1 Israel byu qe khag' ngaid yang: re: yao: yao" myiqe: zo: re Benyamin: byu qe re mabyid: lo: ga: Mizapa: vomo" mae jham2 tang: ko" ra". – Mang: byu qe wa AsAng Mo"so: yham khyo li" mung: AsAng Mo"so: qhid' kheim: mae damyi khyeim thoe mo"3 we' ngug zo" mae" – Israel byumyu" qe AsAng Mo"so apyaid ato: AsAng Mo"so we" Israel byumyu" mae ana" ba daboe: thao" byaug: ru wa pe" gyae mae zao" yang:4 ngaid: i"? ga: ta" ako". – Thao: ne, seim no' re" byu qe to" mung: phain re zhaug' yang: phaid' ngaui" xeim: , zam" khug5 xeim: qhaug' byid: ko" ra". – Israel amyu" qe wa Israel aboe: akhug mae khoyaug wa mo, mo" thaui: we' daga" AsAng Mo"so jhao" mali" lo: na: na ko" ga: myid' ca: qu" ako". Pe" mung: ga" re Mizapa: vo AsAng Mo"so: qhid' mae majoe" li" lo: na: to: yaug wa dang dang se' pye' ru qhug' shao: ga: qi: sho' jham tang: nhang" to: geyang: ngaid:6 ra". – Israel byu qe re: yao: nhaung: Benya- min: mathao nhag' lam: atha" qo" yang: ana" ba Israel byu mae daboe: seim" byaug7 va". – Ngonhaung" wa ngonhaung" yao" myiqe: zo: yao: bam re mabyid: zho: ein: AsAng Mo"so mae nhang: kheim: ke' to: va". Dang: na shi" mo, tau: myiqe: khai: mae" yu byid: naeva" i"? ga: ceim" qham: ako".8 Israel amyu" qe mae" khoyaug lam: Mizapa: AsAng Mo"so: qhid' kheim: majoe" lo: na ko" ra" ga: myid' ca: qu" re Gilaid' mang: Yabed vobyu dayaug; lao" zang" qham jao: khyo mathug' li" ko" ga: qo" ba:9 yu: ako". – Byu qe re nghe' ca: qu" au: Gilaid' mang: Yabed' vobyu dayaug lao"10 mathe' myao ko". – Alao" zang" qham ko" mo, wa phao" ra" gye khe' sulhe: datug shid' taung re nhao mung: naonhaung" ye: yang: Gilaid' mang: Yabed' byu yaug gai myiqe: zoshao jhaid' za: se' pye' ge, . –11 Yaug gai alhab' we' yaug gai we' zam" qu" va" myiqe: alhab' re jhaid' se' pye' ge, ga:12 mho: ke' ko" ra". – Gye khe' sulhe: qe wa Gilaid' mang: Yabed' vobyu qe mae" yaug gai we' mazam" qu" shi" zomyi: gyang" byid yo re the' myao geyang: Khanain: mang: gyetab to: jao: Shilo: vomo" khyo jhui" lo: ako".13 Zang" qham ko" byu qe wa Rimon laug gyain: mae vho' na ko" Benyamin: byu qe re ye jhu" jhui" yu nae" byu nhao: ke' ko"14 ra". – Ai ru: mung: Benyamin: byu qe lo yang: Israel byu qe adaui nha: to" ra" Gilaid' vobyu myiqe: qe we' byid: zho" ako". Ai qere: yao: bam tau: myiqe: ma-o" shi: . –15 AsAng Mo"so: yang Israel amyu" qe mae" dakaung re dam" pye' byid: yang: Benya- min: tau: nhag' lam: atha" qo" ko" ra".16 Ai ru: mung: amyu" mo, thaui: khug mae" zug: ade, qe wa Benyamin: boe: mae" myiqe: qe re tam" pye' va" ru mung: dang: na shi" mo, tau: mae" myiqe: khai: mae"17 qo" nae" ru we' – Israel amyu" qe mae" dakaung lao" mathao" byaug sho' na: dang shi" Benyamin: byu qe: tau: na nae" mug:18 jo, ca" ra" ga: qham: ako". – Ai qere: Israel byu qe wa khoyaug Benyamin: byu re yao: yao" myiqe: zo: byid: zho" re ai: yaug nhang: kheim: phau: shao: ga: jho" nhang" to: veko" ru mung: ngonhaung" yao: yao" myiqe: zo: gai: byid: zho: zai mangaid: .19 Bethela' mug: am: , Bethela' mae" Shekhim: khyo ye" ra" khyo dang ba thug' shaid' Lebona vo mug: thai: dau , Shilo: vomug: mae AsAng Mo"so tau: zin qug: poe lhaung" kaid' ako" ru re re: jho" qham:20 ako" – Bin: qham lao" Benyamin: byu qe re naonhaung" ye" lo" gese, . Sabyi' khyae khain mae vho' na ge, . Shilo: vo mae" myiqe: qe poe vao nae" ga: go" thug' lo ko"21 re – Sabyi' khyae khug mae" thug' li" mung: ai: Shilo: zomyi: qe re khag' re: khag' yham sang myhi" kaid' nae" tau: taung" yu mung:22 Benyamin: mug: khyo jhui" lo" ge, . – Yao: bam: maung pho" qe ngonhaung" re li" ta" ko" re ngonhaung" wa ngonhaung" myo, khung: qu" yang: yao: bam re byid: zho: gela, . Gye jho" se' au: re yao: bam we' tin" ra" yao: myi: jham re yao: bam: tau: ngon- haung" matang" to: byid: . Naonhaung" qobo lau" yu shao: ein: ana" byid: zho" ru mangaid: ein: yao: bam re lham ta" nae" ga:23 mho: ke' ko" ra". – Benyamin: byu qe wa ta" to" khyo: kaid' gemung: poe vao nae" ga: go" shaung: thug' lo ko" myiqe: qe re yao: yaug yao: nge, sho' yham sang myhi" kaid' nae" ga: taung" yu mung: jhui" lo" ko" ra". Yao: yao" na mug: qo" joe" lo" yang: vo jham lo" dam: nyhang" te: mung: na: lo"24 ko" ra". – Dang: ra" Israel amyu" mo, mo" jham re: khag' re: khag' yao" na mug: , na25 jao: khyo dam: phao: myi" lo veko". – Ai: ta re Israel a myu" mae jhaung zug: mana shi: . Khag' re: yao: yaug yao: o: khyo: zaui: so" na: bam ko" ra".