1 Ai: thao ngo" ein: ra" mug: logyo: wa labo" re dam: maid: ke' ra". Ailao" myid gaung khyo kyi dace' byid: gyo" li" ru re ngo myao: ai: kyi re myid sao: dung" kham: so:2 zo, re byid' ke' qhug' ra". – Ai:kyi wa myid sao: dung: re phung" ke' lao" ai: myid sao: dung: mae" myi: khyeim" mo" mae" myi: khug' ru" ru thug' li" ra". Myi: khug' ai: yang aung ba khye' we' mug: le; phyo: wa caid'3 no; lo" byaug: ra". – Ai: myi: khug' thaui: mae" khyag' phaung" jham thug' li" mung: myid gaung khyo gyo" lo" ako". Ai:khyag' phaung" jham we' gung gug' jham: nyhain:4 re byid' to" ra". – Myid gaung dao mae" mhin: zo: laung la we' sag' gae jham re mazao" thaung: lo: za: nga: lao: mae Mo"so: so:te' made; ra" byu qe re za: yhin" nae" tau:5 yao: bam re ta" to" ra". – So: deim: made; byu qe re kam" se' pye' nae" akhang" maqo" ko" ngaid: ra". Lho" ngo" khye' yhin" nae" akhang" za: qo" ako". Ai: yhin" ra" dae: yang khai" no nhao: ru wa gung gug' yang pe'6 yang: khai" no: ru we' dau: ra". – Ba na ai: gu: mae Sosu byu qe wa shid khyo qho genae". Ngaid yang: re: shid khyo maqhug' genae".Yao: bam wa khonho" shid nug gengaid yang: re: shid zug: wa yao: bam7 mae" phao: byaug: li" genae". – Ai: khyag' phaung" jham: gaung khyao wa gye khe' ye: nae" jin" jin" ngaid: ra" myao: jham we' dau: ako". Yao: bam: myo, khung: wa byu we' dau mung: yao: bam: au: mae Dain zi8 maug zhaung" ci: ako". – Yao: bam: xae wa myiqe: qe: xae ru" ru ngaid: ako". Zaui wa9 lo: tin: zaui ru" ru ngaid: ra". – Qao gao jham wa jo, to' qao nghoe' ci: ru we' dau: ako".Yao: bam: daung vhag' thoe wa gye zin: jao: khyo myao: myo: sho' dau" yang myao: lhin" re she: tao" ye" lo" ru we' dau:10 ra". – Shomyi: wa gung gug' we' dau mung: shomyi: mae re: zau: de; ra". Sosu byu qe re lho" ngo" khye' yhin" nae" akhang" qo"11 ako". – Yao: bam: jhaung zug: wa myid sao: dung: re ug: ra" mug: logyo: ngaid: ra". Yao" mang wa Hebre" myain" khyo" Abad- don: ga: Helini myain" khyo" Apollyon: ga: mhang" ako".(Lase" wa phyo' qheim" yaug ga" ru ngaid: ra").12 Sao qhid' re" qug: khai: khyag' qhui: ru lai: lo" va". Thao mae joe" lo nae" kyi" khyag' qug: khai: shid' ja: jo; ashi".13 Ai:thao khyaug' yaug ein: ra" mug: logyo: wa yao" labo" dam: maid: ke' ra". Ailao" Mo"so: qhid' kheim: mae jo; ra" hhang ngaui" phain khyug mae" thoe da thoe myang: thug' li" ru re ngo the' gyo"14 ra". – Ai:thoe wa mug: logyo: khyaug' yaug ein: yaug re Uphared" qid gyaung: nhae mae taui" to" ra" mug: logyo: byid15 yaug re pheim: ke' wa, ga: ta" ra". – Mug: logyo: byid yaug wa pheim: ke' ru qhug' veko".Yao: bam wa dazin , dakhye' , daba , dayo, qug: gyo: mae Sosu sam bam mae" dabam re se' pye' nae" tau: seim" nyhang"16 na mo, ngaid: ako". – Myao: jui: sulhe: gye zo: qe wa kyid shid' yo ngaid: ga: nghe'17 thoe re ngo the' gyo" ke'. – Ai we' dakhyo: myo, myhung" mae myao: jham we' myao: jui: sulhe: qe re the' myao: . Au: lam: wa lo: tin: au: ru" ru ngaid: ra". Yao: bam: nhaid' mae" fang myi: , myi: shae , myi:18 khug' thug' ra". – Yao: bam: nhaid khug mae" thug' li" ra" myi: shae myi: khug' fang qang" yang Sosu byu sam bam mae" dabam19 se' jheim" ru qhug' ako". – Khoru: ga" re yao: bam: qam: o: kheim: so' wa yao: bam: nhaid' khug we' shomyi: mae bo: ako". Shomyi: jham wa lhao maui we' dau mung: au: jham de, yang: byu qe re ai: yang dae20 te' ako". – Ai:qam" mae mashid: ra" mo, alhab' wa yao: kaid' ra" lo, mau" zo" mae" nhag' myid atha" maqo" ko" ngaid: ra". Yao: bam wa yui re re: myo, mamyao no: magyo: maqo" su" ra" hhang ngaui gyid: ne laug we' sag' yang kaid' ra" alho jham re goe; pa" ru re mathang: pye' ko" ngaid:21 ra". – Byu se' ru , vha" ru , gaung sho: o: byid: ra" phavae mau" , su: jo, nho" khug' ru mae" re: naung myid atha" maqo" lhang: lo ko" ngaid: ra".