1 Ehuda shid thao Israel byu qe AsAng Mo"so: qhid' kheim: mae qobo xo' kaid' na2 geyang: – AsAng Mo"so: yang Haza vomo" mae tao" zaung: ra" Khanain: jhaung zug: Yabin jhao" aung" ke' ra". Yao: jaung: nha: to" zug: jhaung ein: nae" yaug wa Go-im mang: Hayoshed vo mae na: ra" Titaya3 ngaid: . – Ai: zug: mae jo, to' lhin" gug yo jo; ra". Israel mo, byu qe re zin lam: shid' xe pyam" yhin" ru mung: yao: bam wa AsAng Mo"so re zag: yao: ako".4 Ai: ayo, re Lapidung: vobyu lapa myiqe: Debora wa Israel qe re ug: gam:5 ra". – Yao: wa Ephrim: bam mug: , Yama vo mae we' Betani gyo: , Debora sunpalun: gae qao: mae na mung: Israel qe wa ai: lapa myhi" jhao" mau" ta" sho' byid: nae" tau: lhaung" zang" qham: li" ako". –6 Alao" Debora wa byu re nhao: ke' mung: Nabthali mug: Kadesha vo mae" Abinaung: yao: zo: Baraid' re khai: yu yang: Nabthali nhae we' Zabulun: nhae qe mae" byu datug jhui" zhag' yu mung: Tabo bam khyo7 do, lo" wa, ga: AsAng pin: ra" . – Ngo re: Yabin jhaung zug' zug: jhaung Titaya we' yao" jo, to' lhin" gye khe' sulhe: qe re nao na: ra" Kishun: lao khyo jhui" ngaug; mhai" li" mung: ni" lo, mae qhaug' nae" ga: Israel AsAng Mo"so apyaid ato: AsAng Mo"so ta"8 ra" ga: zhao: kyo" ra". – Baraid' re: nao ngo we' daga" bobo lao" wa ngo re: ye:9 nae" ga: mho: ra". – Debora wa ngo nao we' daga" dang dang ye: nae". Ai qere: nao wa Titaya re myiqe" lo,mae aung" pye' nae" ngaid: ga: AsAng bin: ta" kyo: thao Baraid' we' daga" Kadesha vomo" khyo10 ye" lo" ra". – Baraid' wa Nabtali , Zabu- lun: nhae re Kadesha khyo khai: jhui" ye: mung: bocao" mo, datug we' daga" Debora bobo yang: do, ye" ra".11 Moshe: yaug pho" Hobab' nhae Keni yham khaung Heba wa Keni mo, cao: qe we' gao: yang: Kadesha vomo" anhae Zanam vo shiqae gae qao: mae zaung kaid' yang: na: na va".12 Abinaung yao: zo: Baraid' Tabo bam do, va" akhyo re Titaya jhao" ta" kyo: ko" re –13 Titaya wa yao: mae jo; ra" jo, to' lhin" gug yo we' Go"-im mang: Hayoshed' vo mae" ru Kishun lao joe" sho' yao" byu a jham ataung14 re jhui" zhag' ra". – Debora wa to" wa, to" wa, . Ana" ba kam" wa AsAng Mo"so: yang Titaya re ni" lo, mae qhaug' byid' ra" ba na ngaid: . AsAng Mo"so wa ni" qhid' au: mae su: va" mangaid: i"? ga: mho: re Baraid wa byu datug we' daga" Tabo bam mae" gyo"15 lo: ra". – AsAng Mo"so wa Titaya we' yao" jo, to' lhin" , gye khe' gyezo: qe re Baraid' qhid' kheim: mae shae: yang seim" nhao: pye' mung: Titaya wa yao" lhin" mae" gyo"16 mung: khyid khyo" tao" phao: ra". – Baraid wa lhin" jham , gyezo: qe re Go"-im mang: Haroshed' vomo" joe" sho' cao" mung: Titaya gyezo: qe alhab' dayaug lao" madang shae: yang shid thao" pye' veko".17 Titaya wa Keni nhae Heba yham sang myhi" Yela zaung khug khyo khyid khyo" phao: vao ye" ra". Ai: ayo, Hazora jhaung zug: Yabin: wa Heba nhae mae" Keni byu qe we' bag phaung: zhaug' mung: na:18 ra". – Yela wa Titaya re ye: tug nae" tau: thug' ye: mung: asang vao lo re: . Nga" zaung khug khyo vao wa, . Dagyaug wa, ga: khai: vhao" yu: ru we' dakhyo: yao: wa Yela zaung khug khyo vao yang: Yela wa yao: re mai pho' vhe' nghoe' to" ra". –19 Yao: re: ngo qid shab' kyi: qid mavai" zo: byid: la, ga: mho' re , myiqe: wa nung: nug' thaug' phung" jhaug' ke' mung: xo' yang:20 mai pho' vhe' nghoe' to" ra". – Yao: wa zaung kham: dung: mae na: na byid: la, . Dayaug daqo: yaug gai na: i"? ga: li" myid'21 re mana ein: ta" wa, ga: mho: to" ra". – Ai: au: Heba yao: myi: Yela wa Titaya myaung" byaug mung: yab: myhid' jo; au: seim zaung daung" zang dalam: we' be, dau yu yang: yao: jhao" sae za: lo" mung: daung" zang myid mae zaug: vao lo" sho' yao" no: tang: mae be; vhao" zhaug' ke' yang: Titaya22 shid: byaug: ra". – Baraid' wa Titaya re cao" qho: qin" au: Yela thug' lo mung: ngo jhao" vao li" ri: . Nao qho su re qhu" nae" ga: lham: tug zo" Baraid' zaung khug khyo vao lo" mung: no: tang: mae daung" zang be; zhaug' to" ra" Titaya shid: jo; ru re lo" myao: ra".23 Ai: ba re AsAng Mo"so: yang Khanain: jhaung zug: Yabin: re Israel qe: qhid' kheim:24 mae khyo" pye' byid: mung: – Israel qe re: ai: jhaung zug: re qo" phyo' pye' ra" ayo, joe" sho' lhang khao: ngo" aung myaug; aveko".