1 La kin mae zaung: na: ra" yaug: lo, yo shaid' mae adao akhug tung" to" ra" so: xam: ce' nhaid' dae be; te' to" ra" tung"2 dang: nhaid' lam: re ngo myao: . – Qam: bo: thao" ra" mug: logyo: dayaug wa ai: tung" dang: re phung" mung: so: xam: ce' re qhid' nae" tau: khoyaug main: qi" nae" i"? ga: zag: hug' na: ru re ngo myao: ra". –3 Mug: gaung mae re: myid gaung: dao mae re: myid gaung o mae re: ai: tung" dang: re qo" phung" nae" dayaug lao" mana.4 Aire khoyaug lao" maqo" qu" ko". – Airu: mung: ngo wa gyai gyi: ngug: pye' va". Pe" mung: ga" re ai: tung" dang: re qo" qu" nae" we' qo" phung" nae" su dayaug re: maqhug'5 qho: myao yang: ngug: ru ngaid: . – Ailao" ai: lau: de, qe: phaung mae" dayaug ngo re dangug lo: , qu" wa, Yuda, amyu" mae" lo: tin: ga" ra" Davi agyi: wa tung" dang: re qo" phung" mung: so:deim: dae nhaid' lam: re re: qhid' li" nae" ga: ngo re nhag' tang" ra".6 Qu" shi: ge, la kin dao phaung gaung: mae gug' nyhug' byid dau: we' lau: de, qe: agyo: mae yao nau" dadau: ye; jo; ru re ngo myao: ke' ra". Ai: yao nau" wa se' pye' qhug' va" ru we' dau mung: myo, jid' nhaid' jid' we' khyug nhaid' khyug yaug: ra". Ai: gu: alhab' geim" wa myidkin dao khyo Mo"so nhao ke' ra" mug: logyo: nhaid' yaug ngaid:7 ako". – Ai: yaug wa la kin dao mae zaung: na: jo; ra" yaug: lo, yo shaid' mae" tung"8 dang: re li" yu: ra". – Yao" tung" dang: re yu: yu: ra" au: gug' nyhug' byid dau: we' lau: de, shid' xe: byid yaug wa ai: yao nau" qhid' kheim: mae goe; lo" ako". Ai bam wa tang: we' sheim nae pyo" ra" ja: byang" ra" hhang keim jham ci: ako". Ai wa shao gyang" ra" mo; jhaung: mho' kheim: thoe jham ngaid: ra".9 Yao: bam nghaui" thoe asag' we' nghaui" ko" ru wa nao wa tung" dang: re yu mung: so: xam: ce' rere: phung" nae" qhid' pye' nae" main: qi" yaug ngaid: ra". Khoru: ga" re AsAng wa se' qhug' mung: shid qhug' byid' ra" khyo" yang mang: din" khao: ngo" mae" byumyu" cao jab mae" we' byumyu" akaung aboe: khao: ngo" mae" byu jham re Mo"so: tau: ni" sa" yang vai: yu: ava". –10 Aimung: AsAng wa ngonhaung" re Mo"so: mau" zo" vin vo; mung: zug: amyu" boe" nae" we' khin jaung amyu" boe" nae" tau: jaung: nha: to: mung: ngonhaung" re myid kin dao mae ug nae" akhang" byid' to"11 ra". – Ai mae ngo qu" ke' re matho' nghe' lo" akyid akug ngaid: ra" mug: logyo: jham: thoe re the' gyo". Yao: bam ai: la kin lhang" gam: daui nam jham we' lau: de, qe lhang"12 gam: ye; jo, mung: thoe mo" we' – Se' pye' qhug' ra" yao nau" wa kheim: so' qam: o: jo, nho" we' juyi qam: o: nga: phung bao we' khin" ru re khae: yu nae" main: qi" yaug ngaid: ra" wo" ga: zag: hug' na:13 ako". – Aimung: mug: gaung mae myid gaung mae , myid gyid' khug mae na ko" ra" amyu" khao: ngo" , qid mang: khug mae na ko" ra" ja: jham we' ai: akhug mae jo; ra" nam bin sho' geim" re: la kin dao mae zaung: na: ra" yaug we' yao nau" wa apyaid ato khonhae" re: caung: khin" ru , nga: yhe' ru , phug' myhao" ru kheim: so' we' phung bao wa ajo; jo, veshao: wo" ga: ta" thoe re14 ngo qhug' the' gyo". – Ai: thao mae ai: gug' nyhug' byid dau: wa Amen ga: ceim" tau" ke' ako".Lau: de, shid' xe: byid yaug re: gam" goe; pa" ako".