Myo,Myhung"-7

(SHAO GYANG" JHAM: PAUG' )

切换到福音影视网-新版圣经

  • 1 Ai: thao myid gaung gye, geim" mae re: sag' gae jham re re: bang: lae jham mae re: la mahug' zao" nae" tau: mug: logyo: byid yaug wa mug: myid myo, nho byid shaid' mae ye; na mung: byid khyug mae" lagaug' la re zaui" tam" zag: to" ako" ru ngo the'
  • 2 myao: ra". – Aimung: kao daui: na: ra" Mo"so: so:xam: ci: ra" mug: logyo: getau dayaug ba thug' shaid' mae" thug' li" ru re ngo myao: .Yao: wa myid gaung we' bang: lae jham re dae te' vegeshao: ga: mho: ke' qhug' ko" ra" mug: logyo: byid yaug re
  • 3 zag: hug' mung: ta" ke' ru wa . – Mo"so: daui mung mo; nga: lao: mae so:xam: za: mabin: te' te' re myid gaung we' qid mang: dae rere: sag' gae jham rere: pe" dae date'
  • 4 shi: ge, ga: mho: ra". – Airu: so: xam: te' qhug' ra" mo, khonho" yaug ngaid ko" ga" ru re qug: na: ru ngo qo" gyo". Yao: bam wa Israel amyu" daxe: shid' kaung mae" soxam: te' mo, 144000 yaug ngaid: ako".
  • 5 Yuda, kaung mae" datug: shid' taung:, Rubin" kaung mae" datug: shid' taung , Gaid' kaung mae" datug: shid' taung.
  • 6 Asha: kaung mae" datug: shid' taung Nabthali' kaung mae" datug:shid' taung. Manashe: kaung mae" datug: shid' taung.
  • 7 Simon: kaung mae" datug: shid' taung Levi kaung mae" datug: shid' taung.
  • 8 Iskha: kaung mae" datug: shid' taung , Zabulun: kaung mae" datug: shid' taung , Yoseb' kaung mae" datug: shid' taung , Benyamin:: kaung mae" datug: shid' taung soxam: te' qhug' ako".
  • 9 Ai:thao ngo qu" ke' re khag' re: maqo" tho' nghe' ra" byu mo, thaui: phaung mo" zang re the' myao: yao: bam wa byumyu" cao jab akaung aboe: cao jab mae" mang: din" khao: ngo" mae" myain" cao jab mae" ceim" zang" ham: li" ko" ra" mo; mo, thaui: phaung mo" ngaid: ra".Yao: bam wa mai bau: phyu ve, mung: lo, mae Zhainlun kyao ci mung: la kin tao" qhid' kheim: we' yao nau" qhid' kheim: mae ye; na: bam: ako".
  • 10 Yao:bam wa La kin dao mae zaung: na: jo; ra" ngonhaung" Mo"so we' yao nau" yaug yo: ra" khyaid' yu: ru wa ajo; jo, veshao: ga: thoe mo" ke' yang: hug' na:
  • 11 ako". – Mug: logyo: qe wa la kin lhang" gam: mae" lau: de, qe we' gug' nyhug' byid dau" lhang" gam: mae ye; jin: bam ko" ra" mug: logyo: qe wa la kin qhid' kheim: gam" goe; mung: Mo"so re goe; pa" na: ako".
  • 12 Yao:bam wa Amen ngonhaung" Mo"so wa mug: khothao" myid khothao" mae phung bao juyi we' nga: lho" ra" kheim: so' qam: o: wa ajo; jo, veshao: ga: ta" ako". –
  • 13 Lau: de, qe mae" dayaug wa ai: bau: phyu qhang ve; ra" mo, cebam wa khag' ngaid: ako". Khai: mae" joe" li" mo, ngaid: ako"?ga:
  • 14 ngo re myid' ra". – AsAng we" ngo maba AsAng wa ba: ra" ga: phaug' tau". Ailao" yao: wa ce: byu jham wa qug: khai: kyi" khyag' mo" re lai: phyid' lo mo, ngaid: ako". Yao: bam: mai bau: re yao nau" sa" yang cid'
  • 15 phyu: pye' mo, ngaid: . – Airu: mung: yao: bam wa Mo"so: la kin qhid' kheim: mae ye; na mung: myi" na" jhaung: yham mae yao: re caung da" caung: khin" nghaui" na: ako". La kin dao mae zaung: na yaug re:
  • 16 yao: bam we' daga" za: na: na ra". – Yao: bam wa vae: moe; qid shab' re: maphau: lo: genae". Ba lhe' mug: jin: re: maqhug' lo:
  • 17 genae". – Pe" mung: ga" re la kin: akhug: mae na: ra" yao nau" wa yao: bam re zho: jhaug' na: ra". Yao: wa ai bam re kao so' qid baug: khyo jhui" shid' li" nae".Mo"so re: yao: bam: myo, khung: mae" ngug byid re shao" sho' said' pye' byid: nae" ga: tau" ra".
回到本卷目录 回到本版本目录 回到首页