1 Qam: mo" bo: ra" mug: logyo: dayaug jham thaui: ve; ci mung: mug: gaung khyo" gyo" li" ru re ngo myao: yao" au: dao mae sang yhao lhang" kham" to" ra".Yao" myo, khung: wa ba re" ru: bao: qhi: ra". Yao" khyid sang wa myi: shae dang: we'2 dau: ra". – Yao" lo, mae tung" dang: ngai dalam: phung" ci: ra". Lo, yo khyid wa bang: lae mae lo, kaung: khyid wa myid3 gaung dao mae zab: ci: ra". – Yao" thoe wa lo: tin: haung: re" ru: thoe mo" thug' li: ra". Yao: hug' ke' lao" mug: dam: nhaid'4 lhang myang: thug' li" ra". – Mug: dam: nhaid' dae myang: thug' li" gelao" ngo wa alaug tung" xam" ke' au: mug: gaung mae" thoe dathoe wa datung" shi: ai: mug: dam: thoe nhaid' lhang: jhau thoe re zug' to: wa, ga: jhau: thug' li" ru re ngo the'5 gyo". – Bang: lae mae we' myid gaung dao mae ye; na: ra" mug: logyo: wa yao" lo, yo lo, re mug: khyo tau: to' ke' ra" ru re ngo6 myao: . – Mug: gaung myid gaung bang: lae re we' aijham: adao akhug mae na: ra" jo; ra" ja: alhab' re phain yaug ngaid: ra" thain" madaui gyag maqui: na: na: ra" Mo"so: mang re lao: yang: mug: logyo:7 nhang: kheim: jhau: ke' ru wa. – Mug: logyo: nhaid' yaug ein: yaug yao" labo" re maid: ke' lao" Mo"so wa yao" lapa qe re ta" to" ru we' dakhyo: yao" no; thao" myid: yaung: to" gu: re zaui" pin" li" nae" ga: ta"8 to" ra". – Ai: thao mug: gaung mae" ngo the' gyo" ke' ra" jhau thoe wa qid mang: dae mae we' myid mae ye; jo; ra" mug: logyo" lo, mae" tung" dang: ngai re ye: yu9 wa, ga: ngo re dam: ta" ra". – Ngo wa yao: jhao" ye: yang: tung" dang: ngai ngo re byid: la, ein: yao: re ye: mho'. Yao: wa zo" pye' wa, ai: tung" dang: wa ni" vae: dug: mae akho: ngaid nae". Ngaid qere: nhaid' mae wa byo: yhid ru: cug nae" ga: ta" ra". Ngo kam" tung" dang: re mug: logyo" lo, mae" yu zo: va". Nhaid' mae byo: yhid ru: cug: ra". Bin: zo: thao vae: dug: mae kho"10 ra". – Mug: logyo: wa nao re byumyu" myo: sho' qhid' kheim: mae mang: khao: mang: ngo" mae myain" cao jab mae we' jhaung zug: qe: qhid' kheim: mae lapa pa mung: mung dao: hau" kyo: ca" ra" ga: mho: ra".