1 Cegu" athao mae ngo qu" ke' re mug: gaung mae kham: dung: bung" jo; ru re myao: ke' ra". Qhid' phyao: ngo gyo" qu" ra" labo" thoe we' dau: ra" thoe wa cekhyo do, lo wa, cethao: ne, boe" nae" akhyo jham re ngo nao re qhu" byid: nae" ga:2 ngo re ta" ra". – Dalhang: dae solo wa ngo mae vao: jaung" ra". Mug: gaung la kin tao" dalam: zhaung: to" ru we' ai: tao" mae byu dayaug zaung: na: ru re ngo myao: ke'3 ra". – Ai: yaug ve, ci: ave, wa laug gyang" Patamya khai" we' dau: ra". La kin lhang" gam: mae laug nyug we' dau: ra" sang yhao4 taui" jo; ra". – Ai: la kin lhang" gam: mae getau: la kin shid' xe: byid lam: jo; ra". La kin ai: gu: mae mai bau: phyu ve, mung: Dain zi maug zhaung" ra" lau: de, shid'5 xe: byid yaug zaung: na: ako". – Ai: la kin mae" lhe' caid' we' mug: dam: thoe jham myang: thug' li" ra". La kin: qhid' au: mae de; ra" myi: dam nhaid' dam jo; ra". Ai: myi: dam jham wa Mo"so: Solo nhaid' so6 qe ngaid: ako". – La kin qhid' au: qag qag phyu: ra" bao qhi: laug we' dau: qid lao: jo; ra". La kin akhug mae re: , avai: ayae mae re: dagaung: geim" myo, jid' yao: za" ru gug' nyhug' byid dau: re: na: ako". –7 Saoqhid' mae" dau: wa lo: tin: we' dau: ra". Shid' dau: ein: dau: wa nung: jaung nau" we' dau: ra". Sam dau: ein: dau: wa byu: myo, khung: de; ra". Byid dau: ein: ra" dau: wa dao" qin" ra" zeim baung: we'8 dau: ra". – Ai: gug' nyhug' byid dau" geim" mae dadau: mae daung khyaug' lam:lam: de; ako".Aimung: yao: bam: gaung gam: sho' myo, jid' cin cin de; bam: ako". Yao: bam wa myi" na" mathang mano: lo: lai: lo" va" ta , ana" ta , joe" lo nae" ta mae qam: o: bo: thao" ra" AsAng Mo"so wa shaog- yang" shao gyang" shao gyang" yaug ngaid: na shao: wo" ga: myi" na" masham caung:9 khin" na: ako". – La kin dao mae zhaung mung: mug: khothao" myid khothao" mae daui: na yaug phung bao we' jeju re daui10 nam alhab' mo; caung: khin" ako". – Lau: de; shid' xe: byid yaug wa la kin dao mae zaung: na: ra" yaug: qhid' kheim: mae goe, mung: mug: khothao" myid khothao" daui: na yaug re goe; pa" mung: ,11 O" AsAng Mo"so we" nao wa phung bao nga: lao: qam: so' re khae: yu nae" main: qi" ra" yaug ngaid: ra" wo". Pe" mung: ga" re AsAng wa cao jab alhab' re phain: to: yaug ngaid mung: AsAng myid: o: ra" khyo" yang aijham wa daui: na: jo, nae" akhang" qo" ako" ga: mho mung: yao: bam: dainzi maug re la kin: qhid' kheim: mae khyaid' to" ako".