1
Ai: ba Debora we' Abinaung: yao: zo: Baraid' tao wa ce ru: ga: nghaui" caung" ako".2
Israel mo, byu qe mae zug: ade, au: she mung: sho: jhin qug: khai: mo, yao: yao" gaung re qo" qhaug' geyang: AsAng Mo"so: jeju re caung: khin" ge, .3
Jhaung zug: qe we" gyo" yu ge, . Zug: nau" qe we" tae" gyo: ge. Ngo nghaui" caung: nae". AsAng Mo"so re caung: khin" nae". Israel qe: AsAng Mo"so re caung: khin" byid' na nae".4
AsAng Mo"so we" Nao Sira bam mae" gyo" lo mung: Edom: jao: dae mae" to" lo: au: myid gaung laui" nain" li" yang: jham phyu dao mae" mug: qu: khyo" ke' ra".5
AsAng Mo"so: qhid' kheim: mae bam jham lab: laui" na: ra". Israel AsAng Mo"so: qhid' kheim: mae Sina' bam re: laui" lab; na: ra".6
Anaid' yao: zo: Shain:ga: bang: mae re: , Yela bang: ta mae re: , hau" mo" khyo jham cae: jhug tag boe" byaug mung: gyaung: su: mo, khyo thaung" vao: byaug veko".7
Israel qe mae zug: jham thao" byaug va". Ngo Debora mana shi: Israel yao: myhi" mathug' li" shi: mae" zug: qe thao" byaug veko".8
Getau: so re Israel qe khyin: yu veko". Ai: au: yao: bam: vo jham re gyevo qe vao: zag mung: Israel byid tug mae go dalung: , lhae dakhe' lao" majo, .9
Yao: yao" kao re o: mabyid sho: jhin mo, we' Israel zug: ade, qe re ngo nga: yu: ra". AsAng Mo"so: jeju re caung: ge, wo".10
Myao: phyu jui" ra" mo, , tarha" khyo shid' mo, we' gyaung: su: mo, we"-11
Qid baug: nhae mae qo" sang: yu: jo, nho" jho" gae mo; thoe re the' gyo: gelao" nghaui" caung: ge,. AsAng Mo"so: dang main" ra" mau", Israel: vozo: vozang mae dang main: ra" khyo" kaid' ru re ai ru" khain mae caung: khin" lo: li" nae". Ai: au: AsAng Mo"so: byu qe wa yao: yao" vomo" khyo dam: tug' lo" genae".12
Gyang: wa, , gyang: wa, , Debora. Gyang: wa, beim: so: wa, nghaui" caung" na wa, . Baraid' we" to" wa, . Abinaung: yao: zo: we" nao taung" yu va" mo, re phoe' qhu" wa, .13
Alao" getau dang: ra" mo, wa sin: thu qe jhao" ye" ako". AsAng Mo"so: byu qe wa qam: mo" phung qi" ra" mo, jhao" nga" tau: gyo" ye" ako".14
Amaled' byu qe anhae mae na: ra" mo, wa Ephrim: mang: mae" thug' lo: ako". Yao: bam: thao ni" mo, phaung ajham ataung mae Benyamin: nhae qe cao" ako". Makh- ira nhae mae" zug: ade, qe we' Zabulun: nhae mae" ba: lag; qu" mo, thug' lo: ako".15
Iskha: nhae mae" zug: qe re: Debora thao de, mung: Iskha wa Baraid' qam: bo: lo, mo" ngaid: ra". Baraid' thao mae lao: geim: khyo" bocao" tao"' ako". Rubin nhae qe na: ra" qid zo: qid zang agau: gau: mae nhag' gae gu nae" ru bo: ra".16
Yao myang thoe jham tae" gyo: yang: bam gyo: mae pe" mung: zaung: na: i"?. Rubin: nhae qe na: ra" qid zo: qid zang agau: gau: mae nhag' myid' alau" ajo, nhaung i"?17
