1 Keim nhaid' lam: ci: ra" mug: logyo: nhaid' yaug mae" dayaug ngo jhao" li" mung: ngo re li" qu" wa, qid dao mae zaung: na: ra" yaug zhang: myhi" re dae byid' ru re2 nao re qhu" nae" ga: ta" ra". – Yaug zhang: myhi" we' myid gye, geim" mae" jhaung zug: qe wa phavae mau" kaid' ako". Myid gaung dao mae na ko" ra" mo, alhab' re: yao" phavae mau" zo" yhid qang: mae bo:3 yid: na: ako". – Ai: solo wa ngo re gao so yo dajao: khyo jhui" ye" lo" ra". Aimae byao byao ne: ra" zoqhid dadau: mae myiqe: dayaug zaung: jo; ru re ngo myao: . Zoqhid ai: dau: wa au: nhaid' au: de, mung: khyug daxe khyug yaug: ra". Yao" gaung geim" mae Mo"so re khyoe' ra" dao: kheim: jham4 tung" te' ci: ra". – Ai: myiqe: myhi" wa ane we' amo, mai bau: re shaung yhaung" ve; ci yang: gaung geim" mae hhang zai , laug nyug , laug ne , pau: lhai: ce' we' jo, nho" ja: nam jab re te' ci: ra". Yao" phavae mau" mae ca' ja: gyaug vae mau" we' qho' pho: aja: ja: jham bo: ra" hhang keim dalam:5 yao" lo, mae zhab' ci: ra". – Yao" nga: lao: mae yaug zhang: myhi" qe alhab' yao: myhi" we' myid gaung gye, geim" mae" ca' ja: gyaug vae nam ngaid: ra" ga: tung" te'6 to" ra". – Ai: myiqe: myhi" wa shao gyang" mo; sa: we' Khristu mathao mae se' qhug' mo; sa: re shaug' yid: ci: ra". Ngo wa yao: re myao lao" gyai yao: qu" mug' pye' va". –7 Mug: logyo: wa nao pe" mung: mug' na: . ga: ngo re myid' ra". Ai: myiqe: myhi" lase" we' yao: zaung: ci: ra" au: nhaid' au: de, mung: khyug daxe khyug yaug: ra" zaqhid: lase" re ngo nao re ta" kyo: li".8 Ana" nao myao: ra" zoqhid wa geco' ne, na: qu" va" ngaid yang: re: ana" mana lo: yao: wa myid sao: dung: mae" thug' li" yang: phyo' qheim" pye' ru qhug' li" nae". Mug: thug' sao peim mae" kao so' japhin: paug' mae mang mabo lo: na: lai: lo veko". Ngaid yang: re: ana" mana lo: , thao mae dam: na nae" ga: zoqhid re dam: myao lao" yao: bam wa mug' hao" byaug: li" genae". –9 Ceru mae juyi we' byang" ra" sozo: du: yaug wa qo" ba: yu: ako". Ai: myiqe: myhi" zaung: jo; ra" au: nhaid' au: wa bam nhaid' bam ngaid: ra". Ai jham wa jhaung zug:10 nhaid' yaug re: ngaid: ako". – Ngo" yaug: gu: wa na: lai: lo" veko". Dayaug wa ana" na: na: ashi".Dam: dayaug wa lo" thao" lao" na: li" shi: nae". Airu: yao: na: li" au: mae ayo, akhin: alang" zo: za: ngaid: ra". –11 Na: lai: lo" qu" yang: ana" mana lo" ra" ai: zoqhid na: li" lao" she' yaug ein: ra" jhaung zug: ngaid: ra". Nhaid' yaug mae bo:bo yaug re:ngaid: ra". Ai mung: yao: wa phyo'12 qheim" pye' ru qhug' li" nae". – Ai: nao myao: ra" khyug' daxe khyug wa mang: zug: ug gam kheim: so' maqo" shi" ra" jhaung zug: daxe yaug ngaid: ra". Jhaung zug' kheim: so' re zoqhid we' daga" za:13 qo" genae" ngaid: . – Yao: bam wa alhab' myid vang" ru we' yao: bam: kheim: so' akhang" aya: re ai: zoqhid re qhaug' byid' li"14 genae". – Cegu: wa yao nau" re gye kaid' nae" mo, ngaid: ako". Yao nau" wa yao: bam re aung: pye' nae". Pe" mung: ga" re yao nau" wa AsAng qe: tho' mae" AsAng:, zug: qe: tho' mae" zug: ngaid: ra". Gye vo jham re yao nau" yang khai: khyin: jhui" yu qhug' ra" vin tang" ru we' yao" thao cao" ra" mo;15 yang khaid' aung: pye' genae". – Ai mung: mug: logyo: ngo re mho: ru wa ana" nao myao: ra" yaug zhang: myhi" zaung: jo; ra" qid gyaung: jham wa byumyu" acao jab we' mang: khao: mang: ngo" we' myain" aja:16 ja: jhau mo, ngaid: ako". – Ana" myao: na: ra" khyug daxe khyug yaug: ra" zoqhid wa yaug zhang: myhi" re nghang: mung: yao" jo, nho" jham phyo' qheim" pye' li" nae". Yao" mai bau: jham re khyaid' shao: pye' yang: yao" sho: re zo: mung: myi" yang yao:17 re ngha" pye' li" genae". – Khoru: mung: ga" re Mo"so wa yao: o ngaui: khyo: kaid' vegeshao: ga: yao" mung dao: byang" dang: lo: ra" ayo, joe" sho' yao: bam myid jho" vang" mung: myid gaung gye, geim" re ug nae" kheim: so' re ai: zoqhid re qhaug' byid: genae" tau: Mo"so wa juyi byid' to" ra".18 Aimung: nao myao: ra" myiqe: myhi" wa myid kin jhaung zug: qere ug nae" ra" vomo" ngaid: ra"ga: mug: logyo: ta" ra".