1 Ephesu vogaung: mae" phung: re lhaug' zaung" na: ra" mug: logyo: re ceru: ein: tung" ke' wa, ga: mho: ra". Yao" lo, yo shaid' mae kyi nhaid' ce' re zaui" zag: ci mung: hhang myi: tao" nhaid' lam" agaung: mae su" qin" ra" yaug mho: ru wa nao kaid' ra" ave, lo, mau" re zang: qhao" ru we' myaung: dug taung" kaid' na: ru re ngo2 ba: ra". – Makhyang: mashab: ra" byu qe re nao maqo" zang: qhao" ru rere: logyo: mangaid' ra" mo, logyo: ga: ta" ko" ru re: ca: qu" mung: yao: bam mhug' ra" khyo myao:3 thug' li" nhao: ra" khyo rere: ngo ba: . – Ai mung: nao wa myid qhang vin: ra" akhyo we' nga" mathao yang qug: qe" ru mae qo" zang: qhao" mung: qam: mashain lo:4 za: phin" ra" akhyo re ngo ba: ra". – Ngaid qere: nao wa sao qhid' re ngo re jhid' de; ru we' dakhyo: ana" nao ngo re majhid' de, lo" ru: yang ngo nao re qobo vhin nug: ra". –5 Airu: mung: nao khovha" va: sho' gyo" lo" byaug va" ru re myid: qu" wa, nao kaid' shaid' lai: lo va" gu: mae" madam: lhang: phaug' lo re wa ngo nao jhao" li" mung: nao nhag' lam: matha" lao" ni" myi: keim tao" jham re yao" jo, qo mae" yu: pye' byid:6 nae". – Ngaid qere: Nikola thao cao" mo, re ngo qu" gyid' ru we' dakhyo: nao yao: bam re nghang" pye' ru: yang khin" nae"7 khyo dalam: bo: ra". – Airu: mung: nao no: de; ngaid: re wa solo: yang phung: jham re ta" ra" dao: tae" gyo: veshao: . Ngo wa aung doe, va" mo, re Pharadisu khyae mae" kao so' shi: re byid: zho: nae".8 Samura vogaung: phung" logyo: re ceru: ein: tung" vhin: ke' wa, ce: mung dao: wa sao qhid' we' lo" thao" yaug shid: ru mae" dam: daui: to" yaug mae" dao:9 ngaid: ra". – Ni" qug: khai: kyi" khyag' re ngo ba: ra". Nao wa myaug sho: ngaid qere: gai gai: yao: wa nao qo" ru re ngo ba: ra". Yuda, byu mangaid: mo, Yuda, byu qe ngaid: ga: ta" mo; yang magai: ra" khyo" ta" phoe: pye' na ko" ru re ngo ba: . Yao: bam wa lahaung: lapao: mo, phaung mae bobo mo; yang jung" na: ru ngaid: ako". –10 Naonhaung" kam" wa phau: nae" ja: jham re daci" dagyaug ge, naonhaung" jhao" qug: khai: phau genae". Qu" ge, yui wa naon- haung" mae" damyo" re kyam: lhaung" pye' ra" khyo" naonhaung" re lag yu: li" nae". Naonhaung" qug: khai: kyi" khyag' wa ba xe kho myao" li" nae". Shid sho' jhaug' zaug; na ge, Alao" ngo wa naonhaung" re apyaid ato: kao dain zi maug zhaung: byid:11 nae". – Solo wa phung: jham re khoru: ga: mho: ra" dao: kheim: re no: khye' de, yaug wa gyo: geshao: . Aung doe, va" yaug wa shid' lhang ein: lhang shid: ru re pe" gyaug jao: majo; .12 Pargamu: vogaung: phung" mug: logyo: re ceru: ein: tung" ke' wa, . Ce:mung: dao: shae su: shid' shaid' de; ra" shae qo" yaug13 mho: ra" dao: kheim: ngaid: ra". – Nao khai: mae na: rure re: , ni" mau" zo" rere: ngo re ba: na: nao wa yui lahaung: lapao: la kin jo, qo mae na: ra" nga" jhaug' zaug: ra" sagso: pho" Antipa se' qhug' ra" ayo, re lao" nao ngo re zaui" zag: ci mung: nga" lam" jang" myid maci: khyang ngaid: ra". –14 Ngaid qere: nao re qobo vhin nae" dajhid' zo: bo: ra". Israel qe sulho re qhaug' byid' ra" xeim: sho: zo: nhao nae" we' gaung sho: phavae mau" zo" khyo re cao" nae" re: tha" lang: jao: re: ju" phyo' khyo rere: qobo