1 Cegu" thao mae mug: gaung mae" mug: logyo: dayaug gyo" li" ru re ngo the' myao: ke' yao: wa kheim: so' we' phung bao qo" yang: myid gaung wa yao" phung bao: yang2 bo" bao byid' ra". – Yao: wa thoe mo" we' hug' yang: Babilon: vomo" wa byo; qeim: lo" byaug va" , byo; lo" byaug va". Ana" ai: jo, qo wa min: yui jathaung: jo, qo mashao makha" qu" ca' sho' ra" dung: khung: we' ngho' jham khug ngha: ra" jo, qo boe"3 byaug va". – Khoru: mung: ga" re mang: khao: mang: ngo" wa yao" anyain: avho" mau" yang nhag' gyid' ra" yhid qang: re shaug' qu" ci: aveko".Aimung: myid gaung: dao mae" jhaung zug: qe wa yao: we' daga" nyain: vho" ra" phavae mau" re zaui" shaid' veko". Gau mung myho" khyo" mo, re: yao: o: byid: phavae mau" mathao mae jo, nho" qo" li" ako" ga: ta" ko" ra".4 Ai: thao mug: gaung mae" getau: thoe dam: thug' li" ru wa yao" qobo mae mabo: leim" mo, we' yao" nho" mo" re maba: phau: shi" ra" mo, nga" byu qe we" yao:5 mae" thug' phao: lo geri: wo". – Khoru: mung: ga" re yao" qobo wa mug: gaung loe" sho' bam: zao: jo; ra". Mo"so wa yao: makhyang" ra" khyo re myid: beim: so:6 va". – Yao: naonhaung" re kaid' ru we' dakhyo: yao: rere: kaid' ge, yao" ave, re qu" yang: shid' nho" paug' yang: dam: tug' byid: ge, yao: phaung: to" ra" keim mae shid' nho" kho je: thin sho' ke' pyang" byid:7 ge, – Yao: wa yao" gaung re langa: yu yang: gaung sho: pyo" khyo kaid' yu: ra" qhi" yao: re qug: khai: nhag' kaug' nhag' ngai: ru re boe" nhao ge, pe" mung: ga" re yao: wa jhaung zug: myhi" re" ru: zaung: jo; ra". Ngo wa cug' mo" myhi" re: mangaid: kaug' qhui: ru re: qhug' nae" mangaid: ga:8 myid: yu: ra". – Airu: mung: yang: dane, re" ba yao: phau: nae" ru wa shid no nhag' kaug' myo, yug: ru, vae: moe; qid shab' ru qhug' mung: myi" yang ngha" ru phau: yo, nae". Pe" mung: ga" re yao: re dao: phyid' ra" yaug wa qam: mo" bo: thao" ra" AsAng Mo"so ngaid: ra".9 Nyain: vho" ra" phavae mau" zo" mae ai: myiqe: myhi" we' daga" bo:kaid' ko" myid kin dao mae" jhaung zug: qe wa yao: re ngha" ra" myi: khug' re myao gelao" yao" tau: kaug' yang: gyi: ngug genae". –10 Yao: qhug' ra" qug: khai: kyi" khyag' dae re qu" gyaug ko" ru: yang va: va: mae ye; jo, yang: gya we" gya we" phao" ra" qi" ra" qam: mo" bo: ra" Babilon: vo mo" we" nao wa dayo, qug mae za: pyam" ru qhug'11 venhaung i"? ga: ta" ako". – Myid kin dao mae" gau mung myho" khyo" mo, re: nhag' ngai: kaug' ngug genae".Pe" mung: ga" re yao: bam: aung: xain: jham re vai nae" byu12 khag' mana lo: geyang: ngaid: ra". – Yao: bam: gai xain: jham wa hhang zai , ngaui zai , phug' de; ra" zai , laug nyug laug ne aja: ja: , pau: lhai: qui: , pin phyu lung: , zin yung pin: , bug: zo: mai , sug' gug jham , shaug' the: jham , xao zaui: yang kaid' ra" zai aja: ja: , phug' de; ra" ug' khug' lhao