1 AsAng Mo"so: mug: logyo: wa Giligala vo mae" Bokhim: vomo" khyo li" lo mung: naonhaung" phug' pho" qe re Ngo nhang" to: va" mang: khyo Egutu mae" naon- haung" re Ngo jhui" lo va". Naonhaung" we' Ngo to" ra" dao: thang: re Ngo maphyo'2 lo: khyao za: cao" na nae". – Naonhaung" ce mang: mae" mo, we' zam" khug: khyo magai: kaid' nae". Yao: bam: phain jham re qab: lhaui" pye' ca" nae" ein: mho qere: naonhaung" Nga" dao: matae" gyo: ko".3 Pe" mung: ce ru: kaid' ko"?. – Xo' yang: Ngo mho: ru wa ce: mang: byu qe re naon- haung" qhid' kheim: mae" Ngo makhe' thug' byid: lo: yao: bam wa naonhaung" tau: nae dain: mae zau: ru: , yao: bam: so jham re: naonhaung" tau: dam: zo: boe" nae" ga: mho: ra".4 AsAng Mo"so: logyo" yang Israel mo,byu qe re ce ru: ga: li" ta" au: byu jham5 wa thoe mo" ke' hug' ngug; ako". – Ai: jo, qo re Bokhim: ga: mhang" mung: AsAng Mo"so re xeim: ngaui" byid' ako".6 Lai: lo va" yo, Yoshu yang byu qe re nhao: ke' au: Israel mo, byu qe wa khag' re: khag' yao: qo" ang: mug: myid sang:7 yu nae" tau: ye" lo" ko" ra". – Yoshu bang: dabang" geim" mae re: Israel byu qe tau: AsAng Mo"so kaid' byid: va" mau" qi: re qo" the' myao mung: Yoshu nho: thao mae" yao: re qo" the' myhi: myao: ra" lau: de, qe bang: dabang" geim" mae re: mo, byu8 qe AsAng Mo"so re pa" kug' ako". – AsAng Mo"so: jeim pho" Nun: yao: zo: Yoshu wa kao dayo: daxe joe" yang: shid: lo" va". –9 Ephrim: bam mug: , Gasha bug gaung qid meim: dau mae jo; ra" yao" mug: myid ngaid: ra" Timanat heres vomang: myid gaung mae shaung nyhab' ke' ko" ra". –10 Yoshu re qo" the' myhi: myao: ke' ra" ade, qe re: , phug' pho" qe qham phaung: ra" jao: joe" byaug veko". AsAng Mo"so re re: , Israel qe re zaui" qhu" ra" mau" jham re re: maba: ra" thao: ta mae" suna bang: joe" lo va".11 Ai: ayo, gu: re Israel byu qe wa AsAng Mo"so: qhid' kheim: mae qobo za: zaui" mung: Ba:la' so re pa" kug' lo" ko" ra". –12 Egutu mae" yao: bam re jhui" loe; lo: ra" phug' pho" qe AsAng Mo"so apyaid ato: AsAng Mo"so re naung phaug' pye' mung: avai: ayae mae na: ra" byumyu" qe: so getau taung bug qe: thao cao" geyang: AsAng Mo"so: nhag' yo" gyid' kheim: lhau:13 thug' ke' ko" ra". – AsAng Mo"so re naung phaug' pye' mung: Ba: la' so , Ashatared14 so jham re pa" kug' ko" ru mung: – AsAng Mo"so wa Israel byumyu" adao qi" thao" nhag' yo" kheim: thug' lo yang: AsAng Mo"so wa yao: bam re phyo' zo: lhaid' zo: mo; lo, khyo qhaug' pye' ra". Ai ru: mung: avai: ayae gyevo qe jhao" aung" pye' va" mathao ai: gye qe: qhid' kheim: na matho'15 maqo" ye; tang lo: ko". – Yao: bam thug' su" qin" ra" khyo khe' khao: ngo" mae AsAng Mo"so: yang nhang: kheim: ke' pye' va" we' dakhyo: AsAng Mo"so: lo, mo" yang zag: to" ru phau" mung: gyai myaung sho: qug: khai: qhug' byaug veko".16 Ai qere: lhaid' yu ko" mo, mae" jhui" lhoe' yu nae" tarha" agyi yao: bam mae17 nhao: thug' ke' shi" ra". – Ai: tarha" agyi qe: dao: re re: matae" gyo: getau: taung bug qe: so jham we' shaid' nghung" pa" kug' lo" ako". Phug' pho" qe wa AsAng Mo"so: khang" dao: re phug' cao" ko" ra" khyo dang mae" nghung" lo" mung: phug' pho" qe phug' cao" khyo: mabocao" lo:18 ko". – AsAng Mo"so: yang tarha" agyi nha: thug' ke' ra" au: yao: we' daga" bobo mung: yao" bang: dabang" geim" Israel qe re gyevo qe: lo, mae" khyaid' lhoe' yu: ra". Khoru: ga" re yao: bam qug: qae" phau: yang: zag: hug' yao: ke' lao" AsAng Mo"so nhag' lam:19 dam: phaug' lhang: lo: ra". – Tarha" agyi shid: byaug lao" yao: bam wa phug' pho" qe tho' je: magai: ra" khyo kaid' yang: getau: so thao cao" lo" mung: gam" goe, pa" kug' lo" ko" ra". Yao: bam yao" ave, we' magai: kaid' ra" khyo dang mae" maqo" lai: ko"20 ngaid: ra". – AsAng Mo"so wa Israel qe: dao: mae qi" thao" nhag' yo" kheim: thug' lo yang: ce: byu qe wa Nga" dao: matae" gyo: . Yao: bam: phug' pho" qe we' Ngo dao: so: to" khang" dao: re phyo' lhaui" pye'21 veko" mung: – Yoshu shid: byaug thao dang shi" ra" getau: byumyu" damyu" re22 Ngo manhae" khe' thug' byid: lo: . – Yao: bam: phug' pho" qe wa AsAng Mo"so: khyo gau mae cao" su: nae" tau: cao" pyang" na ye, ko" ru: yao: bam wa bosu: genae" i"?. Mabocao" genae" i"? ga" ra" ru re na: dang: gyo" jo; ra" byumyu" khyo" yang Israel qe23 re Ngo lag qu" nae" ga: mho: ra". – Ai we' dakhyo: ai: byumyu" qe re Yoshu lo, mae maqhaug' , mye, za: makhe' thug' pye' lo: na: ru ngaid: .