1 Yao nau" wa so: xam: nhaid' ce' mae" dace' re phung" ke' lao" ai: gu: mae mug: dam: thoe qhi" bo: ra" thoe re ngo the' gyo". Li" qu" wa, ga: khai: ra" gug' nyhug' byid2 dau: mae" dadau: re ngo myao: ke'. – Ngo qu" ke' re myao: phyu dadau: we' myao" dao mae jui" ra" yaug wa la: daphau: ci: ru re myao: ra". Yao: re dain zi maug byid' ru qhug' ra". Ai mung: yao: wa damang" thao damang: re khe' zin" aung nae" khyo thug' ye" lo" ra".3 Shid' lam: ein: so:deim: ce' re phung" ra" au: shid' dau: ein: ra" gug' nyhug' wa li" qu" wa, ga: khai thoe re ngo the' gyo". –4 Ai: thao mae myao: ne dadau: dam: zhaung: thug' li" ra" myid kin dao mae" yaug yo khyo re yu: pye' nae" myao: dao mae jui" ra" yaug re kheim: so' byid' ke' ra". Ai wa yao: bam yao: cao: jho" se' vegeshao: ga: yao" lo, mae shae zang dakhyae: byid' to: qhug' ra".5 Sam ein: ra" so: xam: re yao: phung" ke' re li" qu" wa, ga: sam dau: ein: ra" gug' nyhug' khai thoe re ngo the' gyo" ke'. Ai:thao mae myao: no, dadau: na: ra". Ai: myao: re jui" ra" yaug: lo, mae jao dalam:6 ci: ra". – Gug' nyhug' byid dau: mae" thug' li" ra" thoe we' dau: ra" thoe dathoe re ngo the' gyo". Ai: thoe wa saungso cin dathaug' pyid' we' lag mo" cin sam thaug' pyid' re ngaui dakye' ngaid: lhe". Ngaid qere: xau we' sabyi' qang: re dazao" thaung" qheim" ga" thoe re ngo the' gyo".7 Byid ein: ra" so: xam: re yao: phung" ke' lao" li" qu" wa, ga: byid dau: ein: ra" gug' nyhug' mho thoe re ngo the' gyo". –8 Ailao" ngo lhang: qu" ke' re myao: ma" dadau: re myao: ke'. Ai: dau" adao mae jui" ra" yaug: mang wa shid zug: ngaid: ra". Movo: mang: re: yao" thao cao" ra". Myid kin byid bam mae" dabam: gu: re gye khyo" , bao" khug' khyo" , qam" aja: ja: khyo" , myang kha: zoqhid jham khyo" se' jheim" tam" pye' nae" kheim: so' yao: bam qo" the' yu: to" ako".9 Ngo" lam: ein: ra" so:deim: re phung" ke' au: Mo"so: mung dao: mathao: yang re: yao: bam vin tang: za: sagso: kham ko" ru yang se' pye' qhug' ko" ra" mo; solo jham wa phain gyid' mae na: bam ko" ru re10 ngo myao: . – Yao: bam wa thoe mo" ke' mung: shao gyang" dang main" ru we' qam: so' bo: thao" ra" AsAng we" ngonhaung" re sa: zo, gyo" mung: se' ko" ra" mo, re nao wa dae co' maphaug' mapyam" lo: khomy- hao" joe" sho' na: na nae" i"? ga: zag: hug' yang: ta" ako".11 Yao: bam re phyu: ra" mai bau: qhang byid: qhug' ako".Yao: bam wa se' pye' qhug' va" mo, ru: se' pye' ru qhug' genae". Yao:bam: mao: nhaung: qe we' mau" zaui: cao: qe re: cao" joe" lo sho' lao" na shi: ge, ga: hug' yang: ta" ko" ra".12 Khyaug' ein: ra" so:deim: ce' re phung" ke' ra" au: ngo qu" na: re myid lab: lab' li" ra". Ba mo" khye' wa pin: no, re" ru: no; lo" byaug: ra". Lho" mo" khye' re: sa: we'13 dakhyo: byao ne: li" ra". – Pho' ham" gae wa la qam" hug' lao" laui: yang: shu: gyo" ra" pho' ham" shi: akyid jham re" ru: kyi jham wa myid gaung khyo byid:gyo" lo"14 ako". – Mug: gaung re: tung" dang: we' dakhyo: dang" lham" lo" byaug: ra". Bam jham we' gogyo: kao" jham re: yao" jo, qo15 mae" qhui" lo" byaug: ako". – Myid gaung dao mae" jhaung zug: qe , dai zug: qe , lau: de; mo" ngaid mo; sulhe: qe, jeim qe we' getau: byu qe yaug khao: ngo" wa dung: khung: akhug mae we' bam nyug lao: phyo: mae" laug baui qao: jham mae phao: vho' na: na genae". Ai: bam jham laug16 baui jham re yao: khai: ke' mung: – Bam jham we' laung: mo" baui jham we" ngon- haung" adao mae baid: nhai" byid: gela,. La kin mae zaung: na: ra" yaug: myo; yang mamyao nae" we' yao nau" nhag' gyid' ru mazao" nae" tau: ngonhaung" re nghoe'17 gam: to: byid: gela,. – Yao: shid' yaug qu" gyaug qu" lhaung sho' nhag' gyid' ra" ba na ayo, wa joe" li" venhaung i"?. Ai re khoy- aug qo" zang: qhao" nae" yha" ga: zag:hug' yao: na: ako".