bin jham , jo, to' gyid: ne, laug gyang" phyu13 keim khug' jham – Sag' hau: zo: , xeim: mae ke' zai gyug' aja: ja: , boe, nae" xau aja: ja: , sag xau jham sabyi' qang: nae pyo" ra" xau aja: ja: , zo: xau we' cinmain" mug we' saung so gaug zo , nung: jaung , yao we' myao: jham lhin" jham , sulhe: qe: jeim qe byu: kao so' solo jham re lao" vai nae" su14 khag' mana lo: . – Nao gyai qu" mhin: ra" shi: aja: ja: jham re: byaug: byaug veko". Min nam cug nam alhab' re: byaug: baui" lo" li" nae" ai: gu: re nao cao" qho ngaid15 yang: re: mamyao lo: nae". – Cegu: vai: aung: yang: na: dai: lo" ra" mo, wa myiqe: myhi" phau" ra" qug: khai: re myao gelao" kaug' qhui yang: ngug byid we' va: va: mae16 ye; na mung: .– Ceru: boe" ru we" ce ru: boe" ru we" pin: yaung" mai bau: ne mai bau: mo, re ve; ci yang: ngaui zai , hhang zai , laug zai we' pau: lhai: jham: yang shaung: yhaung" ci: ra" vogaung: mo" we",17 Ce:nho" myo" laug: ra" jo, nho" dai kham wa dayo, qug mae za: aseim amyid boe" byaug va". Lha sang qe lha kau: mo, lha mae bo: jui: mo, qid dae mae qho zo:18 mo, alhab' geim" wa ava: – zang mae ye; na: bam mung: ,Yao: re ngha" myi: khug' thaui: re myao lao" ce: vomo" we' dau: ra" vomo" getau khonhae" re: majo; qu"19 shi: ga: hug' ako". – Ailao" za: yao" phaui: lhug re yao: bam: au: mae gag: gyain" yu mung: zag: gyi: ngug: ru we' gya we" gya we" ai: vomo" alao" yao: wa qid lha qo" ra" mo, alhab' re jo, nho"qo" nhao: ra" vomo" ngaid: ra". Ana" kam" wa dayo, qug dazab zo: mae za: byo; baui" lo" byaug: veko" ga: nyung: mho: ako".20 Mug: gaung we" ai: vomo" byo; baui" lo" ru: yang ngaui bau: wa, Mo"so: byu qe, Logyo: qe, lapa qe we" ngaui bau: ge, pe" mung: ga" re Mo"so wa naonhaung" bo: de, mung: yao: re tarha" pyam" byid' ava" ga: ta" thoe ngo the' gyo".21 Qam: mo" bo: ra" mug: logyo: dayaug wa laug lhang ce' qhi" bo: ra" laug baui dabaui re gaug: yu yang: qid mang: dae khyo lhaui" zaui: ke' zo" re" qi" qhang: ra" Babilon: vomo" wa cere" ru: atug' aqhui pye' khyo" pye' ru qhug' li" nae". Yao: re khonhae" re: dam: myao: lo nae" mangaid:22 ga: ta" ra". – Nao mae tang: she thoe , khulhao: maid thoe , nghaui" thoe , labo" maid thoe , khonhae" re: the' gyo: lo: nae" mangaid: nao mae lo, mau" kaid' ra" mo, khonhae" re: madam: myao lo: nae". Laug lhang lhang: myhang" thoe re: magyo: lo:23 nae". – Myi: dam dadam lao" nao mae de, lonae" mangaid: myhi" sag' pho" sag' qe: thoe nao mathe' gyo: lo: nae". Khoru: ga" re myid kin: zug: qe wa ni" gau mung myho" khyo" mo, boe" veko". Byumyu" cao jab re nao ngaug: yu: ru nao: yang jhui" pyag' sham" ru phau: veko" ga: mug: logyo:24 ta" ra". – Lapa qe: sa: shao gyang" ra" mo; sa: we' myid gaung: dao mae" se' qhug' ko" ra" mo; sa: jham wa ai: vomo" mae sheim: gyo" bam: ru the' myao: .