Gilaid' mang: byu qe wa Yodain: gyaung: thoe: te' mae yaug yo za: na: jo; ra". Dain: boe: qe wa qid lha gau: khung: nhae mae pe" mung: na: thang: gyo" ko" laug i"?. Asha: boe: qe re: qid mang: dang" kam" lha mo" thang jao: qid kain khain mae thain" madaui: gang" tang: jo, nhaung wo".18
Zabulun: nhae wa kao re pe" o: mabyid lo: vae" ru we' Nabthali nhae wa myhao: ra" bam dao mae ai re" khyo: phin" ako".19
Jhaung zug: qe gye li" kaid' ako". Khanani jhaung zug: qe Megido tham:, Tanad'voyae mae gye li" kaid' ko" qere:, ngaui maqo" lhaid' yu ko".20
Mug: gaung mae" gye bokhe' bao" ako". Kyi jham lhang" kham" yang: Titaya re gye khe' ra".21
Kishun lao, gye jho" khaid' yang: mang hau" nhao" ra" lao, , Kishun wa gyevo re va: pye' ava". Nga" solo we" nao wa qam: qi" ra" yaug re qo" aung: ava".22
Myao: jui: gye khe' sulhe: qe wa myao: re jui" tao: jui" tao: mung: myao: jham myid mae khyid zab thaung" thoe ga" ru za: ahau" nhao" na lo".23
Meyoza vobyu qe wa AsAng Mo"so: thao de, yang: gye mabo: khe' ra" mathao: yang Meyoza vomo" re nhang: ge, wo". Vobyu qe re qi" ra" kheim: ke' yang: nhang: ge, ga: AsAng Mo"so: mug: logyo: pin co' va".24
Keni nhae Heba yham sang myhi" Yela wa myiqe: alhab' bam tho'mae nga: je: lho" ra" wo". Zaung mae na: ra" myiqe: alhab' bam tho' je: nga: lho" ra" wo".25
Ai: yaug wa qid re mho' re Yela wa nug' re byid' ra". Jhaung zug: ci: khug' yang nung: nug' ke' mung: jao: ra".26
Seim zaung daung" zang re yu mung: lo, yo: lo; yang be, dau zhab' zag: ci yang: Titaya re be; ra". Yao" au: mae be; vhao" ke' mung: kyao" lai: lo" sho' ngaid: .27
Yao: wa Yela khyid qao: mae lang" goe; jo; ra". Khyid qao: mae shid lang: gyoe; jo; ra".28
Titaya yao: myhi" wa kham: zo: dung: khyo" qu" mung: pin: kyo lao" khao" to" akhug mae na yang: lhin" pe" mung: joe" lo: ra". Lhin" ce' jham pe" mung: yam" ra" i" ga: nyung: na: ra".29
Juyi bo: ra" myiqe: qe dam: phaug' jhau: ru, yao" gaung yao: dam: phaug' jhau: ra" dao: kheim: wa yao: bam qo" sang: yu va" jo, nho" gae: na ko" mangaid: i"?.30
Gyezo: qe: tau: zomyi: dayaug shid' yaug o" sho' , Titaya tau: yhaung" xug' to" pin: yaung" we' khu: tung" tung" shaung: to" bau: , aung myaug yaug: tau: lang zang: mae shaung yhaung" nae" tau: , shid' shaid' yhaung" shaung: tung" to" ra" bau: re jho" gae: na ko" mangaid: i"? ga: Titaya yao: myhi" lhaung" ta" ra".31
AsAng Mo"so we" Nao re gye kaid' mo, alhab' bam: wa ai re" khyo: jeim" thao" lo" veshao: wo". AsAng Mo"so re jhid' ra" mo, kam" wa phung bao we' thug' lo: ra" ba mo" khye' ru: boe" veshao: wo" ga: caung: nghaui" ako". Ai: thao zin na byid xe lam: lam: damang: geim" mang: yo: lo" ra".