1 Samsun: wa Timanaid' khyo ye: mung: ai: vo mae Philisti myiqe: dayaug re ye the'2 myao: ra". – Ai mae" yao: tug' lo mung: myhi" pho" tao re Timanaid' vo mae" Philis- ti myiqe: dayaug ye the' myao co' va". Ngo3 re mho' byid: gela, ga: lo: ta" ra". – Myhi" pho" tao wa nao nyaug malhai" ra" Philisti byu qe mae myiqe: ye: yu: ru wa ngon- haung" amyu" mo, cao: mae" ni" yaug pho" nau" dayaug re: mana lo: i"? ga: mho qere: Samsun: wa ai: myiqe: re mho' byid: gela, . Gyai o: kyi va" ga: yao: pho" re mho' ra". –4 AsAng Mo"so kaid' ra" khyo" , Samsun: wa Philisti byu qe re pyi qho: ra" akhyo myhi" pho" tao mamyao: ba ko". Ai: ayo, Philisti byu qe Israel amyu" re ug: ra" yo, ngaid:.5 Ai: au: Samsun: wa myhi" pho" we' daga" Timanaid' khyo ye: mung: Timanaid' sabyi' khyae mae joe" re Lo:tin: aqae dadau: yao: re myao yang: lham: kyid' ra". –6 Samsun" lo, mae ai: au: pe" maci qere: AsAng Mo"so: Solo yao" adao mae gyo" zaung yang: yao: wa caid' be, nau" re lao" cain" pye' ru: Lo:tin: re lao" cain" ke' ra". Ai qere: yao: kaid' ru re yao" myhi" pho" tao7 re mata" kyo: ngaid: ra". – Vo khyo joe" ye: mung: myiqe: nau" we' yejho" qhug' yang:8 Samsun: gyai: nhag' dag: ra". – Ayo, joe" mung: ai: myiqe: re vhin" yu nae" tau: ye" lo" re Lo:tin" mao gaung qu" nae" ga: khyo thaung" vao: qu" re Lo:tin: mao gaung khug mae byo: am we' byo: yhid bo: jo; ru re the'9 myao: ra". – Alao" yao: wa le; yu mung: zo" ye" lo" ra". Myhi" pho" tao jhao" joe" yang: byid: zho" re yao: tao re: zo" ako". Ai qere: byo: yhid re Lo:tin: akhug mae" le; yu: ra" akhyo re mata" kyo: ngaid: ra".10 Yao: pho" re: myiqe: na: khyo ye: mung: Samsun: wa zoqae qe: li jo; we' dakhyo:11 poe kaid' ra". – Ai: jo, qo mae" byu qe Samsun: re myao lao" yao: we' daga" poe boleim" nae" tau: byu sam xe khai byid'12 ra". – Samsun: wa naonhaung" re ngo dao: lhaung" ta" nae". Cepoe nhaid' ba gyo: mae qo" phyid ko" ngaid: re mai pho' sam xe ,13 bau: sag' sam xe ngo byid: nae". – Maqo" phyid ko" ngaid: re naonhaung" khyo" mai pho' sam xe , ve, bau: sam xe ngo re byid: ca" genae" ga: mho lao" yao: bam wa ni" dao lhaung" ngonhaung" re ta" la, ga: khae:14 yu: ako". – Alao" Sam sun: wa Ba: zo: yaug akhug mae" zo: nam , qam: bo yaug akhug mae" acug thug' li" ru pe" ga: myid' ra".Ai: dao: lhaung" re yao: bam sam ba lam: lam: maqhug' qho ko".15 Byid ba ein: ba joe" lao" yao: bam wa ni" yham sang pho" dao: lhaung" re ta" kyo: nae" tau: yao: re ye jhui" wa, , ai ru: makaid' lao" nao we' ni" ba nam jham re ngha" pye' nae", ngonhaung" zai re lhaid' yu nae" tau: ngonhaung" re khai: ru i"? ga: Samsun" yao: myi: re ye: nhin" ako". –16 Samsun" yham sang myhi" wa yao" qhid' kheim: mae ngug mung: nao ngo re majhid' de, gyid' ru ngaid: ra". Nga" amyu" qe re dao: lhaung" ta" mung: ngo re wa mata" kyo: ngaid: ra". Samsun: wa ngo nga" myhi" pho" re lao" maqhu" ru nao re qhu" ca" nae"17 i"? ga: mho: ra". – Ai qere: poe ba na nhaid' ba geim" yham sang pho" qhid' mae ngug; na: ru mung: nhaid' ba ein: ba re kam" yao: saung" ta" yang: lase" ta" kyo" ra". Myiqe: re: yao" amyu" qe re dam: ta" kyo: ra". –18 Vobyu qe wa nhaid' ba ein: ba ba mavao shi: re li" mung: Byo: yhid tho' pe" ja: je: cug: ra". Lo:tin: tho' pe" ja: qam: je: bo: ra" ga: li" phyid: ako". Samsun: wa naon- haung" nga" nung: bae" yang maphaug' re nga" dao: lhaung" lase" re ba: qho: phyid'19 zai mangaid: ga: ta" ra". – AsAng Mo"so: Solo wa Samsun: adao mae joe" gyo" mung: yao: wa Ashakelung: vomo" khyo ye yang: vobyu sam xe zo: se' yang: yao: bam: zai lhaid' yu mung: dao: lhaung" lase" re phyid: ra" mo, jhao" mai bau: dazam" zam" byid' ra". Ai mae" yao: nhag' yo: mung: yao" myhi" pho" yham khyo lo" byaug: ra". –20 Yao: myi: re wa Samsun" zam" cao: jhao" byid: zho" pye' ko" ra".