1 Yeru-Bala mang: ra" Gidon: wa ne, seim no' mae" to" mung: na: gu: alhab' we' Harud qid thaung: yae mae gyetab kaid' ako". Midian: gyetab re: qid meim: dau More bam qao: lao: khaung: mae na: bam ko" ra".2 AsAng Mo"so wa nao mae bobo: ra" mo, saung" laug: ra". Yao: bam: lo, tau Midian: byu qe re manug: qhaug'. Qhaug' byid' ngaid: re Israel mo, byu qe nga" qam: o" yang ngo re qo" khyaid' yu: ga: ngaid:3 beim: zai ngaid: . – Ai ru: mung: sang: maqao" ra" mo, wa Gilaid' bam mae" no' re" dam: phao: tug' geshao: byu qe re hau" nhao" ke' wa, ga: Gidon: re mho: ra". Ai ru: mung: byu shid' taung phao: tug' lo" mung: datug dang: ra".4 Xo' yang: re: AsAng Mo"so wa byu saung" laug shi". Qid gyaung: khyo jhui" li" wa, . Yao: bam re qid tau ca: kin byid: nae". Ce ru" mo, wa nao we' daga" ye: ca" nae" ein: mho lao" yao: bam ye: ca" genae". Ce ru" mo, re wa dajhui: ein: lao" magai: jhui:5 nae" ga: mho: ra". – Ai we' dakhyo: Gidon: wa byu qe re qid khyo jhui" vao: ra". AsAng Mo"so wa lakha: qid mae yo; ru: sho: yang qid yo, shaug' mo, dazhain, paid' thaug' yang: shaug' mo, re dazhain kaid' yang: byu shid' mo, zhain kho' wa, ga: mho: ra". –6 Alao" yao" lo, vo" yang qid re khae shaug' mo, sam yo bo: thug' li" ra". Dang: ra" mo, wa qid shaug' re paid' thaug' thaug' gam"7 goe, yang: shaug' ako". – AsAng Mo"so re: lo; yang: qid shaug' ra" byu lam: sam yo khyo" yang nao re Ngo khyaid' yu mung: Midian: byu qe re ni" lo, mae qhaug' pye' nae". Dang: ra" mo, alhab' re yao: yao" na jao: khyo dam: lo" nhao wa, ga: Gidon: re8 mho: ra". – Ai bam wa zao: kho we' labo" jham re yu mung: Gidon: wa byu sam yo gu: re khyin: yu yang: dang: ra" getau: gu: re yao: yao" na jao: khyo Gidon: dam: lo" nhao: ke' ra". Midian: byu qe wa yao: bam na: o: lao: khaung: mae zang" qham: bam: ako".9 Ai: myi AsAng Mo"so wa to" ge, . Gyevo zang" qham: na jao: khyo zhain" ye: ge, . Ni" lo, mae qhaug' byid: nae". –10 Nao mavae" ngaid: re wa ni" daui mung11 su Phura re shi" nhao: ke' wa, . – Yao: bam khoru: ta" na ko" ru re the' gyo" yu nae". Ai: thao gyetab zang" qham jao: khyo te' ye: nae" tau: nao qam: qo" li" nae" ga: mho: ru we' dakhyo: Gidon: wa yao" daui mung su Phura re khai: jhui: mung: gyetab: qhid' au: tau lhaug' zaung" na ko" jao: khyo ye"12 ra". – Midian: mang: byu , Amaled mang: byu , ba thug' shaid' mang: byu alhab' bam: wa lao: khaung: mae yab: bam mung: khyag' phaung" jham ru: gyai myo" laug: ako". Ma dae myao: re: ma coe ru: nghe' lo13 ma-aung gyai myo" ako". – Gidon: joe" ye: lao" byu dayaug wa yao: myao: ra" yab mo, yao" mo, cao: qe re ta" kyo" ra". Ngo the' myao: ra" yab mo, mae mug' yo" cinmain" dalung: Midian: gye thaui: khug khyo lang" vao lo mung: zaung dalam: mae lo: zao" thaung: yang: zaung ai gyoe; pye" byaug:14 ra" ga: mho: ra". – Yao" zam" cao: wa ai: cinmain" lung: wa getau mangaid: . Israel byu Yosha' yao: zo: Gidon" shae ngaid: ra". Ai: yaug: lo, mae AsAng Mo"so wa Midian: amyu" , Midian: gye mo, thaui: alhab' re qhaug' pye' li" nae" ga: mho: ra".15 Ai: yab mo, we' ai: lase" re Gidon: the' gyo: lao" pa" kug' mung: Israel tab khyo lo yang: to" gese, . AsAng Mo"so: yang Midian: gye mo, thaui: re naonhaung" lo, mae qhaug' byid' li" naeva" ga: mho:16 ra". – Ai mae" byu sam yo re sam mo, kho' mung: labo" da lam: we' myi: bo: ra" yae:17 ug' dalam: yaug nge, re ci nhao: ra". – Ngo re qu" yang: ngo kaid' khyo: cao" kaid' ge, . Gye dab taung gaung joe" lao" ngo kaid'18 khyo: cao" kaid' ge, . – Ngo we' ngo mae bobo mo, alhab' bam: labo" maid; ke' au: gyetab lhang" gam: naonhaung" re: labo" maid: ke' mung: AsAng Mo"so we' Gidon" shae wo" ein: zag; hug' ke' ge, .19 Ai re" khyo: Gidon: we' yao: mae bocao mo, byu dayo wa gae gaung: ayo, tab lhaug' byu asag' dam: jho" tha" lhaug' to" au: joe" ye: mung: labo" maid: ke' ako". Yao: yao: ci:20 ra" yae: ug' re re: be; kho' ke' ako". – Byu sam thaui" geim" wa labo" maid mung: yae: ug' jham re re: kho' ke' yang: lo, kaung: shaid' mae myi: kaug' ci , lo, yo shaid' mae maid nae" labo" re ci mung: AsAng Mo"so we' Gidon: shae ga: zag: yhid' ke'21 ako". – Ai: gyetab lhang" gam: dayaug we' dayaug yao: yao" jo, qo mae ye; jo, yang: gye mo, mo" thaui: alhab' bam din: to" li" mung: zag: hug' yang: phao: myi" sin"22 byaug: ako". – Byu sam yo labo" maid: ke' ko" au: AsAng Mo"so: phung" bao: mathao gyezo: alhab' bam: dayaug we' dayaug jho" se' mung: Zerara' Beshata khyo re: , Tabad voyae mae Abelamehola mug: khyo23 re: phao: sin: veko". – Israel byu qe: wa Nathali mang: , Asha mang: , Manashe: mang: jo, qo agau: gau: khyo" zang" li" mung: Midian: byu qe thao cao" khe' ako".24 Gidon: re: logyo: tu" ke' yang: Ephrim: bam dalam" geim" khyo nhao mung: Naonhaung" Midian: byu qe re tam" kyo" nae" tau: Yodain: lao , Bebaya vo joe" sho' lhau" bocao" tam" ge, ga: pyang: ke' ru we' dakhyo: Ephrim: byu alhab' bam: zang" qham mung: Yodain: lao yae Bedbaya vo joe" sho' gau: lhaug' lao" na: ako". –25 Midian: zug: jhaung shid' yaug Oreba we' Zeba tao re taung" yu mung: Oreba re Oreba laug dao mae , Zeba re Zeba sabyi' shi: pyag' zung mae se' pye' ako". Midian: byu qe re cao" khe' yang: Oreba we' Zeba tao: au: lam: re Yodain: lao thoe te' Gidon: jhao" yu: lo" ko" ra".