1 Mug: gaung sag' we' myid gaung sag' rere: ngo myao: . Pe" mung: ga" re sao qhid' re" mug: gaung we' myid gaung wa2 qaui" lo" byaug veko". – Qid mang: dae re: majo, lo: . Shao gyang" ra" vomo" Yerusa- lem asag' wa Mo"so mae" mug: khyo" gyo" li" ru re ngo myao: ke'. Ai wa lao sag' we' jho" qhug' nae" tau: shaung: yhaung" ci:3 ra" myhi" sag' we' dau: ra". – Mug: gaung mae" thoe wa Mo"so: seim zaung wa Sosu byu qe we' daga" jo; to" ra". AsAng wa yao: bam: khug mae na mung: yao: bam re: AsAng: byu qe boe" genae". Mo"so re: yao: bam we' daga" za: na: to: mung: AsAng wa4 yao: bam: Mo"so boe" nae". – Mo"so wa yao: bam: myo, jid' mae" ngug byid re said' pye' byid' li" nae". Thao dalhang shid no: ru gaung yug shobyo; ru kaug' qhui: gyi: ngug: ru majo, lonae". Genhae" mae" boe" va" jham qui" byaug: lo nae" ga" thoe ngo5 the' gyo". – La kin tao" dao mae zaung: na yaug wa qu" ge, ngo wa ja: nam jab re asag' kaid' pye' va"ga: mho mung: ngo re dang jhaug' yang: dang main" ra" ce: dao: re tung" to: wa, ga: xo' mho: ashi" ru wa –6 Nga" mau" zo" wa kyab' va". Ngo wa Alpha re: , Omega' re: ngaid: . Aqhid re: ngaid: athao" re: ngaid: . Qid shab' yaug re ngo wa aphug' mayu lo: kao so' qid thug' mae"7 qid re byid: jhaug' nae". – Aung myaug va" yaug kam" wa acao ajab re Ma qhug' ngho" nae". Ngo wa yao" Mo"so ngaid mung:8 yao: wa nga" zo: ngaid: ra". – Gyaug mo, , malam" mo, , dao: so: ma zaung mo, byu se' mo, , nyain vho" phavae mau" kaid' mo, alho re goe; pa" mo, , mhug' pyag' vhain" mo, we' vha" zo: mo, kam" wa fang mo" myi: khyeim" khug mae yao: bam: aphug' the' phau: genae". Ceru wa shid' lhang ein: ra" shid khyo ngaid: ra" ga: ngo re ta" kyo" ra".9 Lo" thao" nho" mo" nhaid' ja: byang" bo: ra" keim ci ko" ra" mug: Logyo: nhaid' yaug mae" dayaug wa ngo jhao" li" mung: cekhyo te' li" qu" wa, ngo wa yao nau" myhi" sag' nao re qhu" nae" ga: ta" ra". –10 Yao: wa myhao: ra" bam dao khyo solo: yang jhui" do, lo" mung: mug: gaung: mang: Mo"so mae" gyo" li" ra" ai: shao gyang" ra" Yerusalem vogaung: re ngo re qhu" ra". –11 Ai: vomo" wa Mo"so: phung bao qo" mung: ai: vomo" wa phug' de; ra" laug qhi gyang"12 we' dakhyo: bao: qhi: ra". – Ai: vomo" mae myhao: ra" vokham" yang kyae" lhang" to" ra". Kham: dung: daxe: shid' dung: bung" ra". Kham: dung: ai: gu: mae mug: logyo: daxe: shid' yaug lhaug' na: ako". Israel daxe: shid' boe: mae" mang jham rere: kham: dung: mae tung" te' to" ako". –13 Dashaid' mae kham: dung: sam dung: , ba thug' shaid' sam dung:.Ba vao shaid' sam dung:, Qid meim shaid' sam dung: we' qid14 bang: shaid' sam dung: ngaid: ra". – Ai: vo kham" qao: pain wa daxe: shid' pyae bo: ra". Ai jham mae yao nau" logyo: daxe: shid' yaug: mang re tung" te' to" ra".15 Ngo we' jho" jhau: na: ra" mug: logyo: wa vomo" rere: kham: dung: jham rere: vokham" khyae rere: ka" nae" tau: hhang16 gyang: yao: dayao: ci: ra". – Vomo" ai wa byid khyug ngaid: ra". Apyi azhaung daqi" za: ngaid: .Mug: logyo: wa ai: gyang: yao" yang vo kham" re ka" au: qhang phyao: lae phyao: we' myhao phyao: dataung: shid' yo17 dain: (mile) kho bo: ra". – Yao: wa vokham" khyae re dam: ka" qu" re byu qe ka" ra" khyo: dayo: byid xe: byid daung" thau:18 ra". – Vokham" khyae wa laug gyang" yang zao: to' to: mung: vomo" re qab qhu" we' dau: ra" hhang agyang" yang kaid' to" ra". –19 Vokham" khyae apain re phug' de; ra" laug aja: ja" yang shaung yhaung" to" ra". Sao qhid' re" laug wa mhai: nyhug' laug shid' ein: ru wa Nila: laug sam ein: ru wa ne sham laug byid ein: ru wa laug mo, qhi. –20 Ngo" ein: lam: wa bo" mo, laug khyaug' ein: ra" lam: wa laug ne , nhaid' ein: lam: wa laug bo" , she' ein: lam: wa laug nyug gyang", gug ein: lam: wa laug phyu qhi, daxe ein: lam: wa ne mo, laug daxe: da ein: lam: wa laug mai: gyang" , daxe: shid' zang ein: zang wa laug mo, gyang" jham: yang21 kaid' to" ra". – Kham: dung: daxe: shid' dung: wa pau: lhai: daxe: shid' ce' yang kaid' ru ngaid: ra". Kham: dung: dadung: re pau: lhai: ce' dace' ce' yang kaid' to" ra". Vogaung: khao: ngo" mae" hau" mo" jham re qab qhu" re" ru: myao: kyao" ra" hhang gyang" yang myhung" to" ra".22 Ai: vomo" gaung: kao" mae jhaung: yham re mamyao: ke' ein: re Mo"so we' yao nau" wa jhaung: yham boe" pye'23 genhaung. – Ai: vomo" wa Ba bao lho" bao zho byid: maqo lo: ngaid: ra". Khoru: mung: ga" re Mo"so: phung bao wa vomo" dao mae bao byid: mung: yao nau" wa ai:24 vomo" myi: dam ngaid: ra". – Mug: myid dao mae byumyu" cao jab wa ai: bo" bao khug mae su: genae". Mug: myid: dao mae" jhaung zug: qe wa yao: bam: jo, nho" jham25 re ai:vomo" khyo yu:vao li" genae". – Ai: vomo" mae mug: caid' ga" ru majo, kham: zo: kham: zang jham re: myi" na" mae pyid'26 to" ru majo, – Byumyu" cao jab wa yao: bam yao" myo, nho nga: lao: we' jo, nho" jham re ai: vomo" khug khyo ci: vao lo: li"27 genae". – Mashao magyang" mo, maca' majhaid' mau" kaid' mo, mhug' vhain" mo, a ru" mo, ai: vomo" khyo khag' re: maqo" vao genae". Yao nau" kao so' tung" paug' mae mang japhin: bo: ra" mo, za: aqo" vao genae".