1 Mug: gaung mae mug' pho: ve, lho daja: bo: thug' li" ra". Myiqe: myhi" dayaug ba mo" khye' re ve; ci mung: lho" mo" khye' re wa khyid: yang zab: ci: ra". Yao" au: mae kyi daxe: shid' ce' de; ra" dain zi2 maug re zhaung" ci: ra". – Myiqe: myhi" wa ve, vin shi: zaui: mung: zo: khau no no3 yang: gyi: ngug: na: ra". – Mug: gaung mae mug' pho: daja: dam: thug' li" ashi". Au: nhaid' au: khyug daxe khyug de; ra" mao jaung: ne qi: dadau: wa yao" au: jham mae" dain zi maug nhaid' lam: zhaung" ci yang:4 thug' li" ra". – Mug: gaung mae" kyi sam bam mae" dabam re yao" sho:myi" yang she: khyaid' yu mung: myid kin dao khyo pye' khyo" ke' ra". Mao jaung: wa myiqe: myhi" zo:nau" khau: ke' we' ai: zo:nau" re zo" pye' nae" ga: myiqe: myhi" qhid' au:5 mae ye; jo; ra". – Ai: thao myiqe: myhi" wa byumyu" alhab' re jo, to' zaung: bao" yang ug nae" tau: yaug gai zo: re khau myhung: ke' ra". Ai: zo:nau" re Mo"so jhao" re: , la6 kin tao" khyo re: jhui" do, lo" ra". – Myiqe: myhi" Mo"so: yang nyhang" to" ra" gao so yo dajo, qo khyo phao: ye" lo" mung: ba na dataung shid' yo: khyaug' xe ba: gu: mae gae zho: jhaug' genae" tau: na: na: ra".7 Mug: gaung: mang: mae gye boe" ra". Mikhaela, we' yao" mug: logyo: qe wa mao jaung: we' gye jho" khaid' ako". Mao jaung: we' yao" logyo: qe wa gye seim" byaug:8 ra". – Mug: gaung mae yao: bam wa na jo,9 qo maqo" lo: ko" ngaid: ra". – Mug: myid gye, geim" re cao" mhug' pyag' qin" ra" yui ga: mang: ra" tau: lhain: yaug genhae" geco' mae" lhao maui ngaid: ra".Mao jaung: wa myid kin dao khyo yao" thao de, mo, we' daga" khe' khyo" ke' ru qhug' veko".10 Mug: gaung mae" thoe mo" wa ana" khyaid' yu: ru ngaid va". Mo"so wa phung bao qam: so' re qhu" byid: va". Ana" yao: Meshia wa yao" kheim: so' re qhu" byid' ava". Pe" mung: ga" re ngonhaung" re Mo"so: qhid' kheim: mae myi" na" yhin" ru qug: khai: byid' na ko" ra" mo, wa mug: gaung: mang: din" mae" khe' khyo" pye'11 ru qhug' ava". – Yao: bam wa yao nau" sa" yang re: yao: bam: sagso: mung dao" yang re: ai: mao jaung: re aung: pye' veko". Yao: bam wa nhaid' ta" ru we' lo, qaug sagso: kham veko". Yao: bam wa yao: yao" kao re12 pe" shui manho ko". – Airu: mung: mug: gaung: mang: din" we' ai: mae na: ra" mo, we" ngaui bau: ge, ngaid qere: myid kin we' qid dae tau: mae" wa byuxa: voqoe, genae" lhe". Khoru: mung: ga" re yui wa nhag' mo" yo" ci mung: yao" tau: ayo, myo: sho' majo, lo: ga: ba mung: yao: wa naon- haung" jhao" joe" li" va" ga: hug' ra" thoe mo" re ngo the' gyo" ke'.13 Mao jaung: wa yao: re myid kin khyo khyo" pye' va" ru re beim: lao" yaug gai zo: khau: ra" myiqe: myhi: re yhin" ra". –14 Ai: myiqe: myhi" wa zeim baung: daung vho' shid' vho' te' byid' ru qhug' ra". Ailao" yao: wa lhao maui: yang mamyao lo: za: vho' na nae" jo, qo mae data , shid' ta we' dakhyae: zho: jhaug' genae" tau: gao so yo15 khyo ye" ra". – Ai: myiqe: myhi" myung: lo" veshao: ga: mao jaung: wa yao" nhaid' mae" qid dang: qid je: au: ru: phoe" thug'16 ke' ra". – Myid gaung wa myiqe: myhi" re bao" yu: mung: mao jaung" nhaid' mae" thug' li" ra" qid re myhug: pye' byid' ra". –17 Aimung: mao jaung: wa myiqe: re nhag' zai" yo" ke' yang: ai: myiqe: myhi" zo: myid: qe ngaid ko" ra" Mo"so: khang" dao: re phug' cao" mung: Mo"so: yang qhu" byid' ra" dang main" ru re jhaug' zaug za: zaui" zag: ci mo, alhab' re gye kaid' nae" thug' ye" lo" ra".