kaid' nhao nae" khyo: au: jhui" she: ra" Balag re juyi mho" shid' ra" Balam: mho" shid' khyo re cao" mo, naonhaung" phaung15 mae bobo: ako". – Ai we' dakhyo: naon- haung" phaung mae Nikola, mho" shid'16 dao: re cao" mo, bobo: ako". – Airu: mung: nhag' lam: tha" lhag' lo ge, ai ru: mangaid: lao" ngo nao jhao" hin hin za: joe" li: mung: nga" nhaid' mae" shae: yang ai: byu qere17 gye li" khaid' nae". – Lam khug: phung: jham re solo khoru: mho: rure no: de, mo, wa the' gyo: vegeshao: . Aung doe, va" mo, re ngo wa nyham" to" ra" Mana' cinmain" re byid: zho: nae". Aimung: ngo wa yao: re laug phyu dabaui byid: nae". Ai: laug phyu baui mae mang asag' re tung" te' to". Ai: laug qo" yu yaug za: mangaid: re mang aire khag' maba.18 Thuatira phung: mug: logyo: re ceru: tung" ke' wa, .Ce:mung: dao: wa , yao" myo, jid' wa myi: we' dakhyo: de, mung: yao" khyid wa bao qhui: ra" gyid: bo" agyang" we' dakhyo: bao: ra" Mo"so: yao: mae" mung dao: ngaid: ra".19 Nao pe" kaid' rure ngo ba: . Ngo wa ni" jhid' myid we' jhaug' zaug: myid ni" mau" zo" we' zang: qhao" rure ngo ba: . Ana" nao zaui: so" na: ru wa nao saoqhid' re zaui:20 so" ra" tho' je: ru re ngo ba: – Ngaid qere: nao re qobo vhin nae" khyo ceru: bo: ra". Yao: yao" gaung re lapa ngaid: ga: mho: ra" yham sang myhi" Yezabela re nao nha: to" ra". Yao" mho" shid' khyo khyo" yang nga" daui daui mo, re sulho re kug' ngaui" byid' ra"xeim: sho: re zo: nae". Gaung sho: o: byid ra" phavae mau" re kaid' nae" tau:21 khyo nghung: nghung: nhao: ra". – Ngo wa yao: naung myid qo" lo nae" ayo, byid' to: ngaid qere: yao: wa yao" gaung sho: o: byid: ra" phavae mau" zo" mae nhag' myid22 matha" nug ngaid: ra". – Airu: mung: ngo yao: re yab qo mae shepye' to: nae". Aimae yao: we' daga" myi: lao shaid' ra" mo, naung myid za: maqo" lo: gelao" wa qug: khai:23 mo" phau: nhao nae". – Aimung: ngo wa yao" zo: dau qe re se' pye' byid: nae". Ailao" za: phung: khao: ngo" wa ngo re nhag' myid we' aung khug akao" mae" kheim ce' re ca byid' yang khoyaug ngaid: rure ba genae". Aimung: ngo wa naonhaung" yaug khao: ngo" re yao: yao: zaui: so" lo: ra" lo, mau" zo" we' main: qi" ra" aphug' re byid:24 nae". – Thuatira vo mae dang: ra" mo, naonhaung" wa ai: makhyang: mashab: ra" mo; mho" shid' khyo re macao" ko" ngaid: ra". Naonhaung" wa lahaung: lapao: no; thao" ra" khyo ga: su geje qe yang mhang" ko" ra" khyo re mazhao: yu ko" ngaid: ra". Ngo naonhaung" re ta" ru wa naonhaung" dao mae qola: pe" ja: re: ngo makai: byid:25 nae". – Ngaid qere: ngo joe" li" sho' naon- haung" mho" zhao: yu: ra" akhyo jham re tang za: naonhaung" zaui" zag: ci qo: ra". –26 Ai: aung doe; ra" mo, we' athao joe" sho' nga" mau" zo" re zaui" cao" ko" ra" mo, rere mang: khao: ngo" re ug nae" kheim:27 so' ngo byid: nae". – Aimung: yao" jo, to' zaung: bao" we' mung: yao: bam re zam: nae". Ceru wa nga" pho" mae" ngo qhug' yu: ra" ru ngaid: . Ailao" yao: bam: myid ug' jham re aje, amain" be; kho' sin: nae" kheim: so' yao: re ngo byid: nae".28 Ngo yao: re Bo" myhung rere: byid:29 nae". – Solo wa phung: jham re khoru: mho: ra" akhyo re tae" gyo: nae" no: khye' de, mo, wa gyo: vegeshao: .