1 Ai: thao Samsun: wa saungso yaid yo, re caid' nau" she yang: yao: myi: kam: ga: li" lo: ra". Ana" yao: wa yab qe khyo nga" yham sang myhi" jhao" ngo vao nae" ga: mho: re2 yaug pho" tam" ra". – Nao nga" zo: re qu" gyid' byaug; ava" ein: dao" nghae" yang: ni" zam" cao: re byid: zho" pye' va". Yao: nhaung: wa yao: tho' je: yaung" ra" mhao". Yao: bai" atha" yao: nhaung: re yu wa, ga:3 ta" ra". – Ai re pao yang: Samsun: wa ngo Philisti byu qe re qobo kaid' qere: yao: bam ngo re qobo byid: nae" khyo majo, ga: mho:4 ra". – Ai we' dakhyo: ye" lo" mung: zag ne sam yo taung" yu yang: myi: dam qho: yu mung: ai: zag ne: shomyi: re dazam" zam" myag: paung" to: yang: ai: agyo: tau myi:5 dam taui" te' to" ra". – Ai: myi: dam mae myi: te' ke' yang: Philisti byu qe: yo khyo nhao: vhao" ke' ra". Ai ru: mung: gaug gae , gaug dang: , sabyi' khyae , Zhainlun: khyae6 jham nga" pye' ra". – Philisti byu qe wa ce: mau" khag' kaid' thug' ru ga: myid: ca: ke' re Timanaid vobyu pho" zomo, Samsun: kaid' ra". Yao: myi: re yao" zam" cao: jhao" byid: zho" pye' va" mangaid: i"?. Ai: mathao: yang ngaid: ra" ga: ta" kyo" ako". Ai lao" Philisti byu qe li" mung: ai: myiqe: pha: re7 ngha" pye' ako". – Ai: mathao Samsun: wa naonhaung" ai: khyo: kaid' ko" ru mung: ngo re: nhag' shid sho' lage, phaug' shinae", nhag' shid lao" za: to: zai ngaid: ga: mho8 yang: , – yao: bam re dalhang: dae qam: ke' yang: se' tam" pye' ra". Yao: re: Etam: laug aug' khug mae yevho' na: ra".9 Ai mae" Philisti byu qe do, lo mung: Yuda mang: mae gyetab zhaug' yang: Lehi10 joe" sho' to, byang" ngaid: bam va". – Yuda byu qe wa pe" mung: gye kaid' lo ko" ga: myid' re ngonhaung" re Samsun: kaid' ru: ngonhaung" re: yao: re taui" yu mung: nhau" nae" ein: li" lo: ru ngaid: ga: mho:11 ako". – Alao" Yuda byu sam taung: gu: wa Etam: laug aug' khyo ye: mung: Philisti byu qe wa ngonhaung" asang ngaid: ru nao maba i"?. Nao ngonhaung" re pe" mung: ce ru: kaid' ru ga: myid' ako". Yao: wa yao: bam ngo re kaid' ra" khyo: yao: bam re ngo12 mho" ru ngaid: ga: dam: ta" ra". – Yao: bam wa nao re taui" jab mung: Philisti byu qe: lo, khyo qhaug' pye' nae" tau: ana" ngon- haung" li" lo va" ga: mho lao" Samsun: wa naonhaung" lo; yang ngo re mase' nae"13 ein: nhang: ge, ga: mho: ra". – Yao: bam wa mase' nae". Tang tang za: taui: mung: yao: bam: lo, khyo qhaug' nae". Dang dang ngonhaung" lo; yang nao re mase' nae" ga: ta" mung: taui: asag' shid' khe' yang taui: yang: ai: laug aug' mae" jhui" thug' lo: ra".14 Lehi jo, qo mae joe" lao" Philisti byu qe wa tug: yu yang: zag hug' ako". AsAng Mo"so: Solo wa yao" adao mae joe" gyo" mung: yao" lo, mae taui" to" ra" taui: jham wa myi: zao" ra" jid: mo" ru: boe" yang: taui"15 to" ru gyaid: lo" byaug: ra". – Yao: re: ai: myao: ae cae: qug: jam: za: the' myao yang: gaug; yu mung: byu dataung se' pye' ra".16 Bin: se' lao" yao: wa myao: ae cae: qug' yang abam azao , myao: ae cae: qug' yang byu dataung ngo se' venhaung ga: , –17 myao: ae cae: qug: shepye' ke' mung: ai:18 jo, qo re Yamaid-lehi ga: mhang" ra". – Ai: thao yao: qid gyai shab' yang: AsAng Mo"so jhao" jhaung: mho' ra". AsAng we" nao wa ce qhi" qi" ra" khyaid' yu: khyo re ni" jeim nga" lo, mae bin: byid: va" thao ana" ngo qid shab' yang: nyaug malhai" ra" byu qe: lo,19 mae joe" ca" nae" i"? ga: mho' ra". – AsAng Mo"so kam" wa Lehi jo, qo lao: khaung: mae qid dung: phung" byid: mung: ai: tau qid thug' lo: ra". Yao: wa qid bin: shaug' yang: myaung: ngho" yu mung: so' dam: tha" yu ra". Ai ru: mung: ai: qid thug' re Enhakora ga: mhang" ra". Ai wa ana" ba20 joe" Lehi jo,qo mae jo; ra". – Samsun: re: Philisti byu qe: ta mae Israel qe re zin na shid' xe ug; gam: ra".