1 Dam: dalhang mug: logyo: dayaug wa yao" lo, mae myid sao: dung: kham: thug' kyao" we' jao co: taui: ci yang: mug: gaung2 mae" gyo" li" ru re ngo myao: . – Yao:wa genhae" mae" yui we' tau: lhain: yaug ngaid: ra". Lhao maui mao jaung: re jao co" yang zin na da taung taui" to" ra". –3 Byumyu" cao jab re maqo" mho" pyag' nae" tau: mae" mug: logyo: wa zin na dataung thao" sho' yui re myid sao: dung: khyo khyo" ke' yang: kham: kyao" kyao" lhaung" to: mung: so:deim: te' to" ra". Ai: thao yao: re dazab zo: lhau" dam: nhao: ke' li" nae".4 La kin tao" jham rere: ngo myao: .Ai: mae zaung: na ko" ra" mo, wa dao: phyid' nae" kheim: so' qo" mo, ngaid: ako". Zoqhid we' yao" alho re magoe; pa" mo, yao" so:deim: ce' re nga: lao: mae we' lo, mae makhae: yu lo: na mo, Yesu sagso: dao: we' Mo"so: mung dao: mathao mae lang byid sa: sheim mo; solo rere: ngo myao: . Yao: bam wa daui: na mung: Khristu we' zin na5 dataung qo" ug: na: ra". – Shid: lai: lo" va" gu: mae" wa zin na dataung lai: lo" byaug lao" za: she, adaui: to" li" genae".Ceru wa saoqhid' re" daui: to" ra" akhyo ngaid:6 ra". – Sao qhid' re" lhang bo: daui: to" yaug kam" wa shao gyang" yang: nga: lho" ra". Shid' lhang ein: ra" shid: ru yao: bam re malo: zao" lo: ngaid: ra". Yao: bam wa Mo"so we' Yesu khin jaung ngaid: mung: yao: bam wa Khristu we' daga" za: dataung zin ug: li" genae".7 Zin na dataung lai: lo" lao" yui wa kyam: mae" nhao: thug' ke' ru qhug'8 nae". – Alao" yao: wa Goga we' Magoga ga" ra" mug: myid myo, nho byid shaid' mae na: bam ko" ra" byumyu" cao jab re mho" pyag' yu nae" tau: to" li" nae". Satain: wa qid dae yae mae" ma coe nho" myo" ra" gye khe' nae" tau: khai: zhang" li" nae". –9 Yao: bam wa myid gye, geim" khyo byo: sin" ye" lo" mung: shao gyang" ra" mo; gye phung: re re: qu" jhid' nae" ru" vomo" jham re lhang" kham" li" genae". Alao" Mo"so: myi: wa mug: gaung mae" gyo" li" mung:10 yao: bam re li" nga" pye' nae". – Yao: bam wa mho" pyag' ra" yui rere: Zoqhid we' lapa lho yhe' mo, re fang myi: mai: tham: khyo khyo" zaui: pye' ako". Yao: bam ai: jo, qo mae apyaid ato myi" na" yhin" to" ru qhug' li" genae".11 Ai: thao la kin tao" phyu rere: la kin tao" mae zaung: na: ra" yaug re re: ngo the' myao: ra". Mug: gaung we' myid gaung wa yao" qhid' kheim: mae" phao: lo" ako". Airu: mung: yao: bam vho' na nae" jo, qo maqo"12 lo: ko". – Shid: lo" va" mo, aqi: angai alhab' geim" re: Mo"so: qhid' kheim: mae li" jin: ye; bam ko" ru re ngo myao: . Tung" paug' jham re phung" to" ako". Kao so' japhin: paug' ngaid: ra" getau: tung" paug' rere: phung" to" ra". Shid: lai: lo" va" mo, wa yao: bam: ave, cao" yang: ai: japhin: paug' mae bo: ru we' dakhyo: za: dao: phyid' ru13 qhug' ako". – Qid mang: din" re: yao: mae bo: ra" sushid qe re qhaug' byid' li" genae". Shid zug: we' movo: mang: re: yao: mae na: ra" sushid qere qhaug' byid' li" genae". Yao: bam yaug khao: ngo" wa khag' re: khag' yao: kaid' ra" mau" zo" we' dakhyo:14 za: dao: phyid' ru qhug' ako". – Shid zug: we' movo: mang: re myi: mai" tham: khyo khyo" pye' ako". Ce: shid: ra" khyo wa shid' lhang ein: shid: ru ngaid:.15 Kao so' japhin: paug' mae mang ma bo: ra" mo, na mae" na re myi:mai: tham: khyo" ke' ru qhug' ako".