , Amaled' byu , Moni byu qe yhin" lo ko" au: re Naonhaung" Ngo jhao" zag: hug' gemung: yao: bam: lo, mae" re: Ngo khyaid'13 yu va". – Ai qere: naonhaung" Ngo re to" pye' mung: getau: so jham re pa" kug' lo" geyang: thao re Ngo makhyaid' yu lo: . –14 Naonhaung" khyin: yu: ra" so jham jhao" ye: mung: zag: hug' mho' yao ge, . Qug: khai: qhug' ra" ana" ce: ta re khyaid' yu veshao:15 ga: Israel byu qe re mho: ra". – Israel byu qe re: AsAng Mo"so re ngonhaung" shaid' bam va". Nao o: khyo: ngonhaung" re kaid' la, . Ana" dalhang za: lao" wa khyaid' yu shi: la, ein: ngonhaung" mho' ra" wo" ga:16 apyaid ato: AsAng Mo"so re mho' ako". – Ai thao taung bug qe pa" kug' ra" so re va: pye' mung: AsAng Mo"so re pa" kug' ako". Ai lao" AsAng Mo"so wa Israel qe phau: zo:ko" qug: khai: nhag' myain" ra" nhag' lam: bolo: ra".17 Amon: amyu" qe ceim" qham phaung mung: Gilaid' mug: mae gyetab zhaug' ko" ra". Gilaid' byu qe wa zang" qham mung: Mizapa vomo" mae gyetab zhaug' ko" ra". –18 Gilaid' mang: zug: qe wa Amon: amyu" qe re gye qo" jhui: au: nae" ru kho-yaug ngaid nae". Ai: yaug wa Gilaid' mang: byu alhab' mo, ajhaung ngaid veshao: ga: jho" qham: phyid' ako".